Saturday, June 26, 2010

പാഠ്ശാല - PaathShaala - ഹിന്ദി ഫിലിം (4.5/10)


Drama/2010/(4.5/10)


പ്ലോട്ട് :  ഒരു സ്‌കൂള്‍, അവിടൊരു സമര്‍ത്ഥനായ പ്രിന്‍സിപ്പാള്‍ (നാനാ പഠേക്കര്‍‍), അവിടെ പുതുതായി വരുന്ന മാഷ് (ഷാഹിദ് കപൂര്‍). സ്‌കൂള്‍ ലാഭകരമാക്കാന്‍ മാനേജ്മെന്റിന്റെ അടുക്കേല്‍ നിന്നും സമ്മര്‍ദ്ദം - പ്രിന്‍സിപ്പാള്‍ റിയാലിറ്റി ഷോ, മീഡിയാ കവറേജ് മുതലായ പുതിയ വഴികള്‍ തേടുന്നു സ്‌കൂളിനെ ഹിറ്റ് ആക്കാന്‍ - ആസ് യൂഷ്വല്‍ - അതെല്ലാം തന്നെ കുട്ടികളുടെ നെഞ്ചത്ത് പൊങ്കാല ഇട്ടുകൊണ്ടുള്ള കളികള്‍ ആയി മാറുന്നു. എവിടാണാവോ സ്‌കൂളില്‍ ഫീസ് കൊടുത്തില്ലാ എന്നു പറഞ്ഞ് കുട്ടിയെ രാവിലെ മുതല്‍ വൈകിട്ട് വരെ പുറത്ത് പൊരി വെയിലത്ത് നിര്‍ത്തുന്നത്?! ആ കുട്ടി എന്നിട്ട് ചക്കക്കുരു പോലെ വൈകിട്ട് നടന്നു പോവുകയും ചേയ്തു, ഇവിടൊക്കെ പതിനഞ്ച് മിനുട്ട് അസംബ്ലിയില്‍ നിന്നാല്‍ പുള്ളാരു ഉരുണ്ടു വീഴും! പിന്നെ : ചീറ്റിപ്പോയ സാറിനോടൂള്ള പ്രേമം (അതിനെപറ്റി പിന്നെ മറന്നു പോയി സംവിധായകന്‍), മുഖത്ത് കരിവാരിത്തേച്ച് വിരുപനായ കുട്ടി, അവനോടെ കൂട്ട് കൂടാതിരിക്കുന്ന - നായകന്‍ രണ്ട് പട്ടിക്കുട്ടികളെ കാട്ടു‌മ്പോള്‍ കെട്ടിപ്പിടീച്ച് കൂട്ട് കൂടുന്ന മറ്റു കുട്ടികള്‍ .. അങ്ങനെ പോവ്വുന്നു മറ്റു കഥാപാത്രങ്ങള്‍!


വെര്‍ഡിക്ട് : പാഠ്ശാല ഒരു സാധാരണ പടം ആണ്. കേട്ട് തഴ‌മ്പിച്ച കഥയും, കണ്ട് മടുത്ത രീതികളും കൊണ്ട് നശിപ്പിച്ചിരിക്കുന്ന ഒരു സിനിമ. നല്ല അഭിനേയാതാക്കളെ കിട്ടിയിട്ടും “ഈ പടം ഇങ്ങാരു ഇതെങ്ങോട്ടാണ് കൊണ്ടുപോവുന്നതു” എന്നു ചിന്തിപ്പിക്കാതിരിപ്പിക്കാന്‍ സംവിധായകനോ കഥാകൃത്തിനോ ആവുന്നില്ലാ എന്നതു തന്നെ അവരുടെ പരാജയത്തെ സൂചിപ്പിക്കുന്നു. നല്ല പശ്ചാത്തലെ സംഗീതം മാത്രം ആണ് ടെക്നിക്കലീ എടുത്ത് പറയാന്‍ ഉള്ളതു. പലകുറി കണ്ട് മടുത്ത കഥാ സന്ദര്‍ഭങ്ങള്‍ പശ്ചാത്തലെ സംഗീതത്തിന്റെ മികവു കൊണ്ടു മാത്രം നമ്മളെ, വളരെ വിരളമായിട്ടാണെങ്കിലും, ഫീല്‍ ചേയ്യിക്കാന്‍ സാധിക്കുന്നുണ്ട്.

പക്ഷെ,നാനാ പഠേക്കര്‍‍ പ്രിന്‍സിപ്പാള്‍ ആയി അഭിനയിപ്പിക്കുക അല്ല, ജീവിക്കുക ആണ് - അങ്ങാരുടെ ഒതുങ്ങിയ അഭിനയത്തെ പുകഴ്‌ത്താതെ വയ്യ. ഷാഹിദ് കപ്പൂര്‍ : എന്റെ സ്വാഭാവികമായുള്ള കുശും‌മ്പ് അവനെ അംഗീകരിക്കാന്‍ സമ്മതിക്കുന്നില്ലാ എങ്കിലും, ലവനും വളരെ നന്നായിട്ടുണ്ട്.  ആയിഷാ ടാക്കിയ - സിനിമാക്ക് നോട്ടം കിട്ടാതിരിക്കാന്‍ മാത്രം ആയിട്ട് ഇടക്കിടക്കു വന്നു പോവുന്നുണ്ട്.

എന്റെ അഭിപ്രായത്തില്‍, കാണാതിരുന്നാലും വലിയ കുഴപ്പം ഒന്നും വരാത്ത പടം ആണിത്. വേറെ ഒന്നും ചേയ്യാന്‍ ഇല്ലാ എങ്കില്‍ മാത്രം ഈ സാഹസം മതി. 
 


2 comments:

  1. ഈ പച്ചുതിന്റെ ഓരോരോ പോസ്റ്റുകള്‍...
    പടം കണ്ടിട്ട് പറയാം ഈ പോസ്റ്റ്‌ എങ്ങനെയുണ്ടെന്നു...
    നിങ്ങളുടെ ഈ പോസ്റ്റ്‌ എനിക്ക് വളരെ ഇഷ്ടപ്പെട്ടു.
    മലയാളത്തിലുള്ള പോസ്റ്റുകള്‍ ഇനിയും പ്രതീക്ഷിക്കുന്നു...
    സസ്നേഹം
    അനിത
    JunctionKerala.com

    ReplyDelete
  2. സ്വാഗതം അനിതാ ഈ കൊച്ച് ബ്ലോഗിലേക്ക്. :) ധൈര്യമായി പറഞ്ഞോളൂ അഭിപ്രായം. ഓരോ അഭിപ്രായത്തിനും സമ്മാനം ഉണ്ട്, - ഇന്‍ഡ്രോക്ടറി ഓഫര്‍. ;)

    ReplyDelete