Friday, October 14, 2011

ഇന്ത്യൻ റുപ്പി (8/10)

Indian Rupee/Malayalam/2011/Drama-Thriller/M3DB/ (8/10) 

പ്ലോട്ട് : പണക്കാരൻ ആവാൻ കൊതിക്കുന്ന ഏതോരു മലയാളി ചെറുപ്പക്കാരന്റേയും മുന്നിലുള്ള ഏറ്റവും എളുപ്പ പണിയാണു റിയൽ എസ്റ്റേറ്റ് ഏജന്റ് ആവുക എന്നത് - ഒരു ബിസിനസ്സ് നടന്നാൽ തന്നെ കിട്ടുന്ന ലക്ഷങ്ങൾ അല്ലായെങ്കിൽ കോടികൾ ലക്ഷ്യമിട്ട് ഇറങ്ങിത്തിരിക്കുന്ന ഒരു സാധാരണക്കാരൻ ആണു ഈ സിനിമയിലെ നായകൻ.  തന്റെ ലക്ഷ്യത്തിനു വേണ്ടി എന്തു തെറ്റും ചേയ്യാൻ മടിക്കാത്ത സാധാരണ മലയാളിയുടെ കഥയാണിത്.  ക്ലീഷേകൾ പരമാവധി ഒഴിവാക്കി, ഏറ്റവും സ്‌ട്രേയിറ്റായി കഥ പറയുന്ന  ഒരു ഡീസന്റ് സിനിമ എന്ന നിലയിൽ ആണു ഈ സിനിമ ഉഗ്രനാവുന്നത്.


വെർഡിക്ട് :  സിനിമയുടെ ആദ്യ അഞ്ച് മിനുറ്റിൽ തന്നെ ഹീറോവിന്റെ(?)  ഇൻ‌ട്രോ നടക്കുന്നുണ്ട് - പൃഥ്വിരാജിന്റെ ആദ്യ ഷോട്ടിൽ തന്നെ തീയറ്ററിൽ നിറഞ്ഞത് കൈയ്യടികൾ അല്ലായിരുന്നു, നല്ല ഉഗ്രൻ ‘ബ്ലോക്ക്-ബസ്റ്റർ’ കൂവൽ ആയിരുന്നു. പക്ഷെ നായകനെ പിന്നിലേക്ക് മാറ്റി സിനിമയുടെ സൃഷ്ടാവ് നിയന്ത്രണം ഏറ്റെടുത്തപ്പോഴേക്കും കൂവലുകൾ മാറി മുഴുവൻ ജനങ്ങളും കൈയ്യടികളിലേക്ക് വീണു. ഈ സിനിമ ശരിക്കും ഒരു പൃഥ്വിരാജിന്റെ സിനിമ അല്ല - പക്ഷെ രജ്ഞിത്ത് എന്ന നല്ല കഥാകാരന്റെ, തിരക്കഥാകൃത്തിന്റെ, സംവിധായകന്റെ സിനിമ ആണു. കഥാനായകനിട്ട് പാര വൈക്കുന്നവരോട് ഒന്നും ചേയ്യാനാവാതെ ‘അവരോടൊക്കെ എന്തു ചേയ്യാൻ പറ്റും?’ എന്ന വിചാരത്തോടെ നിൽക്കുന്ന നായകൻ - എത്ര സിനിമയിൽ കണ്ടിട്ടുണ്ട് നമ്മൾ ഇത്തരം നായകന്മാരെ? എത്ര പാവത്താൻ  ആണെങ്കിലും, കീരിക്കാടൻ ജോസിനെ പോലത്തെ മഹാ-ഗുണ്ടകളെ അടിച്ച് നിലം പരിശാക്കുന്ന നായകന്മാർക്ക് മാത്രം സ്ഥാനമുള്ള സ്ഥലമാണു സിനിമ എന്ന മിഥ്യാ ധാരണയെ പൊളിച്ചടുക്കിയ രജ്ഞിത്തിനു ഒരു ലൈക്ക്!

പിന്നെ ഉള്ളത് തിലകൻ - ഈ സിനിമയിലെ നായകൻ പൃഥ്വിരാജാണോ അതോ തിലകൻ ആണോ? എനിക്ക് സംശയം ഉണ്ട് - പൃഥ്വിരാജിനെക്കാൾ നിറഞ്ഞ് നിൽക്കുന്നതു തിലകൻ ആണു ഈ സിനിമയിൽ ആദ്യാവസാനം. കിടിലൻ പെർഫോർമൻസ്, അതിനെക്കാൾ കിടിലൻ ഈ കാസ്റ്റിങ്ങ്!

ടിനി ടൊം, ജഗതി, കല്‍പ്പന (രണ്ടോ മൂന്നോ സീനുകൾ മാത്രം), മാമുക്കോയ,എന്നിങ്ങനെ സ്വന്തം കഥാപാത്രങ്ങളെ അനശ്വരമാക്കിയ മറ്റുള്ളവരും ഉഗ്രനാക്കിയിട്ടുണ്ട് - പക്ഷെ ഈ കഥാപാത്രങ്ങളിൽ ഒക്കേയും (ജഗതി ഒഴിച്ച്) താരങ്ങളെ കാണാനേ ഇല്ല - കഥാപാത്രങ്ങളെ മാത്രമാണു കാണാനുള്ളത് മുഴുവൻ സമയവും.  അതിലും രജ്ഞിത്തിന്റെ കഴിവ് സമ്മതിക്കാതെ തരമില്ല. റീമ എല്ലാ സിനിമയിലേയും പോലെ സൈഡെഡുപ്പുള്ള ചിരിയുമായി ചുമ്മാ വന്നു പോവുന്നുണ്ട്.  ഗോൾഡ് പപ്പൻ എന്ന ജഗതിയുടെ കഥാപാത്രത്തിൽ പകുതി ജഗതി മാനറിസംസ് ആണെങ്കിലും, അതും നന്നായിട്ടുണ്ട്.


ഒറ്റ വാചകത്തിൽ : മിസ്സ് ആക്കാൻ പാടില്ലാത്ത, തീയറ്ററിൽ ഇരുന്നു തന്നെ കണ്ടിരിക്കേണ്ട ഒരു സിനിമ.

വാൽക്കഷ്ണം : കല്‍പ്പനയും സഹോദരനും കൂടെ വരുന്ന ഒരു സീൻ ഉണ്ട് സിനിമയിൽ - അസാദ്ധ്യം. സിനിമ കഴിഞ്ഞും ആ ഡയലോഗുകൾ നമ്മളെ പിന്തുടരുന്നു കൊണ്ടിരിക്കും, അതൂറപ്പ്.

കുറച്ച് നല്ല ചിരിയും ഉണ്ട് സിനിമയിൽ - ചിലവ തീയറ്ററിനെ മുഴുവൻ ചിരിയിൽ മുക്കുന്നവയും ആണു.





Monday, July 25, 2011

Shor in the City (8/10)

Shor in the City/Hindi/2011/Drama/IMDB/ (8/10)
Rated PG  for language and some disturbing violent content.
Tagline: If you cant hear it, you are obviously dead!


പ്ലോട്ട് : മുംബൈ നഗരത്തിലെ നാലഞ്ച് പേരുടെ കഥ. അവിടെ അവരുടെ അതിജീവനത്തിന്റെ, അതിനുള്ള ശ്രമങ്ങളുടെ, അവരുടെ ക്രൈമുകളുടെ കഥകൾ.

ക്രിക്കറ്റ് ടീമിലേക്ക് പ്രവേശനം കിട്ടാൻ കൈക്കൂലി കൊടുക്കാൻ പണമില്ലാതെ വിഷമിക്കുന്ന ഒരു ക്രിക്കറ്റർ, ലോക്കൽ ഗുണ്ടകളുടെ ഭീഷണിയിൽ വലയുന്ന ഒരു Returned NRI ആയ ബിസിനസ്സ്കാരൻ യുവാവ്, അല്പസ്വല്പം തരികിടകൾ ഒക്കെ ചേയ്ത് ജീവിച്ച് പോവുന്ന മൂന്നംഗ ഗ്രൂപ്പ് - പിന്നെ ഇവരെ തമ്മിൽ ബന്ധിപ്പിക്കുന്ന ചില അപ്രധാന കഥാപാത്രങ്ങൾ - ഇത്രയും പേരുടെ കഥകൾ ആണീ സിനിമ. ഇവരുടെ കഥകൾ ആകസ്മികമായി അവിടിവിടെ കൂട്ടിമുട്ടുന്നുണ്ടെങ്കിലും, പരസ്പരം ഇടപെടുന്നതു പോലും പരിമിതമാണു. മൂന്നു തുരുത്തുകൾ ആയിട്ട് ഈ മൂന്നു കൂട്ടരുടേയും കഥകൾ  മുന്നോട്ട് പോവുന്നു. ഗണേശ് ചതുർഥിയുടെ പത്ത് ദിവസങ്ങളിലായി നടക്കുന്നതായി കാട്ടുന്ന ഈ  കഥകളൂടെ കൂടുതൽ ആഴങ്ങളിലേക്ക്  ഇറങ്ങുന്നില്ല.

വെർഡിക്ട് : ഒരു ചെറിയ പടം എങ്കിലും, ഉഗ്രൻ പടം. ഒരു തവണയും കൂടെ കാണണം എനിക്ക്.  തുഷാർ കപൂറിനെ ആദ്യമായി ഒരു കഥാപാത്രത്തിൽ എനിക്കിഷ്ടമായ ഒരു സിനിമ കൂടെ ആയിരുന്നു ഇതു.  അവൻ മാത്രമല്ല, എല്ലാവരും ഉഗ്രൻ. NRI ആയിട്ട് വരുന്ന ആൾ, തുഷാർ കപൂറിന്റെ ഒരു ഞെരിപിരി കൂട്ടുകാരൻ, ഇവരൊക്കെ കിടിലനാണു.
പക്ഷെ ശരിക്കും സ്റ്റാർ തിരക്കഥ തന്നെയാണു. വേണ്ടിടത്ത് വേഗം കൂട്ടിയും അല്ലാത്തിടത്ത് സ്ലോ ആയി ബന്ധങ്ങളുടെ ഊഷ്മളത കാട്ടിയൂം നീങ്ങുന്ന ഈ സിനിമയിൽ വിശ്രമിക്കാൻ ഒരിടം നമുക്കില്ല - നമ്മൾ ഇരുന്നു കണ്ട് തീർക്കുക തന്നെ, ഒരു ബാത്ത്‌റൂം ബ്രേക്ക് എടുക്കാൻ പോലും സമ്മതിക്കാത്ത ഒരു സിനിമ.


ഒറ്റ വാചകത്തിൽ : മിസ്സ് ആക്കാൻ പാടില്ലാത്ത ഒരു പടം.

ഈ പടം സാമ്പത്തികമായി വിജയം ആയിരുന്നോ? ആയിരുന്നില്ലാ എന്നു തോന്നുന്നു .വിജയിക്കേണ്ട പടം ആയിരുന്നു ഇതു, എന്നാലേ ഇത്തരം പടങ്ങൾ കൂടുതൽ ഇറങ്ങൂ.


വാൽക്കഷ്ണം : രക്ത്‌ചരിത്രയിലെ പെണ്ണ് - രാധിക - ഇതിലും ഉണ്ട് :)  സുന്ദരിയാണൂട്ടോ. ;)





Sunday, July 17, 2011

Chappa Kurish - ചാപ്പാ കുരിശ് (5.5/10)

Chappa Kurish/Malayalam/2011/Drama-Thriller/M3DB/ (6/10)


പ്ലോട്ട് : അർജ്ജുൻ (ഫഹദ് ഫാസിൽ) ഒരു അടിപൊളി, കാശ് വീട്ടിലെ പയ്യൻ, ഉയർന്ന ശമ്പളമുള്ള ജോലിയും ഉയർന്ന നിലയിലെ ജീവിതവും നയിക്കുന്നു. അൻസാരി (വിനീത് ശ്രീനിവാസൻ) വടക്കൻ മലബാറിൽ നിന്നും കൊച്ചിയിലെ ഒരു സൂപ്പർമാർക്കറ്റിൽ ജോലി ചേയ്യാൻ എത്തിയിരിക്കുന്ന ഒരു സാധാരണക്കാരൻ പയ്യൻ, പണത്തിലും വിദ്യാഭ്യാസത്തിലും, ജീവിത നിലവാരത്തിലും, ആത്മധൈര്യത്തിലും അർജ്ജുന്റെ നേർ വിപരീതം - ഇവർ ഒരു നാണയത്തിന്റെ അകവും പുറവും ആയിട്ട് വരുന്ന ഒരു കഥയാണു ചാപ്പാ കുരിശ്. അർജ്ജുനും അയാളുടെ ആപ്പീസിലെ ജീവനക്കാരിയും (രമ്യാ നമ്പീശൻ) ആയിട്ടുള്ള സ്വകാര്യ നിമിഷങ്ങൾ പകർത്തിയിട്ടുള്ള മൊബൈൽ ഫോൺ അയാളുടെ കൈയ്യിൽ നിന്നു കൈമോശം വരുന്നതും, അതു ആകസ്മികമായി വിനീത് ശ്രീനിവാസന്റെ കൈയ്യിൽ എത്തുന്നതും, പിന്നെ അതു തിരിച്ച് വാങ്ങുവനുള്ള അർജ്ജുന്റെ ശ്രമങ്ങളും ഒക്കെയാണു ഈ സിനിമ.

വെർഡിക്ട് : ഈ പടം - ആവറേജ് ആണോ, അത്യുഗ്രൻ ആണോ? എനിക്ക് ഒരു തീരുമാനത്തിൽ എത്തുവാൻ ആകുന്നില്ല - ഇതോരു ഇംഗ്ലീഷ് പടം ആയിരുന്നെങ്കിൽ ഞാനിതിനെ അത്യുഗ്രൻ എന്നു വിളിച്ചേനേ, പക്ഷെ മലയാളം ആയതു കൊണ്ട് ആവറേജ് എന്നും (കാരണം ചോദിക്കരുതു, എനിക്കറിയില്ല!). പക്ഷെ സിനിമ ഒരല്പം - ഒരു പത്ത് മുപ്പത് മിനുറ്റ് - വെട്ടികുറച്ച്, രണ്ട് പാട്ടുകളും കട്ട് ചേയ്തു ഇറക്കിയിരുന്നെങ്കിൽ ശരിക്കും ഉഗ്രനായേനേ. അതു കൊണ്ട്, രണ്ട് റേറ്റിങ്ങ് ഈ സിനിമക്ക് - അഞ്ചരയും ആറും.

കൈ എത്തും ദൂരത്തിൽ അഭിനയിച്ച ‘ഫാസിലിന്റെ മ്വോൻ‘ തന്നെ ആണോ ഇതു? .. എങ്കിൽ ഫാസിലിന്റെ മകൻ എന്ന നിലയിൽ നിന്നും ഫഹദ് ഒരു വളരേ നല്ല അഭിനേതാവിന്റെ നിലയിലേക്ക് പെട്ടെന്നു ഉയർന്നിരിക്കുന്നു, അർജ്ജുനൻ സാക്ഷിയിലും എനിക്കിവനെ വളരേ ഇഷ്ടായിരുന്നു.  കൊള്ളാം, ഇങ്ങനെ കഴിവുള്ളവർ ഉയർന്നു വരട്ടേ ധാരാളം.

ഫഹദ് വിനീത് ശ്രീനിവാസനെ നിഷ്പ്രഭനാക്കി. പക്ഷെ സമൂഹത്തിന്റെ ആട്ടും തുപ്പും സഹിച്ച് കഴിയുന്ന താഴേക്കിടയിലെ ഒരു ‘പുഴു‘വിനെ പ്രതിനിധീകരിക്കുന്നതിൽ വിനീത് ശ്രീനിവാസൻ നന്നായിട്ടുണ്ട്. പിന്നെ എടുത്ത് പറയേണ്ടതു സപ്പോർട്ടിങ്ങ് ആക്ടേഴ്സ് ആണു. അർജ്ജുന്റെ സുഹൃത്ത് ആയിട്ട് വരുന്ന ആ ആൾ, പിന്നെ അൻസാരിയൂടെ സൂപ്പർവൈസർ ആയിട്ട് അഭിനയിക്കുന്ന ആൾ .. കൊള്ളാം.

സംവിധാനം - പടത്തിനു നീളം കൂടിയതു എഡിറ്റിങ്ങിന്റെ പ്രശ്നം ആണോ, അതോ സംവിധായകന്റെയോ? അതു ഒഴിവാക്കിയാൽ, സമീർ താഹിർ ഒരു വാഗ്ദാനം തന്നെയാണു മലയാളം സിനിമക്ക്. അങ്ങാരുടെ ക്ലാസ്സ് വ്യക്തമാണു സിനിമയിൽ ഉടനീളം. പിന്നെ സിനിമയിൽ ഉടനീളം വരുന്ന ‘ബീപ്പ്’ ശബ്ദങ്ങളുടെ പിന്നിലെ തെറികൾ - അതു ശരിക്കും എല്ലാവരുടേയും നാക്കിൽ വരുന്നതാണു, പ്രാന്ത് പിടിച്ചിരിക്കുമ്പോൾ മനസ്സിലെങ്കിലും തെറി പറയാത്തവാരായി ആരുമുണ്ടാവില്ല, ഉറപ്പ്. അതു സിനിമയിൽ ഉൾപ്പെടുത്തിയതു ആരുടെ കൈക്രിയ ആണെങ്കിലും, അദ്ദേഹത്തിനും ഒരു ക്ലാപ്പ്. 

പിന്നെ അവസാനം ഒരു അടി ഉണ്ട്, ഈ അൻസാരിയും അർജ്ജുനും തമ്മിൽ - ഒരു വേട്ടക്കാരന്റേയും വേട്ടമൃഗത്തിന്റേയും യുദ്ധം പോലൊരൊണ്ണം - തനി നാടൻ ഉരുട്ടിപ്പിടുത്തം -  മാർക്ക്സ് ശരിക്കും അതിനു പത്തിൽ പത്താണു.

സിനിമാറ്റോഗ്രാഫിയും എടുത്ത് പറയേണ്ട കാര്യം തന്നെയാണു. അൻസാരിയേയും അർജ്ജുനേയും കാട്ടുമ്പോൾ ഉള്ള ലൈറ്റിങ്ങ് (അതു സിനിമാറ്റോഗ്രാഫറുടെ കഴിവ് അല്ലേ?), കാമറാ ആംഗിൾസ്, ബാക്ക് ഗ്രൗണ്ട്, .. ഒക്കെ കിടിലൻ. ആക്ഷൻ സീക്വൻസിലും ജോമോന്റെ ക്യാമറ ആ അടിയുടെ മൊരടത്തരം കൃത്യമായി ഒപ്പിയെടുക്കുന്നുണ്ട്.  ആ രണ്ട് കഥാപാത്രങ്ങളുടേയും ക്യാരക്ടർ അനുസരിച്ച് കാമറ അവരുടെ കൂടെ യാത്രയാവുന്നതു സിനിമയെ വളരേ അധികം സഹായിച്ചിരിക്കുന്നു എന്നു പറയുമ്പോൾ അതിൽ സുഖിപ്പിക്കലിന്റേയോ, ഫേവറിസത്തിന്റേയോ ഒട്ടും മായം ഞാൻ ചേർക്കുന്നില്ല. പക്ഷെ, ഇന്നു ചേർത്തലക്കടുക്കെയുള്ള മരുത്തോർവട്ടം എന്ന എന്റെ കൊച്ച് ഗ്രാമം ജോമോൻ ടി ജോൺ ന്റെ പേരിൽ അഭിമാനിക്കുന്നു, എനിക്കുറപ്പാണു, ഇനി കേരളം അവന്റെ പേരിൽ അഭിമാനിക്കുന്ന ഒരു ദിനം വരും, അധികം താമസിക്കാതെ തന്നെ.!

ഒറ്റ വാചകത്തിൽ : നീട്ടക്കൂടുതൽ ഇല്ലായിരുന്നെങ്കിൽ പടം രസിച്ചേനേ, പക്ഷെ സംഭവം കൊള്ളാം എന്നാൽ എല്ല്ലാവർക്കും സുഖിക്കണമെന്നില്ല.

വാൽക്കഷ്ണം : ഇതിൽ രമ്യാ നമ്പീശന്റെ ഒരു ലിപ്പ് ലോക്ക് ഉണ്ട് - തമിഴിലും തെലുങ്കിലും അഭിനയിച്ചതു കൊണ്ട് രമ്യക്ക് പുരോഗമനം ഇല്ലാ എന്നു പറയാനാകില്ല ;) പണ്ടാരടങ്ങാനായിട്ട് ആ ഭാഗ്യം കിട്ടിയതു ഫഹദിനും - അവൻ ഒരു പൊടി ഗ്ലാമർ ആണൂട്ടോ.

നേരത്തെ പറഞ്ഞതു പോലെ സിനിമയുടെ ഇഴച്ചിൽ മാറ്റാൻ കുറച്ച് ഭാഗങ്ങൾ കട്ട് ചേയ്തു ക്രിസ്പ് ആക്കിയിരുന്നെങ്കിൽ എന്റെ റേറ്റിങ്ങ് എട്ടിനു മുകളിൽ പോയേനേ - അങ്ങനെ ഒന്നൂടെ ഈ പടം ഇറങ്ങിയിന്നെങ്കിൽ, വീഡിയോ ആയിട്ടെങ്കിലും!.


Monday, July 11, 2011

Salt N' Pepper - സോൾട്ട് ആൻഡ് പെപ്പർ (8.5/10)

Salt N' Pepper/Malayalam/2011/Drama-Humour/M3DB/ (8.5/10)
Tagline: ഒരു ദോശ ഉണ്ടാക്കിയ കഥ :)

പ്ലോട്ട് : ഒരു തീറ്റപ്രാന്തനായ, നല്ല രുചിയുള്ള ആഹാരത്തെ പ്രേമിക്കുന്ന മദ്ധ്യവയസ്കനായ ഒരു അവിവാഹിതൻ (ലാൽ) അദ്ദേഹത്തിനു അനന്തിരവൻ കൊണ്ടെ കൊടുത്ത മൊബൈൽ ഫോണിൽ ആദ്യം വരുന്ന കോൾ തന്നെ ഒരു റോങ്ങ് നമ്പർ ആണു - അതു വിളിക്കുന്നതാവട്ടെ ഒരു സിനിമാ ഡബ്ബിങ്ങ് ആർട്ടിസ്റ്റായ മദ്ധ്യവയസ്കയായ അവിവാഹിത. അവർ ഒരു ചായക്കട എന്നു കരുതിയാണു ആ നമ്പർ വിളിക്കുന്നതു - ആവശ്യപ്പെടുന്നതു ലാൽ ഇതു വരെ കേട്ടിട്ടില്ലാത്ത ഒരു ഭക്ഷണ പദാർത്ഥവും - തട്ടിലെ കുട്ടിദോശ.  ലാൽ ചൂടായിട്ട് ഫോൺ കട്ട് ചേയ്യുന്നു എങ്കിലും, തട്ടിലെ കുട്ടിദോശ എന്ന ഭക്ഷണം അവരെ വീണ്ടും അടുപ്പിക്കുകയാണു. ..

ബാക്കി കഥ തീയറ്ററിൽ :)

വെർഡിക്ട് : കഥ ഒന്നുമില്ല, ദാ മുകളിൽ പറഞ്ഞതു തന്നെ ആദ്യ 15 മിനുറ്റിൽ തീരും, പക്ഷെ ഒരു നല്ല സിനിമ എന്നതു  ഒരു അടച്ചുറപ്പുള്ള, ആരും ഇന്നേവരേയ്ക്കും കേൾക്കാത്ത കഥകളിൽ നിന്നും മാത്രമേ ഉണ്ടാക്കാൻ കഴിയൂ എന്ന മിഥ്യാ ധാരണ പൊളിച്ചെഴുതുന്ന സിനിമകളിൽ മുൻ‌നിരയിൽ ഈ സിനിമ എന്നും ഉണ്ടാവും, ഉറപ്പ്.  കഥ എന്തു എന്നതല്ല, എങ്ങനെ അതു പറയുന്നു എന്നതാണു പ്രധാനം, എന്നു ഈ സിനിമ വീണ്ടും തെളിയിക്കുന്നു.

ഈ സിനിമ : ഒരുഗ്രൻ സിനിമ തന്നെ ആണു. ആദ്യ നിമിഷം മുതൽ നമ്മളെ അക്ഷരാർത്ഥത്തിൽ കൊതിപ്പിച്ച്, വായിൽ വെള്ളമൂറിച്ച് പണ്ടാരടക്കിക്കൊണ്ടാണു അവസാനം വരെ ഈ സിനിമ നീങ്ങുന്നതു.  ഓരോ നിമിഷവും നമ്മളെ ഓരോ ആഹാര സാമാനങ്ങൾ ഇരിക്കുന്നതു കാട്ടി, കഴിക്കുന്നതു കാട്ടി,  ഉണ്ടാക്കുന്നതു കാട്ടി ഇങ്ങനെ ഇഞ്ചിഞ്ചായി കൊല്ലാക്കൊല ചേയ്യുകയാണു സിനിമാ സൃഷ്ടാക്കൾ..

സിനിമയിലേക്ക് : ഈ സിനിമയുടെ ഹൈലൈറ്റ് തിരക്കഥയാണു. ആ ക്രിസ്പി തിരക്കഥ സിനിമ ആക്കിയ സംവിധായകന്റെ രീതിയാണു,  ആ സിനിമയിലെ കഥാപാത്രങ്ങളായ താരങ്ങളാണു - ലാലും ശ്വേതയും അക്ഷരാർത്ഥത്തിൽ ജീവിക്കുകയാണു സിനിമയിൽ. പിന്നെ പറയേണ്ട താരം ബാബുരാജ് ആണു - സ്ഥിരം തല്ലുകൊള്ളി പോലീസായി അഭിനയിച്ച് പെട്ടെന്നോരു ദിവസം ഇങ്ങനത്തെ റോളൊക്കെ ചേയ്തു ഞെട്ടിക്കല്ലേ മാഷേ ഞങ്ങളെ .. കലക്കൻ! ആസിഫ് അലി കൊള്ളാം, മൈഥലി ധാരാളം ഞെളിഞ്ഞ് പിടിച്ച് ഓടി നടക്കുന്നും ഉണ്ട്. വിജയരാഘവനും കല്പനയും ഒക്കെ ചുമ്മാ ചെറു റോളുകളിൽ വന്നു പോവുന്നും ഉണ്ട്.  പക്ഷെ ആരും ഓവർ അല്ല, വേണ്ടാത്ത ഒരൊറ്റ കഥാപാത്രങ്ങളില്ല, എല്ലാം വേണ്ടതു മാത്രം. കൂടാതെ ചിരിച്ച് വീഴാൻ മാത്രമുള്ള സംഭവങ്ങളും സിനിമയിൽ അങ്ങോളമിങ്ങോളം ഉണ്ട് താനും. :)

ടെക്ക്നിക്കൽ സൈഡിലും ഒരു കുറ്റമോ കുറവോ പറയാൻ ഞാനാളല്ല. റ്റൈറ്റിൽ ഒക്കെ കിടു അല്ല, കി-ക്കിടു. :) ആഷിക്ക് അബുവിന്റെ ആദ്യ സിനിമ - ‘ഡാഡി കൂൾ’ വളരേ  വെറുപ്പിച്ച സിനിമ ആയിരുന്നു, പക്ഷെ ആ കേട് സോൾട്ട് ആൻഡ് പെപ്പർ മാറ്റി!

എനിക്കിനീം കൊതിയാവുന്നു, ഈ സിനിമ കാണാൻ - വായിൽ വെള്ളമൂറുന്നു ഈ സിനിമ ഒന്നൂടെ കാണാൻ. !

ഒറ്റ വാചകത്തിൽ :  സോൾട്ടും പെപ്പറും മാത്രമല്ല, എല്ലാ രുചികളും ഉള്ളോരുഗ്രൻ സദ്യ!. ഡോൺ‌ഡ് മിസ്സ് ! :)  പ്രാഞ്ചിയേട്ടനു ശേഷം ഞാൻ ശരിക്കും ചിരിച്ച് വീണ ആദ്യ പടം!

വാൽക്കഷ്ണം :  ഒരു റ്റൈറ്റിൽ സോങ്ങ് ഉണ്ട്, നമ്മൾ സീറ്റിൽ ഒന്നു ഇരുപ്പ് ഉറപ്പിക്കുന്നതിനു മുന്നേ തന്നെ നമ്മളെ താറൂമാറാക്കാൻ മാത്രമുള്ള ഒരു ഐറ്റം. കണ്ടിട്ടില്ലാ എങ്കിൽ ദാ ഇവിടെ കാണാം.

സിനിമ കണ്ട് തിരികെ പോവുന്ന വഴിക്ക് ബികുവിന്റെ തട്ടുകടയിൽ കയറാതിരിക്കാൻ നടത്തിയ എന്റെ മനസ്സിന്റെ ശ്രമം ഒട്ടും ഫലം കണ്ടില്ല - അത്രെക്ക് കൊതിയായിപ്പോയി ദോശയും ഓം‌ലെറ്റും ചട്നിയും മുളകും ചേർത്തോരു പിടി പിടിക്കാൻ ..   ഇശ് ...ശ് ... എനിക്കിപ്പോ കരിമീൻ പൊള്ളിച്ചതു കഴിക്കണം .. :(


Thursday, June 30, 2011

127 Hours (8.5/10)

127 Hours/English/2010/Adventure/IMDB/ (8.5/10)
Rated R for language and some disturbing violent content/bloody images.
Tagline: Every Second Counts

പ്ലോട്ട് : വീക്കെൻഡുകളിൽ അതി-സാ‍ഹസിക പരിപാടികളിൽ ഏർപ്പെടാൻ ഇഷ്ടപ്പെടുന്ന നായകൻ. ലവനാണെങ്കിൽ എങ്ങോട്ട് പോവുന്നു എന്ന് പോയിട്ട് പോവുന്ന ദിശ പോലും ആരോടും പറയാൻ ടൈമില്ലാത്ത, സൗകര്യമില്ലാത്ത ഒരു എമ്പോക്കി. അവൻ ഇത്തവണ പോവുന്നതു canyons-ലേക്കാണു.കൂട്ടായി തന്റെ സ്ഥിരം സഹയാത്രികർ മാത്രമേ ഉള്ളൂ, ട്രക്കിങ്ങ് ഗിയർ, തന്റെ ഹാന്റി-കാം എന്നിവയാണവർ.

ആ അതി-സാഹസിക യാത്രക്കിടയിൽ നമ്മുടെ അലുക്കൂലുത്തു നായകൻ ഒരു അപകടത്തിൽ പെടുന്നതും, ആ അപകടത്തിൽ മരണത്തെ കാത്ത് അഞ്ച് ദിവസത്തോളം കിടക്കുന്നതും, ആ സമയത്ത് അതു വരെ സ്വന്തം ചിന്തയിൽ പോലും വരാതിരുന്ന തന്റെ ജീവിതത്തെക്കുറിച്ചും, തന്റെ അടുത്ത കൂട്ടുകാരെക്കുറിച്ചും, സ്വന്തം കുടുംബത്തെക്കുറിച്ചും ഉള്ള ഓർമ്മകൾ അയവിറക്കുന്നതും, പിന്നെ അവസാനം  ആ ആസന്ന മരണത്തിൽ നിന്നും വല്ലവിധേനേയും രക്ഷപ്പെടുന്നതും ആണു കഥ. ഒട്ടും പേടിക്കേണ്ട, കഥ ശരിക്കും നടന്നതു തന്നെയാണു.

വെർഡിക്ട് :  പടം കിടു. നല്ല ക്ലീൻ തുടക്കം, ത്രില്ലിങ്ങ് നടുവശം, ക്രിസ്പി അവസാനം.
സിനിമ ഒരു നടന്ന കഥയെ ആസ്പദമാക്കി എടുത്തിരിക്കുന്നതിനാലും, ഒരു റിയൽ ലൈഫ് സംഭവം എന്ന തോന്നൽ വരുത്തുവാൻ പാകത്തിനുള്ള കാമറാ പരിപാടികൾ ഉപയോഗിച്ചിരിക്കുന്നതിനാലും,  ഒരു ഡോക്യുമെന്ററിയുടെ ലെവലിൽ എത്തി-എത്തിയില്ലാ എന്ന നിലയിലാണു രണ്ടാം പകുതി പോവുന്നതു. പക്ഷെ സിനിമ, ശരിക്കും ത്രില്ലിങ്ങ് ആണുട്ടോ.

ഡാനീ ബോയ്‌ൽ എന്ന സംവിധായകന്റെ സ്ലംഡോഗ് മില്യനേയർ എന്ന സിനിമ മാത്രമേ ഞാൻ മനസ്സിരുത്തി കണ്ടീട്ടോള്ളൂ, (മസാല കാണാൻ വേണ്ടി മാത്രം ഞാൻ കണ്ട ‘ദ ബീച്ച്‘ എന്ന ഇങ്ങാരുടെ പടം എന്നെ പറ്റിച്ചതു ഞാൻ പക്ഷെ ഇപ്പഴും മറന്നിട്ടില്ല!) ആ സിനിമയിൽ എനിക്ക് അങ്ങാരെ ഒരു ഒന്നാംതരം തട്ടുപൊളിപ്പൻ മസാലപ്പട സംവിധായകൻ എന്ന ലേബലേ കൊടുക്കാൻ സാധിച്ചോള്ളൂ. - പക്ഷെ ഈ പടം - അസാധ്യം!.

നായകൻ : James Franco - യെവൻ ആണു ഈ സിനിമ ! - യെവന്റെ അസാദ്ധ്യ പ്രകടനം ഇല്ലായെങ്കിൽ ഈ സിനിമയില്ല - സിനിമയുടെ ആദ്യ പകുതിയിലെ സാഹസികന്റേയും രണ്ടാം പകുതിയിലെ മരണം കാത്ത് കിടക്കുന്ന മനുഷ്യന്റേയും മുഖങ്ങൾ ഉഗ്രനായിട്ട് അഭിനയിക്കാൻ ഇങ്ങാർക്ക് കഴിഞ്ഞു - ഓർക്കുന്നുണ്ടോ യെവനെ ? സ്പൈഡർമാൻ 3 ലെ വില്ലൻ - ജൂനിയർ ഓസ്ബോൺ?  അവൻ താനെടാ യെവൻ.

ഒറ്റ വാചകത്തിൽ : ത്രില്ലിങ്ങ്, പക്ഷെ ശരിക്കും ടെൻഷൻ ആവും. ഭയങ്കര ഡിപ്രഷന്റെ അസുഖമുള്ളവർ ഒഴിവാക്കൂ. 

വാൽക്കഷ്ണം : പടം ഇങ്ങനെയൊക്കെയാണു എന്നു ആദ്യമേ പുടികിട്ടിയിരുന്നു ആദ്യമേ. എനിക്കാണെങ്കിൽ ഈ ദയനീയാവസ്ഥ കാട്ടി കാശുവാരുന്ന ‘ആകാശദൂത്‘ ടൈപ്പ് പടങ്ങൾ ഇഷ്ടമേ അല്ല, ആകാശദൂത് പോലത്തെ തീം സ്ലംഡോഗ് മില്യനേയർ പിടിച്ച സംവിധായകന്റെ കൈയ്യിൽ കിട്ടിയാലത്തെ സ്ഥിതി ആലോചിക്കാൻ പോലും എനിക്കാവില്ലായിരുന്നു,  അതിനാൽ ഈ പടം പെന്റിങ്ങിൽ വച്ചിരിക്കുവായിരുന്നു കുറച്ചധികം നാളുകളായിട്ട്. പിന്നെ ബ്ലോഗിലെ പുലി-പടക്കാഴ്ചക്കാരുടെ ഒക്കെ അഭിപ്രായങ്ങളും റിവ്യൂകളും ഒക്കെ വന്നപ്പോൾ, ധൈര്യം സംഭരിച്ച് കണ്ടതാണു ഈ പടം. ഇത്രേം വച്ചോണ്ടിരിക്കെണ്ടായിരുന്നു എന്നു എനിക്കിപ്പോൾ തോന്നുന്നു!. :)


Saturday, June 25, 2011

Game - ഗെയിം (6.5/10)

Game/Hindi/2011/Action-Suspense Thriller/IMDB/ (6.5/10)
Rated PG  for violence/strong language.
Tagline: It's not Over till its Over

പ്ലോട്ട് : കൊലപാതകം ചേയ്ത ശേഷം എന്തു ചേയ്യണമെന്നു അറിയാതിരിക്കുന്ന ഒരു ബോളിവുഡ് സൂപ്പർസ്റ്റാർ(ജിമ്മി ഷെർഗിൽ),  തായ്‌ലന്റിന്റെ അടുത്ത പ്രധാനമന്ത്രി ആവാൻ കച്ചകെട്ടി ഇരിക്കവേ അദ്ദേഹത്തിന്റെ ഫണ്ടുകളുടെ സ്രോതസിനെപ്പറ്റിയുള്ള സംശയത്തിനിരയാവുന്ന ഒരു രാഷ്ട്രീയക്കാരൻ (ബോമൻ ഇറാനി), മദ്യത്തിനടിമയായ ലണ്ടനിലെ ഒരു ക്രൈം ജേർണലിസ്റ്റ് (ഷഹാനാ ഗോസ്വാമി - റോക്കോൺ ഫെയിം), കൊളം‌മ്പ്യൻ ഗാങ്ങിനു 20 മില്യൻ ഡോളർ കൊടുക്കാനില്ലാതെ വിഷമിക്കുന്ന ടർക്കിയിലെ ഒരു കാസിനോ മുതലാളി (അഭിഷേക് ബച്ചൻ) - ഇവരെ നാലു പേരേയും ഗ്രീസിലെ ഒരു ഐലന്റിലേക്ക് വിളിക്കുന്നു ഒരു മൾട്ടീ ബില്യനേയർ ആയ ഒരു ഇന്ത്യാക്കാരൻ (അനുപം ഖേർ).

അവിടെ വച്ച് ഇവർക്കെതിരെ ശക്തമായ ആരോപണങ്ങൾ ആ വ്യവസായി ഉന്നയിക്കുന്നു - അവരെ ഇന്റർണാഷണൽ വിജിലൻസിനു പിറ്റേ ദിവസം കൈമാറുമെന്നു അറിയിക്കുന്നു - അങ്ങേരുടെ മകളെ പല ഘട്ടങ്ങളിലും ദ്രോഹിച്ചവർ ആണവർ .. എന്നാൽ പിറ്റേ ദിവസം രാവിലെ ആ വ്യവസായി വെടിയേറ്റ് മരിക്കുന്നു, ഒരാത്മഹത്യ. -  അവിടുന്നു ആ ഗെയിം തുടങ്ങുന്നു.

വെർഡിക്ട് : നല്ല സ്റ്റെയിലൻ പടം - ആദ്യ ഒന്നര മണിക്കൂർ പോയതറിഞ്ഞില്ല. നല്ല ലൊക്കേഷനുകൾ, നല്ല എഡിറ്റിങ്ങ്, നല്ല ബി.ജി, നല്ല സസ്പെൻസ്... പക്ഷെ ആദ്യ മണിക്കൂറിനു ശേഷം കഥ ഒരു കുറ്റിയേൽ ചുറ്റിക്കറങ്ങുകയാണു - സസ്പെൻസ് ഒക്കെയുണ്ടെങ്കിലും ഊഹനീയം ആണു. ( എന്തോ - എനിക്ക് മിക്ക സസ്പെൻസ് സിനിമകളുടേയും സസ്പെൻസ് ആദ്യമേ തന്നെ പിടി കിട്ടും - ഇതോരു രോഗമാണോ ഡോക്ടർ?)

കുറച്ചൂടെ കോപ്പ് കരുതിവച്ച് ഈ സിനിമ ചേയ്തിരുന്നെങ്കിൽ, ഇതോരു ഉഗ്രൻ സിനിമ ആയേനേ. കാതൽ നഷ്ടപ്പെടുന്നതായി തോന്നി, ആദ്യ മണിക്കൂറിനു ശേഷം.  ഫർഹാൻ അക്തറിനെ പോലുള്ള സിനിമാക്കാരൻ നിർമ്മാതാവ് ആയിട്ടും ഇങ്ങനെ സംഭവിക്കുന്നതു - ശരിക്കും അത്ഭുതകരം ആണു. പാട്ടുകളും കൊള്ളാം - കോ എന്ന പടത്തിലെ പോലെ ചുമ്മാ വിളിക്കാതെ വന്നു ശല്യപ്പെടുത്തി പോവുന്ന രീതിയിലല്ല പാട്ടുകൾ ഇതിൽ - അത്രേം സമാധാനം!.

സസ്പെൻസ് കണ്ടു പിടിക്കുന്നതോ - അതു കോപ്പിയടിയാണു. എവിടേയോ കണ്ടിട്ടുണ്ട്/വായിച്ചിട്ടുണ്ട് ഈ രീതിയിലെ കുറ്റകൃത്യം - ഷെർലോക്ക് ഹോംസിൽ ആണോ? പക്ഷെ, കണ്ടിരിക്കാവുന്ന, ഒരു ഡീസന്റ് സിനിമ തന്നെ ആണിത് - ഭാഷ മ്യൂട്ട് ആക്കിയാൽ പലയിടങ്ങളിലും ഹോളിവുഡ് സിനിമയെ വെല്ലുന്ന സംഭവങ്ങൾ ഉണ്ടിതിൽ..

ജൂനിയർ ബച്ചൻ കിടിലൻ. അനുപം ഖേർ കൊള്ളാം, ബോമൻ ഇറാനി, ജിമ്മി ഷെർഗിൽ - ഈ ടാലന്റ്സിനെ സംവിധായകൻ വേസ്റ്റാക്കി. ഇന്റർനാഷണൽ വിജിലൻസ് സ്ക്വോഡിലെ ഇൻസ്പെക്ടർ ആയിട്ട് കങ്കണാ റൗണത്ത് ആണു വരുന്നതു - ഈ സിനിമയിൽ ആണു ഇവളുടെ ഏറ്റവും മോശം പ്രകടനം - ചേയ്യാനൊന്നുമില്ല, ചുമ്മാ ഇല്ലാത്ത ചന്തീം ഇളക്കി അങ്ങോട്ടും ഇങ്ങോട്ടും നടക്കുകയല്ലാതെ !

ഒറ്റ വാചകത്തിൽ : ഒരു കാഴ്ചക്ക് ധാരാളം വകയുണ്ട്, ‘ഡോണ്ട് മിസ്സ്‘ കാറ്റഗറിയിൽ പെടില്ലായെങ്കിലും, മിസ്സ് ആക്കേണ്ട. ഒരു നല്ല ശ്രമം തന്നെയാണിതു.

വാൽക്കഷ്ണം :എവിടെയോ വായിച്ചു, ഈ സിനിമ ബോൺ ഐഡന്റിറ്റി ടൈപ്പ് സിനിമ ആണെന്നു - ഈ സിനിമ ഇനി ഒരു പത്ത് ജന്മം കൂടെ ജനിക്കണം അതിന്റെ അടുക്കെയെത്താൻ!.


Friday, June 24, 2011

Ko - കോ (6.5/10)


പ്ലോട്ട് : ഒരു പ്രസ്സ് ഫോട്ടോഗ്രാഫർ - ജീവ അഭിനയിക്കുന്നു. കൂടെ ഒരു സാധാരണ എഞ്ചിനിയർ (അജ്മൽ), സമൂഹത്തിലേക്ക് ഇറങ്ങിച്ചെന്നു ജനങ്ങളെ സഹായിക്കാൻ ശ്രമിക്കുന്നു ആ എഞ്ചിനിയർ. അതിനായി അടുത്ത തിരഞ്ഞെടുപ്പിൽ നിൽക്കുന്നു അദ്ദേഹം - കൂടെ പത്രങ്ങളുടേയും സാധാരണ ജനങ്ങളുടേയും, സമാന ചിന്താഗതിക്കാരുടെയും സഹായവും പിന്തുണയും. ആ സമരവും, അതിനെ എതിർക്കുന്ന രാഷ്ട്രീയപാർട്ടികളുടെ പ്രവർത്തനങ്ങളും,  അതിലേക്ക് ട്വിസ്റ്റുകൾ, ത്രില്ലിങ്ങ് ആക്ഷനുകൾ, ഒക്കെ ചേരുമ്പോൾ ഈ സിനിമയാവും.

വെർഡിക്ട് : വളരേ നല്ല സിനിമ എന്ന ഗ്രേഡ് സുഖമായി വാങ്ങിച്ചെടുക്കാമായിരുന്ന ഒരു പ്രൊജക്ട് - നല്ല കിടീലൻ കഥ, നല്ല സസ്പെൻസ്, നല്ല കാസ്റ്റിങ്ങ്, നല്ല പ്രസന്റേഷൻ, തിരക്കഥ. പക്ഷെ സിനിമ കച്ചവടവത്കരിക്കാൻ ശ്രമിച്ച്, അനാവശ്യമായി കൊറേ പാട്ടുകൾ കുത്തിനിറച്ച് ( നല്ല പാട്ടുകൾ - പക്ഷെ വേണ്ടാത്തിടത്ത് ആണു എല്ലാം), കൊറേ കത്തി സീനുകൾ കുത്തി നിറച്ച് അലമ്പാക്കിയിരിക്കുന്നു സിനിമ. എന്തിനു ഇത്രേം കാശ് മുടക്കണം, ഈ പാട്ടിനും കത്തിക്കും ഒക്കെ? ഒരു ഫോട്ടോഗ്രാഫർ ബൈക്കിൽ ഒറ്റ ചക്രത്തിൽ ഓട്ടിച്ച് കൊണ്ട് പടമെടുത്താൽ വല്ലതും പതിയുമോ? എന്തിനു ഈ കസർത്ത്? അങ്ങനെ ചേയ്താലേ നായകനാവൂ? ‘ഞാൻ മഹാനല്ല‘ എന്ന സിനിമയിൽ വില്ലന്മാരുടെ ഇടി കൊണ്ട് തൂറുന്ന നായകൻ വിജയിച്ചില്ലേ?


കഥ വളരേ വരിഞ്ഞ് മുറുകി ടെൻഷനിൽ ആയി വരുമ്പോൾ ആവും ഒരു പാട്ട് വരുന്നതു - അതിനായി ഇടക്കിടക്ക് നായിക ടെൻഷനാവും, നായകൻ സമാധാനിപ്പിക്കാൻ ചെല്ലും! - സിനിമയിൽ  പാട്ടുകൾക്ക് ടാക്സ് വൈക്കാൻ സമയമായി!.

റിയലിസ്റ്റിക്ക് ആയിട്ട് ഈ സിനിമ എടുത്തിരുന്നെങ്കിൽ എന്നു ഞാൻ ആഗ്രഹിച്ച് പോയി, അത്രെക്ക് നല്ല സിനിമ - പാട്ടും കത്തിയും ഇല്ലാതെ ഒരു ഡയറക്ടേഴ്സ് കട്ട് വേഴ്ഷൻ ഈ സിനിമക്ക്  ഇറങ്ങിയാൽ ഞാൻ  ആദ്യ ദിവസം തന്നെ ആ സിനിമ കാണാൻക്യൂവിൽ നിൽക്കുന്നുണ്ടാവും.. അങ്ങനെ ഒരു വേഴ്ഷൻ വന്നാൽ അതാവും തമിഴ് സിനിമയിലെ ഈക്കൊല്ലത്തെ കിങ്ങ്.!

ഒറ്റ വാചകത്തിൽ : നല്ല കഥ, സിനിമ, ആക്ടിങ്ങ്, പാട്ടുകൾ കുളം കലക്കി.

വാൽക്കഷ്ണം : ഈ സംവിധായകൻ തന്റെ കരിയർ ആരംഭിച്ചതു ഒരു ഫോട്ടോ ജേർണലിസ്റ്റ് ആയിട്ടായിരുന്നു - അതാവണം ഈ സിനിമയിൽ സ്റ്റിൽ ഫോട്ടോഗ്രഫിയുടെ ടെക്ക്നിക്കൽ സംഭവങ്ങൾ ഒക്കെ ഉൾപ്പെടുത്താൻ അദ്ദേഹത്തിനു കഴിഞ്ഞത്.  ഇരുട്ടത്ത് ഫോട്ടോ എടുക്കാൻ നേരം നായകൻ കാമറയുടെ  ISO അഡ്ജസ്റ്റ് ചേയ്യുന്നതു ഞാൻ ആദ്യായിട്ടാണു ഒരു സിനിമയിൽ കാണുന്നതു - അതോരു നല്ല കാര്യമായി.

ഇദ്ദേഹത്തിന്റെ ആദ്യ പടം കണ്ടിട്ടുണ്ടോ - കനാ കണ്ടേൻ? അതു കിടിലൻ പടമാട്ടോ, അതിൽ നമ്മടെ പ്രിത്വിരാജ് കലക്കീട്ടോണ്ട്!

ഇതിലെ നായിക പെണ്ണ് : എന്റമ്മോ മരത്തിൽ കൊത്തിയ ഒരു മുഖത്തിൽ ഇതിലും വികാരം വരും - ഇതൊരുവിധം..! എന്റമ്മോ!


Monday, June 20, 2011

Chalo Dilli - ചലോ ദില്ലി (5.75/10)


Chalo Dilli/Hindi/2011/Drama/IMDB/ (5.75/10)



പ്ലോട്ട് : നായിക (ലാറാ ദത്ത): ഒരു മൾട്ടി നാഷണൽ ഇൻ‌വെസ്റ്റ്മെന്റ് ബാങ്ക് ഹെഡ്, ചിരിക്കാൻ പോലും മടിക്കുന്ന, ഓഫീസിനെ വരച്ച വരയിൽ നിർത്തുന്ന, വിദേശ ബോട്ടിൽഡ് വാട്ടർ മാത്രം കുടിക്കുന്ന, ഒരു സീരിയസ് പ്രൊഫഷണൽ, ഒരു hygiene freak.  നായകൻ (വിനയ് പാഥക്ക്) : ദില്ലിയിൽ ഒരു ചെറു തുണിക്കട നടത്തുന്ന, നായികയുടെ സ്വഭാവത്തിനു നേരേ വിപരീതമായിട്ടുള്ള പെരുമാറ്റമുള്ള ഒരാൾ - സഹല ഫുഡും കഴിക്കും, വായിൽ എപ്പോഴും മുറുക്കാൻ, ആരുമായും ചേർന്നു പോവും. ഇവർ ഒരു വിമാനത്തിൽ മുംബൈയിൽ നിന്നും ദില്ലിയിലേക്ക് സഞ്ചരിക്കുമ്പോൾ കണ്ടു മുട്ടുകയാണു.   മുംബൈയിൽ നിന്നും ദില്ലിയിലേക്കുള്ള വിമാനം എന്തോ കാര്യത്തിനു ജയ്പ്പൂർ വരെയാക്കി, യാത്രക്കാരെ ജയ്പ്പൂരിൽ ഇറക്കി വിടൂന്നു, പിന്നെ വിപരീത സ്വഭാവഗുണങ്ങളുള്ള ഇവരുടെ യാത്ര ഒരുമിച്ചാണു. ആ യാത്രയാണു ഈ സിനിമ.


വെർഡിക്ട് : തുടക്കം കൊള്ളാം, അതു കൂടുതൽ പ്രതീക്ഷ നൽകി വീണ്ടൂം മെച്ചപ്പെടുന്നു, നടുക്കെത്തും മുന്നേയും മദ്ധ്യഭാഗം കഴിഞ്ഞ് സിനിമയുടെ കെട്ട് അഴിയുന്നു, ബോറാവുന്നു, അവസാനം കൊണ്ടേ കലവും ഉടച്ചിട്ടുണ്ട്, സൃഷ്ടാക്കൾ. : ‘ദസ്‌വിതാനിയ’ എന്ന ഹിന്ദി പടത്തിന്റെ സംവിധായകൻ ആണു ഇതും ചേയ്തിരിക്കുന്നതു. എനിക്ക് വളരേ ഇഷ്ടപ്പെട്ട സിനിമ ആയിരുന്നു അതു, അതാക്കാൻ ശ്രമിച്ചതാവണം ഈ സിനിമയിൽ സംവിധായകനു പ്രശ്നം ആയതു. അതു പോലുള്ള ഒരു അവസാനിപ്പിക്കൽ ആവണം അങ്ങാരു മനസ്സിൽ വിചാരിച്ചതു, പക്ഷെ, വളച്ച് വച്ചതും ഇല്ല, കൈയ്യിൽ ഇരുന്നതും പോയി എന്നു പറഞ്ഞതു പോലായി കാര്യം അവസാനിച്ചപ്പോൾ.

സിനിമയിലെ കഥ വളരേ പ്രഡിക്ടബിൾ ആണു, മിക്കവാറും ഓരോ ട്വിസ്റ്റും ഊഹിക്കാനാവും നമുക്ക് - അതു തന്നെയാവണം സിനിമയുടെ രസച്ചരട് പൊട്ടിക്കുന്നതു. അതുമല്ല, ‘ജബ് വീ മെറ്റ്‘ എന്ന സിനിമയിലും, Mr and Mrs Iyer എന്ന സിനിമയിലും ഒക്കെ കണ്ട തീം, അതിലും നന്നാക്കിയാലേ നമുക്കിഷ്ടപ്പെടൂ, അത്കൊണ്ട് ഈ കഥയെടുത്തതു ശരിക്കും റിസ്ക് ആയ പരിപാടി ആയിരുന്നു.

ഒറ്റ വാചകത്തിൽ : ഒരു തവണ കാണാൻ ആണെങ്കിൽ ഓക്കൈ, കണ്ടിട്ട് മറന്നേക്കുക, അത്രെക്കേ ഉള്ളൂ.


വാൽക്കഷ്ണം : ദസ്‌വിതാനിയ കണ്ടിട്ടില്ലാ, ? കണ്ടോളൂ, ധൈര്യമായിട്ട്.

അക്ഷയ് കുമാർ ഒക്കെ ചുമ്മാ ഗസ്റ്റ് റോളിൽ വന്നു പോവുന്നുണ്ട്, .. പക്ഷെ ഏച്ചു കെട്ടിയാൽ മുഴച്ചല്ലേ ഇരിക്കൂ?


Friday, June 17, 2011

Patiala House - പട്യാലാ ഹൗസ് (5/10)


Patiala House/Hindi/2011/Drama/IMDB/ (5/10)
Rated G  : suitable for General Audience.

പ്ലോട്ട് : ബ്രിട്ടണിലെ ഒരു പഞ്ചാബി കുടുംബം - അവിടത്തുകാരുടെ വർണ്ണവെറിയിൽ ആ കുടുംബനാഥൻ മരണപ്പെടുന്നതോടെ, അദ്ദേഹത്തിന്റെ മകൻ ഇംഗ്ലീഷുകാരെ ഏതു കാര്യത്തിലും എതിർക്കുന്ന, അവർക്കെതിരെ പോരാടുന്ന ഒരാളായി മാറുന്നു - അദ്ദേഹമാണു റിഷീ കപൂർ (സിനിമയിലെ പേരു വലിയ പിടീയില്ല - എല്ലാരുടേം പേരു ഏതാണ്ടൊരുപോലൊക്കെ ഇരിക്കും!).  അദ്ദേഹത്തിന്റെ വാശി കാരണം അദ്ദേഹത്തിന്റെ നല്ലവണ്ണം ക്രിക്കറ്റ് കളിക്കുന്ന മകന്റെ (അക്ഷയ് കുമാർ) ഭാവി തന്നെ തകരുന്നു - അക്ഷയ് കുമാർ ഒരു സാദാ ഡിപ്പാർട്ട്മെന്റ് സ്റ്റോഴ്സ് നടത്തുന്ന ഒരു സാദാ സിക്കുകാരൻ ആയിട്ട് മാറുന്നു. അതു പോലെ ആ വീട്ടിലെ എല്ലാരും അവരുടെ സ്വപ്നങ്ങൾ മറന്നു റിഷിക്കപ്പൂർ പറയുന്നതു പോലെ ജിലേബി ഉണ്ടാക്കിയും ഭജന പാടിയും ടാക്സി ഓടിച്ചും  ഒക്കെ കഴിയുകയാണു അവിടെ.

പിന്നേയും വളരേക്കാലം കഴിഞ്ഞ്, അക്ഷയ്കുമാറിനു തന്റെ സ്വപ്നം - രാജ്യത്തിനു വേണ്ടി ക്രിക്കറ്റ് കളിക്കുക എന്ന സ്വപ്നം - സാക്ഷാത്കരിക്കാൻ ഒരു അവസരം വരുന്നതും, അതു കൊണ്ട് ഉണ്ടാവുന്ന പ്രശ്നങ്ങളും ഒക്കെയാണു ഈ സിനിമ.

വെർഡിക്ട്: കഥ കച്ചറ. സ്വബോധമുള്ളവനു ഒരിക്കലും വിരസത കൺ‌ട്രോൾ ചേയ്യാൻ ആവാത്തത്ര വിരസമായ കഥ. ബാക്ക്ഗ്രൗണ്ട് സ്കോർ എല്ലാ പഞ്ചാബീ സിനിമകളിലേയും പോലെ “ബല്ലേ ബല്ലേ”യും മറ്റേ പെരുമ്പറ കൊട്ടലും.
പക്ഷെ, പടം നന്നായിട്ടെടുത്തിരിക്കുന്നു. അതിനെക്കാൾ മെച്ചമായി അക്ഷയ്കുമാറും മറ്റും അഭിനയിച്ചിരിക്കുന്നു. കാസ്റ്റിങ്ങും കൊള്ളാം - ഇപ്പോൾ പ്രായമായ നായകന്റേയും നായകന്റെ അച്ഛന്റേയും പണ്ടത്തെ റോളുകൾ വേറേ ആളുകളെ വച്ച് ചേയ്തിരിക്കുന്നതും ഇഷ്ടായി - അക്ഷയ് കുമാറിനേയും റിഷിക്കപ്പൂറിനേയും ഒക്കെ രണ്ടിഞ്ച് കനത്തിൽ വാൾപുട്ടി പൂശി പ്രായം കുറച്ചും വേണമെങ്കിൽ അഭിനയിപ്പിക്കാമായിരുന്നു, അതു ചേയ്തില്ല, ടാങ്ക്സ് സംവിധായകാ, ടാങ്ക്സ്.


അക്ഷയ് കുമാർ : സകല സ്വപ്നങ്ങളും നശിച്ച്, സ്വന്തം അച്ഛനു വേണ്ടി സ്വന്തം ജീവിതം അഴുക്ക്ചാലിലേക്ക് ഒലിച്ച് പോവുന്നതു നോക്കി നിക്കേണ്ടി വരുന്ന ഒരാളുടെ നിർവ്വികാരമായ ഭാവം - അതു അക്ഷയ് ഉഗ്രനായിട്ട് അവതരിപ്പിച്ചിരിക്കുന്നു. നല്ല കടൂകട്ടി ഡയലോഗുകൾ വരുമ്പോൾ വേണമെങ്കിൽ അക്ഷയിനു സുരേഷ് ഗോപി സ്റ്റയ്‌ലിൽ അതൊക്കെ പൂശാമായിരുന്നു - പക്ഷെ ചേയ്തില്ല. അതാണു നല്ല അഭിനയം, നല്ല സംവിധാനം.


ഒറ്റ വാചകത്തിൽ : കച്ചറ കഥ, ഡയലോഗുകൾ ഓവർ ഡോസ്, പാട്ടുകൾ ആവറേജ്, ബല്ലേ ബല്ലേ അൺ സഹിക്കബിൾ,  അഭിനയം ഉഗ്രൻ ...  കണ്ടിരിക്കാവുന്ന പടം.


വാൽക്കഷ്ണം : എനിക്ക് ചില കാര്യങ്ങൾ ഒട്ടും മനസ്സിലായില്ല - തന്തപ്പടി സിംഗിനു ഇത്ര ദേഷ്യം ആണു ഇംഗ്ലീഷുകാരേയും, അവരുടെ സംസ്കാരത്തേയും ഒക്കേയെങ്കിൽ എന്തു കൊണ്ട് അങ്ങാരു ബ്രിട്ടണിൽ തന്നെ കെട്ടിക്കിടക്കുന്നു? നാട്ടിലേക്ക് പോന്നൂടെ അങ്ങേർക്ക്? അങ്ങനെ പോന്നാലെങ്ങനെ സിനിമ നടക്കും അല്ലേ? :)

ആ വീട്ടിലെ ഒറ്റണ്ണത്തിനു നട്ടെല്ലില്ല-  എന്നാൽ സംവിധായകൻ പറയുന്നതു അക്ഷയ്കുമാർ “പറ്റില്ല” എന്നു പറയാഞ്ഞിട്ടാണു എല്ലാരും അവിടെ ഈ ഗതിയിൽ ആയിരിക്കുന്നതെന്നാണു. ഭയങ്കര ഔട്ട് സ്പോക്കൺ എന്നൊക്കെ കാട്ടുന്ന ഒരു കുടുംബാംഗവും ഉണ്ടവിടെ, അവനൊക്കെ എന്തേ റിഷിക്കപ്പൂറിനടൂത്ത് “ഒന്നു പോടാപ്പനേ” എന്നു വാ തുറന്നു പറയുന്നില്ല?  അപ്പോ എങ്ങനെ നായകൻ സൂപ്പറാവും അല്ലേ? :)

ഡിമ്പിൾ കപാഡിയ ഒക്കെ ഭയങ്കര കിഴവി ആയിരിക്കുന്നു - സുകുമാരിയെക്കാൾ പ്രായം തോന്നിക്കും ഇപ്പോ അവരെ കണ്ടാൽ! - എങ്ങനിരുന്നതാ അവരു - ഹോ - പണ്ട് ഏഴിലോ എട്ടിലോ പഠിക്കുമ്പോൾ ഫിലിം ഫേയറിൽ ഗോദ്‌റേജിന്റെ ഒരു കോണ്ടസ്റ്റ് വന്നു - എന്തോ പൂരിപ്പിച്ച് അയച്ചാൽ ഡിമ്പിളിനോടൊപ്പം ഒരു സായാഹ്നം!.. എനിക്ക് അതു കിട്ടിയെന്നു എത്ര രാത്രികളിൽ ആണു ഞാൻ സ്വപ്നം കണ്ടിട്ടുള്ളതു!. .. ഇപ്പോ അവരെ കാണുമ്പോൾ, .. ഭയാനകം! എല്ലാരുടേയും കാര്യം ഇത്രക്കേ ഉള്ളൂ!


Monday, June 13, 2011

Dum Maro Dum - ദം മാരോ ദം (6.5/10)


Dum Maro Dum/Hindi/2011/Action-Thriller/IMDB/ (6.5/10)
Rated R  for violence, drug content and some language

Tagline: Liquor is cheap here and women are even cheaper here 

പ്ലോട്ട് : ഒരു അഴിമതിക്കാരനായ ഓഫീസർ ആയ ACP കാമത്തിനെ (അഭിഷേക് ബച്ചൻ)  രോഗശയ്യയിൽ ആയ മുഖ്യമന്ത്രി മുൻ‌കൈ എടുത്ത് ഗോവയിലെ മയക്ക് മരുന്നു മാഫിയകളെ ഒതുക്കാൻ നിയോഗിക്കുന്നു.  അദ്ദേഹം ഒരു കറപ്റ്റഡ് അല്ലാത്ത ടീമിനെ തിരഞ്ഞെടുക്കുന്നു, തന്റെ ആക്ഷൻ ആരംഭിക്കുന്നു. പതുക്കെ പതുക്കെ, അദ്ദേഹത്തിനോടൊപ്പം, മയക്ക്മരുന്നു മാഫിയയുടെ ക്രൂരതകൾക്കിരയായ ഒരു ചെറു സംഘവും കൂടെ ചേരുന്നു - ശേഷം ചിന്ത്യം.

വെർഡിക്ട് : നല്ല തുടക്കം, നല്ല ബിൽഡ് അപ്പ്, നല്ല ആക്ടിങ്ങ്, നല്ല കാസ്റ്റിങ്ങ്, തരക്കേടില്ലാത്ത പാട്ടുകൾ, .. പക്ഷെ ഇടക്ക് ഇഴച്ചിൽ നന്നായിട്ടുണ്ട്, ക്ലൈമാക്സ് ആണെങ്കിൽ ഒരു പരിധിവരെ ഊഹിക്കാനും സാധിക്കുന്നുണ്ട് - അതൊഴിവാക്കാൻ ആണേന്നു തോന്നുന്നു, ഒരിക്കലും വേണ്ടാത്ത രീതിയിൽ, ആരും തന്നെ ധൈര്യപ്പെടാത്ത രീതിയിൽ, വളരേ മോശായിട്ട് കൊണ്ടെ സിനിമ അവസാനിപ്പിച്ചിരിക്കുന്നതു.

ഇത്രേം പറഞ്ഞത്, സിനിമയുടെ എഴുത്ത്/എടുപ്പ് വശം -  സിനിമയുടെ ടെക്ക്നിക്കൽ വശം പറഞ്ഞാൽ, ഉഗ്രൻ എന്ന വാക്ക് പോരാതെ വരും വർണ്ണിക്കാൻ. സിനിമയുടെ ടേണിങ്ങ് പോയിന്റ് എന്നു വേണമെങ്കിൽ പറയാവുന്ന (എന്റെ ഊഹം ശരിയെന്നു ഉറപ്പിച്ച മുഹൂർത്തം)   ഒരു ഷൂട്ടൗട്ട് ഉണ്ട് - രാത്രിയിൽ ഒരു നൈറ്റ് മാർക്കറ്റിലെ ഒരു സംഭവം. അത് നടത്തുന്നവരെ കാണിക്കുന്ന രീതി - ശരിക്കും ഇന്റർനാഷണൽ സ്റ്റൈയിൽ!. എനിക്കിഷ്ടായി. അതു ഒരു സീൻ മാത്രം - അതല്ലാതെ സിനിമ മൊത്തം സിനിമാറ്റോഗ്രാഫറും എഡിറ്ററും മറ്റു ടെക്ക്നിക്കൽ ക്രൂവും ഭരിക്കുകയാണു. :) .. പക്ഷെ, ഇവർക്കൊന്നും സിനിമ മുറുക്കിയെടുക്കാൻ കഴിഞ്ഞില്ല എന്നതു ഒരു പരാജയം തന്നെയാണു.

ആക്ടേഴേസ് : ഐഡിയ മൊബൈലിന്റെ പരസ്യങ്ങൾ എനിക്ക് വളരേ അധികം ഇഷ്ടം ആണു- അതിനു, അതിലെ ജൂനിയർ ബച്ചന്റെ അനായാസമായുള്ള അഭിനയം ഒരു കാരണം ആണു. അഭിഷേക് ബച്ചൻ ഉഗ്രനായിട്ടുണ്ട് ഇതിലും. ‘ ജാനേ തൂ യാ ജാനേ നാ‘ യിൽ വന്നു ഉഗ്രനാക്കിപ്പോയ രാജ് ബബ്ബാറിന്റെ മകനും നന്നാക്കിയിട്ടുണ്ട് - എല്ലാരും തന്നെ ഉഗ്രനായി അഭിനയിച്ചിട്ടുണ്ട് . ലവനു കൂടുതൽ പടങ്ങൾ ആരും കൊടുക്കാത്തതോ, അവൻ വരുന്ന ഓഫറുകൾ ഒഴിവാക്കുന്നതോ? വിദ്യാ ബാ‍ലൻ ഒക്കെ ചുമ്മാ വന്നു പോവുന്നുണ്ട് - ഗസ്റ്റ് അപ്പിയറൻസ് ആയിട്ട്.

ഒറ്റ വാചകത്തിൽ : ഇടക്ക് ഇഴച്ചിലുണ്ടെങ്കിലും, കണ്ടിരിക്കാ‍വുന്ന ഒരു സിനിമ.

വാൽക്കഷ്ണം :  ദീപികാ പദുകോൺ വന്നു അവളുടെ 26 ഇഞ്ച് വയറു കാണിച്ചോണ്ടൊരു ഐറ്റം നമ്പറും ഇറക്കിയിട്ടുണ്ട് - അവളാണു ഈ സിനിമയുടെ പോസ്റ്ററുകളിൽ കൂടുതലും വന്നതു. ഹോ .. എന്നാ വയറാ അവളുടേ .. ഇത്രേം 'ദൂരം' ഉണ്ടോ എല്ലാരുടേം വയറിനു !!! 26 ഇഞ്ച് !!! :-o

ഈ സിനിമ വിൽക്കാൻ ഉണ്ടാക്കിയ റ്റാഗ് ലൈൻ കണ്ടല്ലോ - അതു വമ്പൻ പ്രശ്നങ്ങൾ ഉണ്ടാക്കി, കേസുകൾ പലതു ഫയൽ ചേയ്യപ്പെട്ടു - പക്ഷെ അതൊക്കെയും നിർമ്മാതാക്കളുടെ ലാഭം കൂട്ടാനേ ഉപകരിച്ചൊള്ളൂ..

ഈ സംവിധായകന്റെ രണ്ടാമത്തെ പടമാണു ഞാൻ കാണുന്നതു - ആദ്യത്തേത് ബ്ലഫ് മാസ്റ്റർ. ആ സിനിമയിൽ ആയിരുന്നു എനിക്ക് അഭിഷേകിനെ ഇഷ്ടപ്പെട്ടു തുടങ്ങിയതു. പക്ഷെ ആ സിനിമ ഒരു സൂപ്പർ ഹിറ്റ് ഹോളീവുഡ് സിനിമയിൽ നിന്നും അടിച്ച് മാറ്റിയതായിരുന്നു - ആ സിനിമ പിന്നെ മലയാളികൾ വീണ്ടും അടിച്ച് മാറ്റി! 


Saturday, May 21, 2011

Life of Others (Das Leben der Anderen) (8/10)

Life of Others(Das Leben der Anderen)/German/2006/Drama/IMDB/ (8/10)
Rated R for some sexuality/nudity.
Tagline: Before the Fall of the Berlin Wall, East Germany's Secret Police Listened to Your Secrets

പ്ലോട്ട് :  പഴയ കമ്മ്യൂണിസ്റ്റ് ജർമ്മനി - അവിടത്തെ ആഭ്യന്തര രഹസ്യപ്പോലീസ് ആയ സ്റ്റാസിയുടെ(Stasi) ആർട്ടിസ്റ്റുകളേയും എഴുത്തുകാരേയും ബേസ് ചേയ്തുകൊണ്ടുള്ള നിരീക്ഷണങ്ങളെ പറ്റിയുള്ള, ഒരു കഥയാണു ലൈഫ് ഓഫ് അദേഴ്സ്.

സ്റ്റാസിയിലെ ഒരു ബ്രില്യന്റ് ഓഫീസർ. അങ്ങാരുടെ ഒരു ടെയിനിങ്ങ് ലച്വറിലൂടെ ആണു നമ്മൾ ആദ്യം അദ്ദേഹത്തിന്റെ കഴിവുകളെ പറ്റി അറിയുന്നതു. അദ്ദേഹത്തിന്റെ ഒരു ഇന്ററോഗേഷൻ ഓഡിയോ സ്റ്റുഡന്റ്സിനെ കേൾപ്പിക്കുന്നതും എങ്ങനെയൊക്കെ സബ്ബ്ജക്റ്റ്സിനെ ചോദ്യം ചേയ്യാം എന്നു പഠിപ്പിക്കുന്ന ക്ലാസ്സ്‌റൂമിൽ നിന്നും യഥാർത്ഥ രഹസ്യപ്പോലീസ് ജോലിയിലേക്ക് അദ്ദേഹത്തെ പറിച്ചു നടുന്നു, മേലാളന്മാർ.
അദ്ദേഹം ഒരു എഴുത്തുകാരനായ ഡ്രേമാനെ നിരീക്ഷിക്കാൻ നിയമിതനാവുന്നു. ഡ്രേമാന്റേയും അദ്ദേഹത്തിന്റെ കാമുകിയുടേയും സകല നീക്കങ്ങളും, സംസാരങ്ങളും അവർ റെക്കോർഡ് ചേയ്യുന്നു .. പക്ഷെ എപ്പോഴോ നമ്മുടെ നായകൻ ആ നിരീക്ഷണത്തിന്റെ യഥാർത്ഥ കാരണം കണ്ടുപിടിക്കുന്നു, അങ്ങനെ അദ്ദേഹം ആ കുടുംബത്തെ സപ്പോർട്ട് ചേയ്യാൻ തുടങ്ങുന്നു..അവരുടെ സ്നേഹത്തിന്റെ ആരാധകനാവുന്നു ..

വെർഡിക്ട് : പതുക്കെ, സ്റ്റെഡിയായി നീങ്ങുന്ന പ്ലോട്ട് - സസ്പെൻസ് ഒന്നും ഉണ്ടാവില്ലാ എന്നു വ്യക്തമായി വിളിച്ച് പറയുന്ന സ്ലോ-സ്റ്റെഡീ തിരക്കഥ, ആ പതിയനെയുള്ള, ഒരു കെട്ടുവള്ളത്തിൽ ഇങ്ങനെ വെള്ളത്തിൽ പൊങ്ങിക്കിടക്കുന്ന രീതിയിലുള്ള യാത്രക്കവസാനം സിനിമ നല്ലോരു ക്ലൈമാക്സിലേക്ക് നമ്മളെ കൊണ്ടെത്തിക്കുമ്പോഴേക്കും നമ്മൾ സിനിമയിൽ കുടുങ്ങിയിട്ടുണ്ടാവും.  അതാണു ഈ സിനിമയുടെ ഹൈലൈറ്റ് - ഫാസ്റ്റ് മൂവിങ്ങ് വെട്ടിത്തിരിയുന്ന കാമറയും, ഹൂഷ്-വൂഷ് ഒച്ചകളും ഒന്നുമില്ലാതെ ഒരു ത്രില്ലിങ്ങ് ഡ്രാമ ഉണ്ടാക്കാം എന്നു തെളിയിക്കുകയാണു, ഈ ജർമ്മൻ സംവിധായകന്റെ ആദ്യ സംരംഭം.

നടന്മാർ : പ്രധാനമായും പ്രധാന നടൻ - സ്റ്റാസി ക്യാപ്റ്റൻ ആയിട്ടഭിനയിക്കുന്ന ആൾ. ഉഗ്രൻ - ആ ബോറടിച്ച് കൊണ്ട് ഓരോ നിമിഷവും തള്ളി നീക്കുന്ന, ഇഷ്ടമില്ലാത്ത തൊഴിൽ ചേയ്യുന്ന ഒരാളുടെ ജീവിതം എത്ര ഭംഗിയായിട്ടണു അങ്ങാരു അവതരിപ്പിച്ചിരിക്കുന്നതു... പിന്നെ  ‘Suspects‘ തന്റെ ജീവിതത്തിൽ കൊണ്ടു വരുന്ന മാറ്റങ്ങൾ, അത് വളരെ ചെറുതാണെങ്കിൽ പോലും, നമ്മളിലേക്ക് ആവാഹിക്കാൻ തിരക്കഥാകൃത്തിന്റെ കഥാപാത്രവും അഭിനേതാവും നടത്തുന്ന ശ്രമം നന്നായിട്ട് തന്നെ വിജയിക്കുന്നും ഉണ്ട്. 

കാമറ : വാക്കുകളില്ല. .. മയങ്ങിപ്പോയി, ഞാൻ, മയങ്ങിപ്പോയി ..

എനിക്ക് ഭാഗ്യമുണ്ട് - ഞാൻ മാത്രമല്ല ഈ സിനിമയിൽ അനുരക്തനായി വീണിട്ടുള്ളതു. നിരന്നു നിൽക്കുകയാണു ഈ സിനിമക്ക് കിട്ടിയ പുരസ്കാരങ്ങൾ, പ്രശസ്ഥ ക്രിട്ടിക്ക്സുകളുടെ അഭിപ്രായങ്ങൾ ഒക്കെ, അവരും ഈ സിനിമയെ പ്രേമിക്കുന്നു എന്ന് വിളിച്ചു പറഞ്ഞു കൊണ്ട്..

എനിക്ക് ഈ സിനിമ ഒന്നൂടെ കാണാൻ തോന്നുന്നു - ഒരു റൂഫ് ഇല്ലാത്ത കാറിൽ കണ്ണടച്ച് മലർന്നു ചാരിക്കിടന്നുകൊണ്ട് വിജനമായ റോഡിലൂടെ, വൈകുന്നേരത്തെ വെയിലിൽ കുളിച്ചു കൊണ്ടുള്ള ഉള്ള ഒരു സവാരി കഴിഞ്ഞിറങ്ങിയതു പോലുള്ള ഒരു ഫീലിങ്ങ് ... കാണണം ഒന്നൂടെ!

ഒറ്റ വാചകത്തിൽ : ആർക്കും കണ്ടിരിക്കാവുന്ന, നല്ല സിനിമകൾ ഇഷ്ടപ്പെടുന്നവർ മിസ്സ് ആക്കാൻ പാടില്ലാത്ത ഒരു നല്ല പടം.

വാൽക്കഷ്ണം : ഇനി ഈ സംവിധായകന്റെ 2010 പ്രൊഡക്ഷൻ : ‘ടൂറിസ്റ്റ്‘ കാണണം.

'Pan's Labyrinth' എന്ന പടം ഈ സിനിമക്ക് മുന്നിൽ 2006ൽ തോറ്റു തുന്നം പാടി ഓസ്കാറിൽ ബെസ്റ്റ് ഫോറിൻ ലാംഗ്വേജ് ഫിലിം കാറ്റഗറിയിൽ, എന്നു കേട്ടപ്പോഴേ ഞാൻ ഉറപ്പിച്ചതാണു ഈ പടം ഞാൻ കണ്ട് നോക്കും എന്നതു. ഇതു സജ്ജസ്റ്റ് ചേയ്ത എന്റെ ഫ്രണ്ടിനു ഒരു സുലാൻ !.


Thursday, May 19, 2011

No One Killed Jessica - നോ വൺ കിൽഡ് ജെസ്സീക്ക (8/10)

No One Killed Jessica/Hindi/2011/Political-Thriller/IMDB/ (8/10)


പ്ലോട്ട് : മണിയും പവ്വറും ഭരിക്കുന്ന ഡൽഹി, അവിടത്തെ ഒരു ലേറ്റ് നൈറ്റ് പാർട്ടിയിൽ കടന്നു ചെന്ന ഒരു പറ്റം ചെറുപ്പക്കാർ, അവർക്ക് ഡ്രിംഗ്സ് കൊടുക്കാതിരുന്ന ബാർ അറ്റെൻഡർ ആയ ജെസ്സീക്കയെ വെടി വച്ച് കൊല്ലുന്നു, പത്ത് മുന്നൂറ് പേരുടെ മുന്നിൽ വച്ച്. കൊലപാതകി ഒരു ഉന്നത രാഷ്ട്രീയ നേതാവിന്റെ മകനും. അതെ, നമ്മുടെ ജെസ്സീക്കാ ലാൽ മർഡർ കേസ് തന്നെ ആണു ഈ സിനിമക്ക് ആസ്പദം. ആ കഥ കുറച്ച് സാങ്കല്പിക-നാടകീയ രംഗങ്ങൾ ഉൾക്കൊള്ളിച്ച് സിനിമ ആക്കിയിരിക്കുന്നൂ, അതാണു ഈ പടം.

വെർഡിക്ട് : കൊള്ളാം. നടന്ന ഒരു സംഭവത്തെ ആസ്പദമാക്കി ഇത്രയും ത്രില്ലിങ്ങ് ആയ ഒരു പടം നിർമ്മിച്ച ഇതിന്റെ സൃഷ്ടാക്കൾക്ക് എന്റെ ഡബ്ബിൾ സെല്യൂട്ട്. ടെക്ക്നിക്കൽ സൈഡ് ഉഗ്രൻ- ഒരു കമന്റും പറയാനില്ല അതല്ലാതെ. ... അത്യുഗ്രൻ!

അഭിനേതാക്കൾ : വിദ്യാ ബാലൻ കിടിലൻ. ഇവരുടേതായി ഇഷ്കിയ കഴിഞ്ഞ് ഞാൻ കണ്ടതു ഉറുമി ആയിരുന്നു, അതിൽ ആവട്ടെ ഒരു ചവറു ഐറ്റം ഡാൻസുകാരി ആയിട്ടും!. ഇഷ്കിയയിലെ കഥാപാത്രാവിഷ്കാരം എന്നെ ശരിക്കും ഇളക്കിമറിച്ചിരുന്നു, അതു പോലെ തന്നെയാണു ഇതിലേയും ഇവരുടെ അഭിനയം. ശരിക്കും ഒതുക്കമുള്ള സ്വഭാവമുള്ള ഈ കഥാപാത്രത്തെ ഒട്ടും ഓവറാക്ടിങ്ങ് ഇല്ലാതെ സാധിക്കുക അത്ര എളുപ്പമല്ല, അതു ഇവർ നന്നായിത്തനെ ചേയ്തിട്ടുണ്ട് എന്ന് എനിക്ക് തോന്നുന്നു.
റാണീ മുഖർജി ആണു ഇതിലെ മറ്റോരു മെയിൻ കഥാപാത്രം : അവരും നന്നാക്കിയിട്ടുണ്ട് - ആവശ്യത്തിനും അല്ലാത്തതിനും ഒക്കെ തെറി പറയുന്നതു ഇപ്പോൾ ഹിന്ദി സിനിമകളിലെ ഫാഷൻ ആണെന്നു തോന്നുന്നു, ഇവളെക്കൊണ്ടും ധാരാളം തെറി പറയിച്ചിട്ടുണ്ട് സംഭാഷണം എഴുതിയ വിദ്വാൻ.

ഒറ്റ വാചകത്തിൽ : മിസ്സ് ആക്കേണ്ടാത്ത ഒരു പടം.



വാൽക്കഷ്ണം : ടൈംസ് ഓഫ് ഇന്ത്യയുടെ ഒരു മുൻപേജ് ആണു ഈ സിനിമക്ക് ഹേതു, ആ തലവാചകം തന്നെയാണു സിനിമയുടെ പേരും.! അതു ഇവിടെ. കാണാം.

ഈ ഡയറക്ടറുടെ കഴിഞ്ഞ സിനിമ : അമീർ കാണാത്തവരുണ്ടോ? .. ഉണ്ടെങ്കിൽ അതും ഒരു കിടിലോൽക്കിടിലൻ പടമാട്ടോ .. ഒരു ചെറിയ സിനിമ, പക്ഷെ ഒരു ഫസ്റ്റ് ക്ലാസ്സ് പടം!

Shayan Munshi (ജങ്കാർ ബീറ്റ്സ് നായകൻ) ഒക്കെ ശരിക്കും ജസീക്കാലാൽ മർഡർ കേസിലെ പ്രധാന സാക്ഷി ആയിരുന്നു, പക്ഷെ ആശാൻ മറുകണ്ടം ചാടി, ആദ്യമേ തന്നെ!. അതും ഇതിലുണ്ട്!.

ഞാൻ കണ്ടിട്ടുള്ളതിൽ ജെസ്സീക്കാ ലാൽ മർഡർ കേസിൽ ആസ്പദമായ രണ്ടാമത്തെ പടം ആണെന്നു തോന്നുന്നു ഇതു. ആദ്യത്തേത് - ഹല്ലാബോൽ ആയിരുന്നു ഞാൻ കണ്ടത് - അതും ഒരു അത്യുഗ്രൻ- ഒരു 8/10 കൊടുക്കാവുന്നത്രേം കിടിലൻ പടം ആയിരുന്നു.

ഇതിൽ കാട്ടുന്ന പത്രപ്രവർത്തക ബർഖ്വാ ദത്ത് ആണെന്നു വിശ്വസിക്കപ്പെടുന്നു - റാഡിയ ടേപ്പ്സ് ഇറങ്ങി അവരുടെ ഇമേജ് ആകെ നശിച്ചിരിക്കുമ്പോൾ തന്നെ ആണു ഈ സിനിമ ഇറങ്ങിയതു എന്നതും കൗതുകകരം തന്നെ!


Monday, May 16, 2011

സീനിയേഴ്സ് - Seniors (7/10)


Seniors/Malayalam/2011/Humour-Suspense/Wiki/ (7/10)



പ്ലോട്ട് : കോളേജ് ഡേ രാത്രി,  രംഗത്ത് ഒരു ഉഗ്രൻ നാടകം നടക്കുകയാണു, അരങ്ങത്ത് 4 പുരുഷന്മാരും, ഒരു പെൺകുട്ടിയും. അതേ ദിവസം വളരേ വൈകി ആ പെൺകുട്ടിയുടെ ശവശരീരം ഈ നാൽ‌വർ സംഘത്തിന്റെ സ്ഥിരം താവളത്തിനടുത്ത് നിന്നും കിട്ടുന്നു..

വർഷം കുറച്ചധികം കഴിഞ്ഞ്, ആ നാൽ‌വർ സംഘത്തിലെ ഒരാൾ ജയിലിൽ ജീവപര്യന്തം ശിക്ഷ കഴിഞ്ഞ് തിരിച്ചെത്തുകയാണു, ആ നാലു പേർക്കുമായി അയാൾ കുറ്റമേറ്റെടുത്ത് ജയിൽ വരിച്ചിരുന്നു. അയാൾ എത്തുന്നതു ഒരു പ്രത്യേക ആവശ്യവും ആയിട്ടാണു, വഴിക്ക് വച്ച് അവർ ഉപേക്ഷിച്ച പി ജി കോഴ്സ് പൂർത്തിയാക്കണം എന്ന വിചിത്രമായ ആവശ്യം കേട്ട് ബാക്കി മൂന്നു പേർ ഞെട്ടുന്നു - പക്ഷെ തങ്ങളുടെ പ്രിയ സ്നേഹിതന്റെ ആഗ്രഹത്തിനു അവർ വഴങ്ങുന്നു, അവർ നാലു പേരും തിരിച്ച് കാമ്പസിൽ എത്തുന്നു .. തുടർന്നു അവരുടെ വിലസൽ ആണു കാമ്പസിൽ - അതിനു തുടർച്ചയായി പഴയ സംഭവങ്ങളുടെ തനിയാവർത്തനങ്ങളും ..


വെർഡിക്ട് : പല സിനിമകളുടെ പലൈ ഭാഗങ്ങൾ അവിടിവിടെ വരുന്നുണ്ട് - കാമ്പസിലേക്ക് തിരിച്ച് പോക്കും, പഴയ കാമുകിയുടെ വിശ്വാസം തിരിച്ച് പിടിക്കാൻ ശ്രമിക്കുന്നതും, ചേയ്യാത്ത കുറ്റം ഏറ്റേടുക്കലും, പിന്നെ അതു ശരിക്കും ആരാണു ചേയ്തതെന്നു കണ്ടു പിടിക്കാൻ ശ്രമിക്കുന്നതും .. പല തവണ നമ്മൾ കണ്ടിട്ടുള്ള സംഭവങ്ങൾ തന്നെ ഇതു. പക്ഷെ ഈ സംഭവങ്ങൾ ഒക്കെ തന്നേയും രസകരമായി ചേയ്തു വൈക്കാൻ കഴിഞ്ഞിട്ടുണ്ട്, പോക്കിരിരാജ ഫെയിം വൈശാഖിനു.

പോക്കിരി രാജ എന്ന വൈശാഖിന്റെ ആദ്യ പടം കേരളീയർ ഹിറ്റാക്കിയ ഏറ്റവും മോശം പടങ്ങളിൽ ഒന്നായിരുന്നു, പക്ഷെ ഈ സിനിമ മലയാള സിനിമയുടെ ഇപ്പോഴത്തെ നിലവാരം വച്ച് നോക്കുമ്പോൾ ഹിറ്റാവാൻ വളരേ അധികം യോഗ്യതയുള്ള സിനിമ തന്നെയാണു. 

ആദ്യ 10 മിനുറ്റ് കഴിഞ്ഞാൽ ചിരിയൊഴിയില്ല തീയറ്ററിൽ - സുരാജിന്റെ ചില വളിപ്പുകൾ ഒഴിച്ചാൽ ബാക്കി മിക്ക നമ്പറുകളും ഫ്രഷ് - ബിജൂ മേനോനും മനോജ് കെ ജയനും ചിരിപ്പിച്ച് കൊല്ലുന്നുണ്ട് ചില അവസരങ്ങളിൽ.

കുഞ്ചാക്കോ ബോബൻ - എന്റെ മ്വോനേ, ഇനിയെങ്കിലും ഒന്നഭിനയിക്കാൻ ശ്രമിച്ചൂടേ, ബാക്കി മൂന്നുപേരുടേയും കൂടെ നിൽക്കുമ്പോൾ കുഞ്ചാക്കോ ബോബൻ ശരിക്കും അമച്വർ!

സസ്പെൻസ് : അങ്ങനെ ഒന്നും ഇല്ല - ആദ്യ പകുതിയുടെ കാൽ ഭാഗം കഴിഞ്ഞപ്പോഴേ ഏകദേശം നമുക്ക് മനസ്സിലാവുന്നുണ്ട് ആരെയാണു തേടുന്നതെന്ന്, ബാക്കി ഉള്ളവർക്ക് മനസ്സിലാവാഞ്ഞതെന്തേ അതു? .. ക്ലൈമാക്സും കൃത്യമായി പ്രവചിക്കാൻ എനിക്ക് കഴിഞ്ഞൂ, ക്ലൈമാക്സിനു ഒരു പതിനഞ്ച് മിനുറ്റ് മുന്നേ തന്നെ ... അതു സൃഷ്ടാക്കളുടെ കഴിവു കേടോ, അതോ എന്റെ ബുദ്ധി വൈഭവമോ?

... ആദ്യത്തേതാവാൻ ആണു കൂടുതൽ സാധ്യത!. :)

ഒറ്റ വാചകത്തിൽ : പൈസാ വസൂൽ - വാല്യൂ ഫോർ മണി ആയ ഒരു എന്റർടെയിന്മെന്റ് ഫിലിം - ധൈര്യമായി കാണാം.

വാൽക്കഷ്ണം : അൽഫോൺസ് ജോസഫിന്റെ റ്റൈറ്റിൽ മ്യൂസിക്ക് - കിടു - ക്ലാസ്സ്. അതു എങ്ങു നിന്നും ഇൻസ്പയർ ആയതല്ലാ എന്നു വിശ്വസിക്കുന്നു, .. എന്തോ .. നല്ല പരിചയം തോന്നുന്നു ആ ട്യൂൺ ..


Sunday, May 15, 2011

From Paris With Love (6/10)

From Paris With Love/English/2010/Action-Thriller/IMDB/ (6/10)
Rated R for strong bloody violence throughout, drug content, pervasive language and brief sexuality.

പ്ലോട്ട് : ഒരു സ്പൈ ആവാൻ കൊതിക്കുന്ന, അതിനായി അപേക്ഷ കൊടുത്തു കാത്തിരിക്കുന്ന ഒരു യുവാവ് -  ഇപ്പോൾ അമേരിക്കൻ എംബസിയിൽ ചെറുകിട സ്പൈ പരിപാടികളുമായി അംബാസിഡറുടെ പേഴ്സണൽ അസിസ്റ്റന്റിന്റെ പണി ചേയ്തു കൊണ്ടിരിക്കുന്ന നായകൻ - അയാളുടെ ജീവിതത്തിലേക്ക് ‘വാക്സ്’ എന്ന പ്രൊഫഷണൽ സ്പൈ ഒരു ഓപ്പറേഷനായി കടന്നു വരുന്നതും, നമ്മുടെ നായകനെ ഒരു ട്രെയിനി എന്ന നിലയിൽ അയാളുടെ അസിസ്റ്റന്റ് ആക്കുന്നതും, അതുകഴിഞ്ഞുൾല ട്വിസ്റ്റുകളും ആണു ഈ സിനിമ.

വെർഡിക്ട് : വാക്സ് ആയിട്ട് ട്രവോൾട്ട കലക്കീട്ടുണ്ട്. കൂടാതെ നായകൻ - (Jonathan Rhys Meyers) കൊള്ളാം. ആക്ഷൻ കൊള്ളാം. സസ്പെൻസ് - അതു ആ‍ദ്യമേ തന്നെ പൊളിയുന്നുണ്ട്, എന്നാലും മോശമല്ല. സിനിമയുടെ ത്രെഡ് ഒരു നൂറു തവണ നമ്മൾ പലതിലായി കണ്ടിട്ടുണ്ട്, കേട്ടിട്ടുണ്ട് - എന്നിട്ട് വീണ്ടും അതേ അച്ചിൽ ഒരു സിനിമ കൂടെ.. പ്രിയ ഡയറക്ടറേ .. വേണ്ടായിരുന്നു!

ഡയറക്ടർ : ഈ ഡയറക്ടറുടെ സിനിമ എന്ന നിലയിൽ ആണു ഞാൻ ഈ പടം എടുത്ത് വച്ചതും, കണ്ടതും. പക്ഷെ, പ്രതീക്ഷിച്ചതു കിട്ടിയില്ലാ എന്നു ഞാൻ സങ്കടത്തോടെ പറയട്ടെ. ഡയറക്ടർ Pierre Morel ആണു - Taken എന്ന അത്യുഗ്രൻ സിനിമയുടെ ഡയറക്ടർ, District 13 എന്ന കിടിലോൽക്കിടിലൻ സിനിമയുടെ സൃഷ്ടാവ് ..അത്രേം ഒന്നും ഇത് ആയില്ല, പക്ഷെ.

ഒറ്റ വാചകത്തിൽ : ബോറടിക്കാത്ത, ഒറ്റ ഇരുപ്പിനു കണ്ടു തീർക്കാവുന്ന ഒരു സിനിമ.

വാൽക്കഷ്ണം : ഈ സിനിമയിൽ പാക്കിസ്ഥാനികളെ മൊത്തത്തിൽ തീവ്രവാദികൾ ആയിട്ടാണു പറയുന്നതു - കാണിക്കുന്നവരെല്ലാം തന്നെ വൃത്തികെട്ടവർ! - ഈ ഡയറക്ടറുടെ ‘ടേക്കൺ‘ എന്ന സിനിമയിൽ അറബികൾ - അൽബേനിയൻസ് - എല്ലാം വൃത്തികെട്ടവർ ആയിട്ടായിരുന്നു കാട്ടിയിരിന്നതു - അടുത്തതു ഇന്ത്യാക്കാർക്കിട്ട് ആണോ ആവോ പണി കിട്ടാൻ പോവുന്നതു  ..!


Tuesday, May 10, 2011

Essential Killing (8.5/10)

Essential Killing/Multi-Langauge-Multi Country/2010/Action-Thriller/IMDB/ (8.5/10)
Have graphic content,some violence and sexuality.

പ്ലോട്ട് : അഫ്ഗാനിസ്ഥാനിൽ നിന്നും പിടികൂടപ്പെട്ട ഒരു മുസ്ലീം തീവ്രവാദിയെ അമേരിക്കൻ സൈന്യം തടവിൽ പാർപ്പിക്കുന്നതിനോ, ചോദ്യം ചേയ്യുന്നതിനോ മറ്റോ ആയി ഒരു യൂറോപ്യൻ രാജ്യത്തിൽ എത്തിക്കുന്നു. എയർബേസിൽ നിന്നും അജ്ഞാതമായ ഏതോ സങ്കേതത്തേക്ക് അമേരിക്കൻ സൈന്യം അയാളെ കൊണ്ടുപോവുന്നു. വഴിയിൽ വച്ച് ഇയാളെ കൊണ്ടുപോയിരുന്ന വാഹനം ഐസിൽ തെന്നി അപകടം ഉണ്ടാവുന്നു, അതിൽ നിന്നും ഇയാൾ രക്ഷപ്പെടുന്നു.

അയാൾ രക്ഷപ്പെടുന്ന സ്ഥലം ഏതോ കാട് ആണു, വലിയ ജനവാസമില്ലാത്ത, ഐസാൽ മൂടപ്പെട്ടു കിടക്കുന്ന ഏതോ ഒരു സ്ഥലം. അയാളുടെ ശത്രുക്കൾ : അയാളെ പിടീക്കാൻ വരുന്ന അമേരിക്കൻ പട്ടാളം, മുകളിൽ ചുറ്റിത്തിരികുന്ന ഹെലിക്കോപ്ടറുകൾ, ദുർഘടമായ ഭൂഘടന, കൊടൂം തണുപ്പായ കാലാവസ്ഥ  എന്നിവയൊക്കെയാണു. സിനിമയുടെ ക്യാപ്ഷൻ ആയ  “Run to live... kill to survive..” കേട്ടാൽ അറിയാം ബാക്കി പ്ലോട്ട്!.

വെർഡിക്ട് : ഉഗ്രൻ ത്രില്ലർ. ഭാഷയെ പേടിക്കേണ്ട - ആകെ ഒന്നോ രണ്ടോ സംഭാഷണങ്ങൾ മാത്രമേ സിനിമയിലുള്ളൂ - അതും ഇംഗ്ലീഷിൽ ആണു, അതിനേയും പേടിക്കേണ്ട, അതിനും വലിയ കാര്യമൊന്നും ഇല്ല സിനിമയിൽ. കഥ നടക്കുന്ന സ്ഥലങ്ങളോ, രാജ്യങ്ങളോ പോലും സിനിമയിൽ എങ്ങും പരാമർശിക്കുന്നില്ല - എന്തിനു നായകൻ ഏതു രാജ്യക്കാരൻ ആണെന്നു പോലും പറയുന്നില്ല സിനിമയുടെ സൃഷ്ടാക്കൾ - അതു കൊള്ളാം!.

അഭിനേതാക്കൾ ആയിട്ട് ഒരാളേ ഉള്ളൂ പ്രധാനമായിട്ട്, അയാളുടെ കഥയാണു ഇതു - അങ്ങാരു ശരിക്കും ജീവിക്കുകയാണു സിനിമയിൽ!, ഉഗ്രൻ. 

നായകൻ ഈ ദുർഘടസ്ഥലങ്ങളിലൂടെയൊക്കെ നടക്കുന്നതു കാട്ടുന്നുണ്ട്, സമ്മതിച്ചു, പക്ഷെ കാമറാമാൻ? .. സിനിമയിൽ മൊത്തം Steadicam ആണു ഉപയോഗിച്ചിരിക്കുന്നതു, ഈ ഭാരമുള്ള കാമറയും ചുമന്നുകൊണ്ട് സിനിമയിൽ കാട്ടുന്ന തരം സ്ഥലങ്ങളിലൂടൊക്കെ നടന്നു ഈ പടം പിടിച്ചിരിക്കുന്ന കാമറാ ക്രൂ - സമ്മതിച്ചേ മതിയാകൂ അവരുടെ ഡെഡിക്കേഷനും ടാലന്റും!. ഹാറ്റ്സ് ഓഫ്!.

ഒറ്റ വാചകത്തിൽ : ഡോൺ‌ഡ് മിസ്സ്!.

വാൽക്കഷ്ണം : ഇതിലെ മെയിൻ നടൻ : Vincent Gallo സിനിമക്ക് വേണ്ടി ചേയ്ത ത്യാഗങ്ങൾക്ക് ഒരന്തവും ഇല്ലായിരുന്നു - സിനിമ ഷൂട്ട് ചേയ്തതു മൈനസ് 35 ഡിഗ്രി സെൽ‌ഷ്യസിൽ ആയിരുന്നു, ആ കാലാവസ്ഥയിൽ വീണു കിടക്കുന്ന ഐസിനു മുകളിലൂടെ പാദരക്ഷകൾ ഒന്നും ഇല്ലാതെ സഞ്ചരിക്കുക എന്നു പറഞ്ഞാൽ ... !! :-o

ഈ സിനിമയുടെ പേര് എനിക്ക് കിട്ടിയതിനു കടപ്പാട് : ബ്ലോഗ്ഗേഴ്സ്/ബസ്സേഴ്സ് ആയ റോബി കുര്യനു, വിനയനു.. 


Wednesday, May 4, 2011

Payback - പേബാക്ക് (6.9/10)

PayBack/Hindi/2010/Action-Thriller/IMDB/ (6.9/10)
Rated R for graphic violence and some language.

പ്ലോട്ട് : ഒരു രാത്രി ഒരു റോഡ് ആക്സിഡന്റിൽ പെട്ട് ആരാലും ഗൗനിക്കപ്പെടാതെ റോഡരുകിൽ രക്തം വാർന്നു മരിച്ചുകൊണ്ടിരുന്ന നമ്മുടെ നായകൻ പയ്യനെ(കുണാൽ) അതുവഴി കടന്നു വന്ന ഒരു അജ്ഞാതനായ മനുഷ്യൻ ആശുപത്രിയിൽ കൊണ്ടാക്കുകയും, അതു വഴി നമ്മുടെ നായകന്റെ ജീവൻ രക്ഷപ്പെടുകയും ചേയ്യുന്നു. അന്നു മുതൽ വളരേ അവ്യക്തമായി മാത്രം മനസ്സിലുള്ള ഈ രക്ഷകന്റെ മുഖം അന്വേഷിച്ച് നടക്കുകയാണു കുണാൽ. മാസങ്ങൾക്ക് ശേഷം ഒരു ദിവസം വഴിയിൽ ആ മുഖത്തെ അവൻ കണ്ടുമുട്ടുക തന്നെ ചേയ്തു, കുണാൽ അദ്ദേഹത്തെ (രഘു) ആനയിച്ച് തന്റെ ഫ്ലാറ്റിൽ കൊണ്ടു പോയി ട്രീറ്റ് ചേയ്തു സന്തോഷിപ്പിക്കാൻ ശ്രമിക്കുകയും, പിരിയാൻ നേരം “എന്തെങ്കിലും ആവശ്യമുണ്ടെങ്കിൽ എന്നോട് പറയണം, എന്നെക്കൊണ്ടാവുന്നതാണെങ്കിൽ ഞാൻ അതു ചേയ്തു തരും” എന്നു വാഗ്ദാനം ചേയ്യുകയും ചേയ്യുന്നു.

പക്ഷെ, അടുത്ത ദിവസം രഘു വന്നു കയറുന്നതു പുറത്ത് ഒരു വെടിയുണ്ടയും പേറിയാണു, അയാൾ ചോദിക്കുന്നതു വല്ലാത്ത ഒരാവശ്യമാണു! ..

വെർഡിക്ട് : കഥ അസാദ്ധ്യം, കാണികളെ പിടിച്ചിരുത്തുന്നതിൽ സംവിധായകനും നന്നായി വിജയിച്ചിരിക്കുന്നു, പക്ഷെ, കഥ കല്ലുകടിയില്ലാതെ മുന്നോട്ട് കൊണ്ട് പോവുന്നതിൽ എഴുത്തുകാർ അത്ര വിജയിച്ചോ? പലയിടങ്ങളിലും നടക്കുന്ന കാര്യങ്ങൾക്ക് ഒരു നീതീകരണം നമ്മൾ കണ്ടു പിടിക്കേണ്ട സ്ഥിതിയാണൂ, ഡയലോഗുകളും കഥാസന്ദർഭങ്ങളും കുറച്ചൂടെ ഒന്നു കൊഴുപ്പിക്കാമായിരുന്നു എഴുത്തുകാർക്ക്, അതിനുള്ള സ്കോപ്പ് കഥ കൊടുക്കുന്നുണ്ടായിരുന്നു. പക്ഷെ അവർ നിരാശരാക്കി. (അതു കൊണ്ട് 7 റേറ്റിങ്ങ് കൊടുക്കാൻ മനസ്സില്ല!! )

പക്ഷെ സിനിമ മോശമല്ല - സിനിമ എനിക്കിഷ്ടായി - ഒരു കൊച്ച് സിനിമ, അതും ഡീസന്റായിട്ട് എടുത്തിട്ടും ഉണ്ട്. അത്ര സ്റ്റാർസ് അല്ലാത്ത അഭിനേതാക്കളെ വച്ച് ഈ ഒരു സിനിമ എടുത്തതിനു ഇതിന്റെ സൃഷ്ടാക്കളെ എത്ര അനുമോദിച്ചാലും മതിയാവില്ല.

അഭിനേതാക്കളെ പറ്റി പറയുകയാണെങ്കിൽ : പയ്യൻ :  തരക്കേടില്ല. നായിക : പ്രത്യേകിച്ച് അഭിപ്രായമില്ല. ഗുൽ‌ഷൻ ഗ്രോവർ : കുറച്ചേ അവസരമുള്ളൂ എങ്കിൽ പോലും പ്രസൻസ് അറിയിക്കുന്നുണ്ട്.
സാക്കിർ ഹുസൈൻ : കിടിലൻ.  യെവൻ പുലിയാട്ടാ. :) പയ്യൻ വീട്ടിലേക്ക് കൊണ്ടോയി സൽക്കരിക്കുമ്പോഴും മറ്റും അങ്ങാരുടെ മുഖത്ത് വരുന്ന എക്പ്രഷൻസ് ! .. അസാദ്ധ്യം. :)

ഒറ്റ വാചകത്തിൽ : കാണു, ബോറടിക്കില്ല, നഷ്ടമാവില്ല.

വാൽക്കഷ്ണം : സാക്കിർ ഹുസൈൻ .. അതാണു അപ്പോൾ ലവന്റെ പേരു! ‘സർക്കാർ’ എന്ന എന്റെ ഫേവറേറ്റ് സിനിമയിലെ ഐസ് പോലെ തണുത്ത വില്ലനെ അവതരിപ്പിച്ചുകൊണ്ട് എന്നെ ഒരു ഫാനാക്കി മാറ്റിയ ഇങ്ങാരുടെ പേരു അന്വേഷിച്ച് നടക്കുകയായിരുന്നു ഞാൻ കുറച്ച് നാളായി - കിട്ടിപ്പോയി.! ഇങ്ങാരു ഒരു സംഭവം തന്നാട്ടോ!


Tuesday, May 3, 2011

Pan's Labyrinth (8/10)

Pan's Labyrinth/Spnish-Mexican/2006/Fantasy-Period-Drama/IMDB/ (8/10)
Rated R for graphic violence and some language.

പ്ലോട്ട് : ഈ സിനിമയുടെ കഥ പറയാനാണെങ്കിൽ ... ഞാൻ പാടുപെടും.
സ്പാനിഷ് സിവിൽ വാർ നടക്കുന്ന സമയം - ഒരു പ്രവിശ്യയിലെ വിപ്ലവകാരികളെ ഒതുക്കാൻ നിയോഗിക്കപ്പെട്ട ഓഫീസറുടെ ഭാര്യയായിട്ട് നമ്മുടെ നായിക കുട്ടിയുടെ അമ്മ എത്തുന്നതോടെയാണു സിനിമ തുടങ്ങുന്നതു. അതിനു മുന്നേ തന്നെ ഒരു പഴയ ഫെയറി ടെയിൽ (Fairy Tale) നമ്മളോട് പറയുന്നുണ്ട് സിനിമാ സൃഷ്ടാക്കൾ - പാതാളത്തിലെ രാജകുമാരി ഭൂമിയിലെ ജീവിതത്തിൽ ആകാംക്ഷാഭരിതയായി അധോലോകത്തിൽ നിന്നും രക്ഷപ്പെട്ട് ഭൂമിയിലെത്തുകയും, അതോടെ പഴയ ജീവിതത്തെപ്പറ്റി മറക്കുകയും, അമരത്വം നഷ്ടപ്പെട്ട് ഭൂമിയിൽ വച്ച് മരിക്കുകയും ചേയ്തിരുന്നു എന്നും, അധോലോകത്തിലെ രാജാവ് ഇപ്പൊഴും ആ രാജകുമാരിയെ അന്വേഷിച്ച് കാത്തിരിപ്പുണ്ടെന്നും ആണതു.

നമ്മുടെ നായിക ആയ കുട്ടി നമ്മുടെ പഴയ രാജകുമാരിയെന്നു ഫെയറികൾ തിരിച്ചറീഞ്ഞ് എത്തുന്നതോടെ കഥ ഫാന്റസിയിലൂടെയും റിയാലിറ്റിയിലൂടെയും മാറീമാറി കടന്നു പോവുന്നു... അങ്ങനെ ...


വെർഡിക്ട് : ഉഗ്രൻ കഥ, നല്ല തിരക്കഥയും സംവിധാനവും, കിടിലൻ ഗ്രാഫിക്ക്സ്/മേക്കപ്പുകൾ, നല്ല ക്ലാസ്സ് നിർമ്മാണം. ലോകസിനിമകൾ കാണുന്ന ശീലമുണ്ടെങ്കിൽ, മിസ്സ് ആക്കേണ്ടാത്ത ഒരു പടം. ഇങ്ങനേം ഒരു പടമെടുക്കാമെന്നു, കഥയൊരുക്കാമെന്നു - നമ്മളുടെ മലയാള സിനിമാ സൃഷ്ടാക്കളെ കാട്ടാൻ പറ്റിയൊരു കിടിലൻ പടം. .. ഈ സംവിധായകന്റെ മറ്റു സിനിമകൾ ഏതൊക്കെയെന്നു തപ്പാൻ തുടങ്ങിയിരിക്കുന്നു ഞാൻ .. കൊള്ളാം ഇങ്ങാരു.

അഭിനേതാക്കളുടെ കാര്യം പറയാനാണെങ്കിൽ - വില്ലൻ ആയിട്ടഭിനയിക്കുന്ന കക്ഷി - അങ്ങാരു ഈ സിനിമ വരെ ഒരു കോമഡീ താരമായിട്ടാണു അറിയപ്പെട്ടിരുന്നതു, ഈ സിനിമയോടെ അതു അശ്ശേഷം മാറി. അത്രെക്ക് കിടിലൻ അങ്ങാരു. പെൺകുട്ടിയും കൊള്ളാം, ആരും മോശമെന്നു പറയാനില്ല.

ഒറ്റ വാക്യത്തിൽ : മിസ്സ് ആക്കേണ്ട.

വാൽക്കഷ്‌ണം : ഈ സിനിമ വാരിക്കൂട്ടിയ അവാർഡുകൾക്ക് കൈയ്യും കണക്കുമില്ല .. മൂന്നു അക്കാദമി അവാർഡുകൾ ഉൾപ്പടെ!


Monday, May 2, 2011

The Fighter (8.5/10)


The Fighter/English/2010/Drama/IMDB/ (8.5/10)  
Rated R for language throughout, drug content, some violence and sexuality.

പ്ലോട്ട് : പ്രൊഫഷണൽ ബോക്സറന്മാരായ മിക്കി വാർഡിന്റേയും ഡിക്കി എക്ലൽണ്ടിന്റേയും കഥയെ ആസ്പദമാക്കി നിർമ്മിച്ചിരിക്കുന്ന ഒരു പടം. ബോക്സിങ്ങിൽ ഒരു ബ്രേക്കിനു വേണ്ടി കിണഞ്ഞ് പരിശ്രമിച്ചിട്ടും ഒരു നല്ല ചാൻസ് കിട്ടാതെ വലയുന്ന അവസരത്തിൽ ഉണ്ടാവുന്ന തിരിച്ചടികളും അതിനെ അതിജീവിക്കാൻ അവർ നടത്തുന്ന ശ്രമങ്ങളും ആണു ഈ സിനിമ.

വെർഡിക്ട് : കഥ ഇങ്ങനെ ഒരു ഒറ്റ വാചകത്തിൽ തീർത്തുവെങ്കിലും, പടം അസാദ്ധ്യം! കഥയല്ല, പക്ഷെ തിരക്കഥയും അഭിനയങ്ങളും അസാദ്ധ്യം.  നായകൻ മറ്റേ Mark Wahlberg (ഷൂട്ടർ/ഡിപ്പാർട്ടഡ്/മാക്സ് പെയ്ൻ ഫേയിം) ആണെങ്കിലും ക്രിസ്റ്റയ്ൻ ബെയ്‌ൽ ആണു താരം. സഹനടനുള്ള അവാർഡുകൾ അങ്ങാരു വാരിക്കൂട്ടുകയാണു, ഈ ഫിലിമിലൂടെ - ഒട്ടും അത്ഭുതമില്ലാ എനിക്ക് - ശരിക്കും ജീവിക്കുകയാണു കഥാപാത്രമായിട്ട്. കഥാപാത്രത്തിനായി എത്ര ത്യാഗങ്ങളും നടത്താൻ തയ്യാറായ ഒരു നടൻ എന്നാണു ഞാൻ പണ്ടേ ഇദ്ദേഹത്തെക്കുറിച്ച് കേട്ടിട്ടുള്ളതു - 'The Machinist'  എന്ന പടത്തിനു വേണ്ടി പത്ത് മുപ്പതു കിലോ ഒറ്റ സ്ട്രച്ചിൽ കുറച്ചത്രെ ഇങ്ങാരു (ആ പടം ഞാൻ കാണാൻ ഒന്ന്-ഒന്നര വർഷമായി പെന്റിങ്ങിൽ വച്ചിരിക്കാണു, പക്ഷെ .. ഒരു മടി !!)

ഈ പടത്തിലും ബെയ്‌ൽ ഒരു ഡ്രഗ് അഡിക്ടിന്റെ/ഒരു അലവലാതിയുടെ സഹല മാനറിസങ്ങളും, രീതികളും പകർത്തിയിട്ടുണ്ട് എന്നു എനിക്ക് തോന്നുന്നു - ശരിക്കും താരത്തെ ഈ കഥാപാത്രത്തിൽ കാണാനേ ആയില്ല എനിക്ക് - എന്നു വച്ച് മറ്റുള്ളവർ മോശമായി എന്നല്ലാട്ടോ - ബെയ്‌ലിന്റെ അമ്മയായിട്ട് അഭിനയിക്കുന്ന സ്ത്രീ - എന്റമ്മോ .. ഒരു ചെപ്പക്കുറ്റി നോക്കി ചാമ്പ് കൊടുക്കാൻ തോന്നിപ്പോവും നമുക്ക്.

ഒറ്റവാക്യത്തിൽ : മിസ്സ് ആക്കേണ്ടാത്ത ഒരു പടം - കണ്ട് തുടങ്ങിയാൽ തീരാതെ നിർത്താൻ തോന്നാത്ത ഒരു പടം.

വാൽക്കഷ്ണം : പണ്ടേ ഞാൻ ബെയ്‌ലിന്റെ ഫാൻ ആണു, ഈ പടം എന്നെ വീണ്ടും അങ്ങാരുടെ ഫാനാക്കിയിരിക്കുന്നു.


Saturday, April 30, 2011

Tim Hetherington (5 December 1970 – 20 April 2011) - Restepo (9/10)

കുറച്ച് നാൾ മുന്നേ ഇവിടെ പരാമർശിക്കാൻ ഉദ്ദേശിച്ചിരുന്ന ഒരു ഒരു കിടിലൻ ഡോക്യുമെന്ററിയുടെ (ഡോക്യുമെന്ററികളുടെ ഒക്കെ ആസ്വാദനക്കുറിപ്പുകൾ ഇവിടിട്ട് സ്വയം എന്തിനു ഒരു ബുജി ഇമേജ് എന്ന ഏടാകൂടം എടുത്ത് തലേൽ അണിയണം എന്നു കരുതി അന്നു അതു പബ്ലിഷ് ചേയ്തില്ല) സഹ-സംവിധായകനും യുദ്ധ-പത്രപ്രവർത്തകനും ആയിരുന്നു. അദ്ദേഹം ജീവൻ പണയം വച്ച് എടുത്തിരുന്ന ലോകത്തിന്റെ യുദ്ധമുഖങ്ങളിൽ നിന്നും എടുത്തിരുന്ന ഫോട്ടോകളും വീഡിയോകളും യുദ്ധത്തിന്റെ ഗ്ലാമറില്ലാത്ത മറ്റോരുവശം ലോകത്തിനു മുന്നിൽ തുറന്നു കാട്ടിയിരുന്നു. ഈ കഴിഞ്ഞ ഏപ്രിൽ 20 നു ലിബിയൻ വിമതരുടെ നിയന്ത്രണത്തിലുള്ള Misrata എന്ന നഗരത്തിൽ വച്ച് ലിബിയൻ സേനയുടെ ഷെല്ലാക്രമണത്തിൽ മരിച്ചു. ലിബിയൻ വിമതരുടെ കൂടെ സഞ്ചരിക്കവേ ആയിരുന്നു മരണം.വിമത സേന അദ്ദേഹത്തിന്റെ ധീരതയെ ആദരിക്കാനായി ലിബിയയിലെ ഒരു നഗരത്തിലെ ഏറ്റവും വലിയ സ്ക്വയറിന്റെ പേരു തന്നെ ഇദ്ദേഹത്തിന്റെ പേരിട്ടു. കൂടാതെ അദ്ദേഹത്തെ ആ രാഷ്ട്രത്തിന്റെ സ്വാതന്ത്രത്തിനു വേണ്ടിയുള്ള പോരാട്ടത്തിന്റെ രക്തസാക്ഷിയായും കരുതുന്നു ഇപ്പോളവർ.



Restepo/English/2010/War-Documentary/IMDB/ (9/10) 
Rated R for language throughout including some descriptions of violence.

ഇദ്ദേഹത്തെപ്പറ്റി ഞാൻ ആദ്യമായി കേൾക്കുന്നതു ഇത്തവണത്തെ അക്കാദമി അവാർഡ് ചടങ്ങിൽ വച്ചാണു. റെസ്റ്റെപ്പോ എന്ന വിചിത്രമായ പേരുള്ള ഒരു ഡോക്യുമെന്ററിക്ക് ഇത്തവണത്തെ ഏറ്റവും മികച്ച ഡോക്യുമെന്ററിക്കുള്ള അവാർഡ് - സംവിധായകരുടെ പേരുകളിൽ ഇങ്ങാരുടെ പേരും ഉണ്ടായിരുന്നു. ഡോക്യുമെന്ററീ ആണെങ്കിൽ വാർ-ബേസ്ഡും - പണ്ടേ യുദ്ധ-ഫിലിമുകളിൽ വീക്ക്നെസ്സ് ഉള്ള ഞാൻ ഉടനെ സംഭവം സംഘടിപ്പിച്ച് കണ്ടു. 

കുറ്റം പറയരുതല്ലോ, അവാർഡ് അർഹതപ്പെട്ടതു തന്നെ.  ലോകത്തിലേ ഏറ്റവും ഭയാനകമായ സ്ഥലം എന്ന വിളിപ്പേരുള്ള അഫ്ഗാനിസ്ഥാനിലെ  Korengal Valley യിലേക്ക് ഒരു സംഘം അമേരിക്കൻ മറീനുകളുടെ കൂടെ ഒ പി(ഒബ്സർവേഷൻ പോസ്റ്റ്) റെസ്റ്റപ്പോയിലേക്ക് സഞ്ചരിക്കുകയാണു ഫിലിം മേക്കേഴ്സ്. അവർ അവിടെ ആ OP ഡിഫന്റ് ചേയ്യുന്നതും, ആ സ്ഥലത്തിന്റെ കൂടുതൽ നിയന്ത്രണത്തിനും നിരീക്ഷണത്തിനുമായി രാത്രിക്ക് രാമാനം ഒരു ഫോർവേർഡ് പോസ്റ്റ് (FP) നിർമ്മിക്കുന്നതും, ആ പോസ്റ്റുകൾ നിയന്ത്രണത്തിൽ നിർത്താൻ ശ്രമിക്കുന്നതും, അതിനിടയിൽ ഉണ്ടാവുന്ന സൈനിക സംഘർഷങ്ങളും അതു ഈ സ്ഥലങ്ങളിൽ പോസ്റ്റ് ചേയ്തിരിക്കുന്ന സൈനികരിൽ ഉണ്ടാക്കുന്ന മാനസിക സംഘർഷങ്ങളും ഒക്കെയാണു ഈ ഫിലിം നമ്മളെ കാട്ടിത്തരുന്നതു.

നമ്മളെ യുദ്ധത്തിനിടയിലേക്ക് കൊണ്ടു പോകുകയാണവർ. നമുക്ക് യുദ്ധത്തിനിടയിൽ പെട്ട ഒരു ഫീലിങ്ങ് തരികയാണു ഫിലിം സംവിധായകർ. എപ്പോ വേണമെങ്കിലും ഒരു ആർപീജി നമ്മുടെ മുറിയിലേക്ക് വീഴും എന്നുള്ള പേടിയിൽ വേണം നമ്മൾ ഈ ഫിലിം കാണാൻ എന്ന് ഈ ഫിലിമിന്റെ ക്രിയേറ്റേഴ്സിനു നിർബന്ധമുണ്ടെന്നു തോന്നും ഈ ഫിലിം കണ്ടാൽ. യുദ്ധത്തിനിടയിൽ പെട്ട് വീർപ്പ് മുട്ടു അനുഭവപ്പെടുന്നു നമുക്ക് .. ശരിക്കും യുദ്ധമുഖത്ത് അതിമാനുഷ്യരായ നായക കഥാപാത്രങ്ങളില്ല, നായകന്റേയും വില്ലന്റേയും വെടിയുണ്ടക്ക് ഒരേ മാരക ശേഷിയാണെന്നു കാട്ടിത്തരുന്നു ഫിലിം.  !  ശരിക്കും ഉഗ്രൻ ഫിലിം ! :)

നിങ്ങൾ ഡോക്യുമെന്ററികൾ ഇഷ്ടപ്പെടുന്നവർ ആണെങ്കിൽ ധൈര്യമായി കണ്ടോളൂ, നിങ്ങൾ റിയലിസ്റ്റിക്ക് സിനിമകൾ ഇഷ്ടപ്പെടുന്നവർ ആണെങ്കിൽ പറ്റുമെങ്കിൽ കണ്ടോളൂ,  ഉറപ്പായും ബോറടിക്കില്ല.


Wednesday, April 20, 2011

ജർമ്മൻ വാരം : Der Untergang (Downfall) (9/10)

Der Untergang/German/2004/War-Drama/IMDB/ (9/10) 
Rated R for strong violence, disturbing images and some nudity

പ്ലോട്ട് : രണ്ടാം ലോക മഹായുദ്ധത്തിന്റെ അവസാന കാലഘട്ടം - ഹിറ്റ്ലറുടെ പട എല്ലായിടത്തും തന്നെ തോറ്റുകൊണ്ടിരിക്കുന്നു, റഷ്യൻ പട ബെർലിന്റെ വാതിൽക്കൽ വരെ എത്തി നിൽക്കുന്നു. അവരുടെ ക്ലോസ് റേഞ്ച് ആർട്ടിലറി ഫയറോടെയാണു സിനിമ തുടങ്ങുന്നതു തന്നെ. ഹിറ്റ്ലർ എന്ന ധീരന്റെ (എന്തോക്കെ പോക്രിത്തരങ്ങൾ കാട്ടിയിട്ടുണ്ടെങ്കിലും, ചേയ്തതു മുഴുവൻ മനുഷ്യരാശിയോടുള്ള അപരാധങ്ങൾ ആണെങ്കിലും, ധീരൻ ആയിരുന്നു അങ്ങാരു - അതോ മൂഡനോ?)  തൊട്ട് മുന്നിലെത്തി നിൽക്കുന്ന മരണത്തിന്റെ അല്ലായെങ്കിൽ തോൽ‌വിയുടെ മുന്നിൽ മുട്ട് മടക്കാതെയുള്ള, എന്നാൽ സത്യത്തിനു നേരേ കണ്ണടച്ചുകൊണ്ട് നടക്കില്ലാത്ത ഒരു ജയത്തിനായി ദാഹിക്കുന്ന ഒരു നേതാവിന്റെ, അദ്ദേഹത്തിനു കൂടെ നിൽക്കുന്ന ഓഫീസറന്മാരുടെ, അദ്ദേഹത്തിനെ ഇഷ്ടപ്പെടുന്നവരുടെ കഥയാണിതു, ആ യുഗത്തിന്റെ, ആ ധീരന്റെ, ജർമ്മൻ ജനങ്ങൾക്ക് തോൽ‌വിയെക്കാൽ മരണമാണു ഇഷ്ടമെന്നു കരുതി അവരെ കൂട്ടക്കൊല ചേയ്യാൻ ഓർഡറിടുന്ന മൂഡന്റെ, അദ്ദേഹത്തിന്റെ വീഴ്ചയുടെ കഥയാണിതു. 

ഹിറ്റ്ലറുടെ സെക്രട്ടറിയായി ജോലി ചേയ്യാൻ ബെർലിനിലേക്കെത്തുന്ന യുവതിയുടെ ഓർമ്മകളിലൂടെയാണു കഥ മുന്നേറുന്നതു, ആ യുവതി ജോലിക്ക് ഹാജരാവുന്നതു മുതൽ യുദ്ധം കഴിഞ്ഞ് തിരികേ പോവുന്നതു വരെയുള്ള ഓർമ്മകൾ ആണീ സിനിമ.

വെർഡിക്ട് :  കിടിലൻ, കലക്കൻ, ഉഗ്രൻ എന്നിങ്ങനെയുള്ള വാക്കുകൾ ഞാൻ ഉപയോഗിച്ച് കഴിഞ്ഞിരിക്കുന്നതു കൊണ്ടും, ആ സിനിമകളെക്കാൾ ഒക്കെ എനിക്ക് ഇഷ്ടപ്പെട്ടു ഈ സിനിമ എന്നതു കൊണ്ടും ഒരു വാക്കിൽ എനിക്ക് ഈ സിനിമയെ വർണ്ണിക്കാനാവുന്നില്ല.  ശരിക്കും ഉഗ്രനായിട്ടുണ്ട്, തിരക്കഥ, കഥാസന്ദർഭം തിരഞ്ഞെടുത്തിരിക്കുന്നതു, അതു ചിത്രീകരിച്ചിരിക്കുന്നതു,  കഥാപാത്രത്തിനു വേണ്ട അഭിനേതാക്കളെ തിരഞ്ഞെടുത്തിരിക്കുന്നതു,  അവരതു അഭിനയിച്ച് ഫലിപ്പിച്ചിരിക്കുന്നതു, സിനിമ കൊണ്ട് നിർത്തിയിരിക്കുന്നതു, എല്ലാമെല്ലാം ഇതിലും മെച്ചെപ്പെടുത്താനാവില്ല, ഉറപ്പ്. സകലരും ഉഗ്രനാക്കിയിരിക്കുന്നു..

ഹിറ്റ്ലറുടെ അവസാന നാളുകളിലെ മാനസിക സംഘർഷം, ചുറ്റുമുള്ളവരുടെ വികാരങ്ങൾ, സ്വന്തം നെതാവിനോടുള്ള കൂറ്, കൂറില്ലായ്മ, അവരുടെ സ്വന്തം കാര്യം നോക്കി ഉള്ള പോക്ക്, എന്നിങ്ങനെ നടക്കാവുന്നതെല്ലാം നന്നായിട്ട് തന്നെ എഴുതിപ്പിടിപ്പിച്ച തിരക്കഥാകൃത്തിനു എന്റെ ആദ്യ സുലാം. പിന്നെ ആ തിരക്കഥ ആസ്പദമാക്കി ഇത്രേം നല്ലോരു സിനിമ പിടിച്ച മറ്റു ടെക്നീഷ്യൻസിനു, പിന്നെ അഭിനേതാക്കൾക്ക്  - എല്ലാർക്കും ചറപറാ സുലാം!.

ഒറ്റ വാക്യത്തിൽ : മിസ്സ് ആക്കാൻ പാടില്ലാത്ത ഒരു സിനിമ. !

വാൽക്കഷ്ണം : - ഹിറ്റ്ലർ ആയിട്ട് അഭിനയിച്ചിരിക്കുന്ന താരം ശരിക്കും ജീവിക്കുകയാണു സ്ക്രീനിൽ, അതു ശരിക്കും ഹിറ്റ്ലർ തന്നെയാണു എന്ന് വിശ്വസിക്കാനാണു എനിക്കിഷ്ടം - അല്ലാതെ വിശ്വസിക്കാൻ എനിക്കാവില്ല. ഹോ .. അപാരം അങ്ങാരു അങ്ങു ജീവിക്കുകയാണു ഹിറ്റ്ലർ ആയിട്ട്.

പോസ്റ്റ് വാർ ജർമ്മനിയിലെ ഹിറ്റ്ലറെ നായകനാക്കിയുള്ള ആദ്യ സിനിമ ആയിരുന്നു ഇതു - ഇത്തരം സിനിമകൾ വന്നിരുന്നെങ്കിൽ തന്നെ, ഒർജിനൽ ഹിറ്റ്ലറിന്റെ ഫയൽ ക്ലിപ്പിങ്ങ്സ് ആയിരുന്നു ഉപയോഗിച്ചിരുന്നതു അഭിനേതാക്കളെ ഉപയോഗിക്കുന്നതിനു പകരം. 65 കൊല്ലങ്ങളോളം ഒരു അലിഖിത വിലക്ക് പോലെ ആയിരുന്നു ഇത്തരം സിനിമകൾക്ക് - ആളുകൾക്ക് അത്തരം സിനിമ ചേയ്യാൻ ധൈര്യമില്ലായിരുന്നു എന്ന് പറയുന്നതാവും കൂടുതൽ ശരി. 


Thursday, April 7, 2011

Let Me In - ലെറ്റ് മീ ഇൻ (8/10)


Let Me In/English/2010/Romantic-horror/IMDB/ (8/10)  
Rated R for strong bloody horror violence, language and a brief sexual situation.

പ്ലോട്ട് :  നായകൻ പയ്യൻ : വയസ്സ് ഒരു 10, അമ്മ സെപ്പറേറ്റഡ്,  സ്കൂളിൽ സ്ഥിരം മൂത്ത പുള്ളാരുടെ അടി വാങ്ങുന്നതു ഹോബി.  അവന്റെ ജീവിതത്തിലേക്ക് ഒരു അച്ഛനും 12 വയസ്സ് തോന്നിക്കുന്ന മകളും കടന്നു വരുന്നതാണു സിനിമയുടെ പ്ലോട്ട്. ഇവർ ഈ പയ്യൻ താമസിക്കുന്ന അതേ ബിൽഡിങ്ങിൽ താമസമാക്കുന്നു. ... തുടർന്നു ... കണ്ടറിയുക. :) ..

വെർഡിക്ട് : ക്ലോവർ ഫീൽഡ് -ന്റെ ഡയറക്ടറുടെ പടം, ഹൊറർ കിംഗ് ആയ സ്റ്റീഫൻ കിങ്ങിന്റെ ടെസ്റ്റിമോണിയൽ, എന്നിങ്ങനെ വളരേ അധികം കാരണങ്ങൾ കൊണ്ടാണു, ഒരു ഡൈഹാർഡ് ഹോറർ പട വിരോധി ആയ ഞാൻ ഈ പടം കാണാൻ തീരുമാനിച്ചതു.  ശ്രമം പാളിയില്ല - കിടിലൻ പടം. ഹൊററിനെക്കാൾ അധികം നമ്മളെ പിടിച്ചിരുത്തുന്ന ആകാംക്ഷയാണു ഇതിൽ കൂടുതൽ, നമ്മളെ ഹൊറർ പേടിപ്പിക്കുന്നതേ ഇല്ല - ക്ലോവർഫീൽഡിലും ഏകദേശം ഇതേ ഫീൽ തന്നെയായിരുന്നല്ലോ?

നായകൻ നന്നായിട്ടുണ്ട്, നായിക, നമ്മടെ ‘കിക്ക് ആസ്’  പടത്തിലെ കൊച്ചാണു, അപ്പോ അധികം പറയേണ്ടല്ലോ, അതിലെ സ്മാർട്ട്നെസ്സ് ഒക്കെ ഇതിൽ എത്തിയപ്പോഴേക്കും എവിടെ ഒളിപ്പിച്ചു ഈ കുട്ടി? കഥാപാത്രത്തിനു വേണ്ട ആ അന്തർമുഖഃത്വം നന്നായി വരുത്തുവാൻ സാധിച്ചിരിക്കുന്നു, ഈ കുട്ടിക്ക്, ഇവൾ ഒരു ഭാവി വാഗ്ദാനം തന്നെയാണു, ഉറപ്പ്.

ഒരു ഹൊറർ പടം എന്നു കേൾക്കുമ്പോൾ നമ്മുടെ മനസ്സിൽ വരുന്നതു ജെർക്കി കാമറായും പിന്നെ  അറപ്പ് തോന്നുമാറത്രേം ചോരയും, വികൃതമുഖങ്ങളോട് കൂടിയ ഭൂതങ്ങളേയും ആവും, ഈ സിനിമയിൽ അത്രേം വൾഗർ സംഭവങ്ങൾ തീരേ ഇല്ലാട്ടോ .. ഹൊറർ പടം ഇങ്ങനെ നല്ല ക്വാളിറ്റിയോടേയും പിടിക്കാം!


ഒറ്റ വാചകത്തിൽ : കിടിലൻ!. :) എലഗന്റ്! ക്ലാസ്സ് !  ക്ലോവർഫീൽഡിനെക്കാൾ പത്തിരട്ടി മെച്ചം, സ്റ്റീഫൻ കിംഗ് പറഞ്ഞതു ഞാൻ ക്വോട്ട് ചേയ്യുകയാണെങ്കിൽ, - കഴിഞ്ഞ 20 കൊല്ലങ്ങളിൽ വന്നിട്ടുള്ളതിൽ വച്ച് ഏറ്റവും മികച്ച ഹൊറർ പടം.

വാൽക്കഷ്ണം :2008ൽ ഇറങ്ങിയ ഒരു സ്വീഡീഷ് സിനിമയുടെ(ആ സിനിമ ഒരു ബെസ്റ്റ് സെല്ലർ നോവലിനെ ആസ്പദമാക്കി നിർമ്മിച്ചതായിരുന്നു) റീമേക്ക് ആയിരുന്നു ഈ സിനിമ. വിമർശകരുടെ അഭിപ്രായപ്രകാരം, ആ സ്വീഡീഷ് സിനിമ ഏകദേശം പെർഫക്ട് ആയിരുന്നു, എന്നാൽ ഈ റീമേക്ക് ഒറിജിനലിനേക്കാൾ മികച്ച ഡ്യൂപ്ലിക്കേറ്റായി - വളരേ വിരളമായി സംഭവിക്കുന്നതത്രേ ഇതു!.


Monday, April 4, 2011

ഉറുമി - Urumi (4.9/10)


Urumi /Malayalam/2011/Action-period/M3DB/ (4.9/10)  


പ്ലോട്ട് : പണ്ടത്തെക്കാലം ആണു - നമ്മക്കടെ വാസ്ഗോഡ-ഗാമ ആദ്യായിട്ട് കാപ്പാട് ബീച്ചിൽ വന്നിറങ്ങിയ കാലം - അന്നു നമ്മുടെ പൃഥ്വിരാജിന്റെ അച്ഛനെ തട്ടീട്ടാണു അങ്ങാരു സ്ഥലം വിട്ടതു. അതിന്റെ പകരം ചോദിക്കാൻ കാത്ത് കാത്ത് നടക്കുന്ന മകനും, അതിനുള്ള അവന്റെ ശ്രമവും ആണു ഈ സിനിമ കാട്ടിത്തരുന്നതു. സന്ദർഭം നടന്നതാണെങ്കിലും, കഥാപാത്രങ്ങളിൽ മിക്കവരും ഫിക്ഷണൽ ആണു എന്നു ആദ്യമേ എഴുതികാണിക്കുന്നുണ്ട്.

വെർഡിക്ട് : കാമറാവർക്ക് : അസാദ്ധ്യമാണൂട്ടോ! എന്നാ ലോക്കേഷനുകൾ, എന്നാ ആമ്പിയൻസ്, എന്നാ കുളിരാ സിനിമയുടെ ഓരോ ഫ്രെയിമിലും! നമ്മളെ ഓരോ നിമിഷത്തിലും ഓർമ്മിപ്പിക്കുകയാണു, സാക്ഷാൽ സന്തോഷ് ശിവൻ ആണു ഈ സിനിമയുടെ സൃഷ്ടാവ് എന്നു. സിനിമ മൊത്തം വൈഡ് ആംഗിളിൽ ചേയ്തിരിക്കുകയാണെന്നാണു തോന്നുന്നതു.

താരങ്ങൾ : ജഗതി കിടിലൻ ആക്കീട്ടുണ്ട് - ശരിക്കും ഒരു ചാണക്യകുമാരി ആയ പരമപണ്ഡിതനായിട്ട്  ആദ്യാവസാനം നിറഞ്ഞ് നിൽക്കുകയാണു  ജഗതി. സായിപ്പന്മാരും ശരിക്കും നന്നാക്കീട്ടുണ്ട് - ഇന്ത്യൻ സിനിമകളിലെ സായിപ്പന്മാർ ചുമ്മാ കാൽക്കാശിനു അഭിനയിക്കാൻ നടക്കുന്ന അഭിനയം അറിയില്ലാത്ത ടീംസ് ആയിരുന്നു. ലഗാനോടെ ഹിന്ദിയിൽ അതിനു മാറ്റമുണ്ടായി - പഴശ്ശി രാജയിൽ പോലും പഴയ രീതി മലയാളം തുടർന്നു വരികയായിരുന്നു, എന്നാൽ ഇതിൽ നമ്മുടെ സായിപ്പന്മാർ ആയിട്ടഭിനയിക്കുന്നവർ, ഉഗ്രനായിട്ടുണ്ട്.

നടിമാർ : ജനീലിയ ഒഴിച്ചുള്ള പെൺ താരങ്ങൾ എല്ലാരും തന്നെ ആവശ്യത്തിനു ‘ഗ്യാപ്പും‘ ആയി  കുണ്ടി ഇളക്കി നന്നായി ഡാൻസ് ചേയ്യുന്നുണ്ട്. ജനീലിലയും ഇതു തന്നെ ആണ് ചേയ്യുന്നതെങ്കിലും, പല ആക്ഷൻ സീനുകളിലും മറ്റും പൃഥ്വിരാജിനെക്കാൾ ശരീരവഴക്കത്തോടെ അഭിനയിച്ച് കൈയ്യടി വാങ്ങുന്നുണ്ട്, അവർ.  പക്ഷെ അവരുടെ പല മാനറിസംസ് ഇതിലും വിടാതെ പിന്തുടരുന്നുണ്ട്.

പൃഥ്വിരാജ് : എന്താ പറയുക ? നല്ല മസിലുണ്ട്, തടീം വച്ചിട്ടുണ്ട്. യാതോരു വികാരവും മുഖത്തു വരുത്താതെ ചുമ്മാ അങ്ങോട്ടും ഇങ്ങോട്ടും നടക്കുന്നും ഉണ്ട്, പിന്നെ കൊറേ സ്ട്രിങ്ങ്സിലുള്ള പറന്നു-ഇടീം ഉണ്ട്. ... സോ, കമന്റ്സ് പറയാൻ മാത്രം ഒന്നും ഇല്ല. .

ആര്യ, പ്രഭുദേവ : ആര്യ കുറച്ച് നേരത്തേക്കേ ഉള്ളൂ എങ്കിലും, ബോറാക്കീട്ടില്ല. പക്ഷെ, ചുണ്ടനക്കം ബോറ് ആണൂ. പ്രഭുദേവ കലക്കീട്ടുണ്ട്. പക്ഷെ, മലയാളം പറയിക്കാൻ ശ്രമിച്ചിടത്തൊക്കെ പാളിയിട്ടും ഉണ്ട്. മിക്ക ഡയലോഗുകളും തിരിയുന്നും ഉണ്ടായിരുന്നില്ല, യെവന്റ്.

ഒരു ആക്ഷൻ സിനിമയിൽ അവിടിവിടെ നർമ്മരസപ്രധാനമായ സംഭാഷണങ്ങൾ ഞാൻ ആദ്യായിട്ട് കാണൂവാണു, മലയാളം സിനിമയിൽ. (എന്നു തോന്നുന്നു) - ആ ട്രീറ്റ്മെന്റ് എനിക്കിഷ്ടായി.  ഇടക്കിടക്ക് ഇതുപോലുള്ള ലൈറ്റ് മോമെന്റ്സ് വരുന്നുണ്ട് സിനിമയിൽ ഉടനീളം.

ഇതൊക്കെ ശരിയാണു, പക്ഷെ  .................. സിനിമ മഹാ ബോറ് ആണു.   ആദ്യ പകുതിയായപ്പോൾ തന്നെ പലരും തീയറ്ററിൽ നിന്നും സ്കൂട്ട് ആവുന്നതു കാണാമായിരുന്നു .. പലർക്കുമായി ഗേറ്റ് തുറന്നു കൊടൂക്കേണ്ടി വന്നു നേപ്പാളിയായ സെക്യൂരിറ്റി ജീവനക്കാരനു ഹാഫ് ടൈമിൽ. രണ്ടാം പകുതി എന്തേ തീരാത്തെ എന്നും വിചാരിച്ച് ഇരിക്കുകയായിരുന്നു ഞാൻ മിക്ക സമയവും - ഇങ്ങനേം വലിച്ച് നീട്ടുമോ ഒരു സിനിമ?   അവസാനം തരക്കേടില്ലാതെ കൂവലും കിട്ടി, കുറച്ച് പേരിൽ നിന്നും. ആ കൂവലിനെ എനിക്ക് കൈയ്യടിച്ച് പ്രോത്സാഹിപ്പിക്കണമെന്നുണ്ടായിരുന്നു, പക്ഷെ സിനിമയെ ആണു ഞാൻ കൈയ്യടിക്കുക്കത് എന്നു തെറ്റിദ്ധരിക്കാൻ ഇടയുണ്ടെന്നെതിനാൽ, ഞാൻ കൈയ്യടീച്ചില്ല.
ഭാഗ്യം :  കൂവൽ തൊഴിലാളികൾ ആദ്യാവസാനം കൂവി ഇരുത്തിയില്ല സിനിമയെ, സിനിമ മൊത്തം കണ്ട് തീരും വരെ കൂവാൻ കാത്തിരുന്ന കാഴ്ചക്കാർ കൂവൽ തൊഴിലാളികൾ അല്ലാ എന്നുറപ്പിക്കാം.


ഒറ്റ നോട്ടത്തിൽ : കാമറാ വർക്ക് അസാദ്ധ്യം
മലയാളി അഭിനേതാക്കൾ ഉഗ്രൻ.  സായിപ്പന്മാർ : എല്ലാരും അത്യുഗ്രൻ.  ഹാഫ് മലയാളികൾ തരുന്നതു -  ഡബ്ബിങ്ങ് സിനിമകൾ കാണുന്ന ആ കല്ലുകടി.
കഥ : ഇല്ല.
ബോറടി : തരക്കേടില്ലാതുണ്ട്.  ഇനി രണ്ടാം തവണ ഫ്രീ ആയിട്ട് ടിക്കറ്റ് ഓഫർ ചേയ്യപ്പെട്ടാലും, ഞാൻ സ്കൂട്ടാവും. ഉറപ്പ്.

വാൽക്കഷ്ണം : ഈ തോക്കും പീരങ്കിയും മറ്റുമായി വന്നിറങ്ങി ഇന്ത്യയുടെ ഭൂപടം തന്നെ മാറ്റിവരച്ച പോർച്ചുഗീസുകാർ എന്തേ സിനിമയുടെ അവസാനത്തിനു തൊട്ട് മുൻപ് വരെ പൃഥ്വിരാജിനോട് ഉടക്കാൻ ചുമ്മാ വാളും കുന്തവും ആയിട്ട്, (മിക്കപ്പോഴും അതുപോലുമില്ലാതെ കൈ ചുരുട്ടി ഇടിക്കാനും മാത്രമായിട്ട്) നടന്നു - എന്നു എനിക്ക് ഇനിയും മനസ്സിലാവാത്തതെന്തേ?

ഡിസ്ക്ലൈമർ  : പൃഥ്വിരാജ് എന്റെ പ്ലേറ്റിലെ ബോണ്ട എടുത്ത് തിന്നിട്ടില്ല, അതിനാൽ എനിക്കങ്ങാരോട് ഒരു വൈര്യാഗ്യമോ, ഒന്നും ഇല്ല  ഇതു വരെ.  മമ്മൂട്ടി, മോഹൻലാൽ, ദിലീപ്, ജയസൂര്യ, അനൂപ് മേനോൻ, സുരേഷ് ഗോപി തുടങ്ങിയവർ എനിക്ക് ഒരു ബോണ്ട പോലും വാങ്ങി തന്നിട്ടും ഇല്ല, അതിനാൽ എനിക്കവരോട് പ്രത്യേക ഇഷ്ടവും ഇല്ല അവരുടെ സിനിമകൾ വിജയിപ്പിക്കാനായിട്ട് എന്റെ റ്റൈം അതിനാൽ ഞാൻ കളയുകയും ഇല്ല.  :)
(ഈ ആസ്വാദനക്കുറിപ്പിനു അടി കിട്ടാൻ സാധ്യത ഞാൻ കാണുന്നു, അതിനാൽ ഒരു മുൻ‌കൂർ ജാമ്യം ആണേ ഈ ഡിസ്ക്ലൈമർ.).


Tuesday, March 22, 2011

ടേക്കിങ്ങ് ചാൻസ് - Taking Chance (8.5/10)

Taking Chance /TV original movie/2009/Drama/IMDB/ (8.5/10)  

പ്ലോട്ട് : ഇറാക്ക് യുദ്ധത്തിൽ വീരമൃത്യു വരിച്ച ചാൻസ് ഫെല്‍പ്പ്സ് എന്ന ജവാന്റെ മൃതദേഹം വീട്ടിലെത്തിക്കാൻ വളരേ ഉയർന്ന ഓഫീസർ ആയ ഒരു ലെഫ്:കേണൽ വോളന്റീയർ ചേയ്യുന്നതും, ആ ജവാന്റെ ശരീരം എസ്കോർട്ട് ചേയ്തുകൊണ്ട്  വീട്ടിലേക്കുള്ള യാത്രയും ആണു ഈ സിനിമ. നടന്ന സംഭവത്തെ ആസ്പദമാക്കി നിർമ്മിച്ചിരിക്കുന്ന ഈ സിനിമ എടുത്തിരിക്കുന്നതു HBO ആണു. അപ്പോ ഊഹിക്കാല്ലോ അല്ലേ ക്വാളിറ്റി?

വെർഡിക്ട് : ഉഗ്രൻ സിനിമ. ഓരോ നിമിഷവും രാജ്യസ്നേഹം (രാജ്യസ്നേഹംമന്നു പറഞ്ഞാൽ തെറ്റാവും, രാജ്യത്തിനു വേണ്ടി സ്വയം ബലിയർപ്പിക്കുന്ന ജവാന്മാരോടുള്ള ആദരവ് ആണു ഇതിൽ മുഴുവൻ) ജ്വലിപ്പിക്കുന്ന രീതിയിൽ എടുത്തിരിക്കുന്നു ഈ സിനിമ. യുദ്ധമോ, യുദ്ധത്തിലെ രാഷ്ട്രീയമോ പറയാൻ ഒരു സെക്കന്റ് വേസ്റ്റ് ചേയ്യാതെ സിനിമയുടെ സബ്ബ്ജക്ടിനെ ചുറ്റിപ്പറ്റി തന്നെ സിനിമ പോവുന്നു എന്നതു ക്രിയേറ്റേഴ്സിന്റെ കഴിവ് തന്നെയാണു.

നമ്മടെ നായകൻ - (കെവിൻ ബേക്കൺ - അങ്ങനെ തന്നെ ആണല്ലോ അല്ലേ വിളിക്കുക?)  അസ്സലാക്കീട്ടുണ്ട്. മനസ്സിലെ സംഘർഷങ്ങൾ ഒരു പട്ടാളക്കാരന്റെ നിയന്ത്രണത്തോടെ കാണികളിലേക്കെത്തിക്കാൻ അദ്ദേഹം ചേയ്തിരിക്കുന്ന എഫർട്ട് : കിടിലൻ.  ടെക്ക്നിക്കൽ സൈഡും പെർഫക്ട് ആണു- HBO ഒർജിനത്സിന്റെ ടെക്ക്നിക്കൽ അഭിപ്രായം പറയാൻ മാത്രം ഒന്നും ഞാൻ ആയിട്ടില്ലാത്തതിനാൽ ആ ഏരിയ എക്സ്പേർട്ടുകൾക്ക് വിടുന്നു..

വെർഡിക്ട് ഒറ്റ വാക്കിൽ : ഒട്ടും മിസ്സ് ആക്കാൻ പാടില്ലാത്ത ഒരു സിനിമ.


വാൽക്കഷ്ണം : കാണ്ഡഹാർ എന്ന നമ്മക്കടെ മേജറായ രവിയുടെ പടം കണ്ടപ്പോൾ, അതിൽ ഏറ്റവും കൂടുതൽ എനിക്കിഷ്ടായത് (മൊത്തം ചവറ് ആയിരുന്നതിനാൽ ഡീസന്റ് സീൻ ഓർത്തിരിക്കാൻ വളരേ എളുപ്പം ആയിരുന്നു ആ സിനിമയിൽ) മരിച്ച ജവാന്റെ മൃതദേഹം വഹിച്ച് കൊണ്ട് പോവുന്ന ട്രക്കിനു വഴിയിലെ വാഹനങ്ങൾ (ടിപ്പർ ലോറി വരെ) നൽകുന്ന ആദരവ് ആയിരുന്നു - ആ വാഹനങ്ങൾ ഒരു കോൺ‌വോയ് ആയിട്ട് കാണ്ഡഹാർ നായകന്റെ മൃതശരീരം വീട്ടിൽ എത്തിച്ച് കൊടുക്കുന്നുണ്ട് ആ സിനിമയിൽ.

ഞാൻ അന്നേ വിചാരിച്ചിരുന്നു, - ചിലപ്പോൾ പട്ടാളക്കാരൻ ആയതു കൊണ്ടാവും ആ സംഭവങ്ങൾ ഒക്കെ പിടിക്കാൻ മേജർ രവിക്ക് സാധിച്ചതെന്നു - പക്ഷെ ഇന്നു എനിക്ക് മനസ്സിലായി - അങ്ങാരു ഈ പടം നേരത്തേ കണ്ടിരുന്നതു കൊണ്ടാണു അത് മലയാള സിനിമയിൽ വന്നതെന്നു!. ഇതു മാത്രമല്ല, പല കാര്യങ്ങളും ഇതിൽ നിന്നും രവിസാർ അടിച്ച് മാറ്റീട്ടും ഉണ്ട്!


Friday, March 18, 2011

El secreto de sus ojos - The Secret in Their Eyes (8/10)


El secreto de sus ojos /Spanish-Argentina/2009/Thriller/IMDB/ (8/10) 
Rated R for a rape scene, violent images, some graphic nudity and language.

പ്ലോട്ട് : ഒരു റിട്ടയേഡ് ഇൻ‌വസ്റ്റിഗേറ്റർ ആയ നമ്മുടെ നായകൻ ഒരു നോവൽ എഴുതാൻ തീരുമാനിച്ചുറച്ചിരിക്കുന്നു, അതിനായി അദ്ദേഹത്തിന്റെ മനസ്സിൽ ആദ്യം കയറി വരുന്ന കഥ പണ്ട് അന്വേഷകൻ ആയിരുന്നപ്പോൾ പൂർണ്ണമായി തെളിയിക്കാൻ കഴിയാതിരുന്ന, വളരേ ദുരൂഹതകൾ ബാക്കി വച്ച ഒരു സംഭവമാണു. ആ കഥ എഴുതുവാൻ കൂടുതൽ ഇൻപുട്ടുകൾക്കായി നമ്മുടെ നായകൻ അന്നത്തെ ജൂനിയർ ഹെഡ് ആയിരുന്ന, അന്നു അങ്ങാർക്ക് ഒരു വൺ സൈഡഡ് പ്രേമം ഒക്കെ ഉണ്ടായിരുന്ന ഓഫീസറെ സമീപിക്കുന്നു - ഇന്നവർ ജഡ്ജ് ആണു.

അദ്ദേഹം ഈ നോവൽ എഴുതുന്നതും, അങ്ങനെ ആ നോവലിലൂടെ പഴയ ആ ഉദ്ദ്വേഗഭരിതമായ കഥ നമ്മുടെ മുന്നിൽ ചുരുൾ നിവരുന്നതും, അവർ കൂടുതൽ സത്യങ്ങളിലേക്ക് ചുഴിഞ്ഞിറങ്ങി പണ്ട്  ബാക്കിവച്ച ഇരുണ്ട ദുരൂഹതകളിലേക്ക് വെളിച്ചം ചൊരിയാൻ ശ്രമിക്കുന്നതും ഒക്കെ ആണു ഈ സിനിമ.

വെർഡിക്ട് : കിടിലൻ!.. ശരിക്കും 9ൽ കൂടുതൽ കൊടുക്കേണ്ടതാണു ഈ സിനിമക്ക്, ഒരു പ്രാവിശ്യം കൂടെ കണ്ടാൽ ഞാൻ ആ കടുംകൈയ്യും ചിലപ്പോൾ ചേയ്തു കളഞ്ഞേക്കാം.  ഒരു ത്രില്ലർ സിനിമ എപ്പോഴും ഫാസ്റ്റ് ആവണം എന്നുള്ള ആ മിഥ്യാ ധാരണയെ പല അവസരങ്ങളിലായി പൊളിച്ചെഴുതുന്നുണ്ട് ഈ സിനിമ. - സിനിമ സ്ലോആണെങ്കിലും (?), സിനിമയിലെ സംഭവങ്ങളോട് ഓടിയെത്താൻ നമ്മൾ ശരിക്കും പാടു പെടുക തന്നെ ചേയ്യും - ഇതു രണ്ടും കൂടെ എങ്ങനെ സംഭവിക്കും എന്നു ചോദിക്കരുതു, എനിക്കറിഞ്ഞൂട,  കണ്ട് നോക്കൂ, മനസ്സിലാവും :)

ഒറ്റ വാചകത്തിൽ : ഒട്ടും ബോറടിക്കാത്ത, വളരേ ത്രില്ലിങ്ങ് ആയ ഒരു കിടിലൻ ത്രില്ലർ. ഭാഷ മാത്രം കടിച്ചാൽ പൊട്ടില്ല - സബ്റ്റൈറ്റിത്സ് തന്നെ ശരണം!.

സബ്ബ്റ്റൈറ്റിൽ ആണെങ്കിലും, ഇതിലെ ഡയലോഗ്സ് !!!!  ഹൂ .. നമിച്ചു ഞാൻ !! 

വാൽക്കഷ്ണം :  ഫോറിൻ ലാംഗ്വേജ് കാറ്റഗറിയിൽ അക്കാദമി അവാർഡ് വിന്നേഴ്സ് ആയ സിനിമകൾ അന്വേഷിച്ച് പോയപ്പോൾ ആകസ്മികമായി കൈയ്യിൽ തടഞ്ഞ സിനിമയാണിതു.   അർജന്റീനിയൻ, സ്പാനിഷ് ഒക്കെ ആണെങ്കിലും, സംഭവം കിക്കിടു! ഇനി എന്തായാലും, ഇതേ വഴിയിൽ കുറച്ച് കൂടി അന്വേഷിക്കാൻ തന്നെ തീരുമാനിച്ചു, ഇതിലും വലുതു വല്ലതും അളേൽ ഉണ്ടെങ്കിലോ ;)

ഈ സിനിമ അർജന്റീനയിലും ഒരു സംഭവം തന്നെ ആയിരുന്നു, അവരുടെ ചരിത്രത്തിൽ ഏറ്റവും വലിയ രണ്ടാമത്തെ കളക്ഷനുള്ള സിനിമയാണിതു. 


Saturday, March 12, 2011

തീസ് മാർ ഘാൻ - Tees Maar Khan (0/10)


Tees Maar Khan/Hindi/2011/Full idiotic - comedy/ (0/10)  

പ്ലോട്ടും വെർഡിക്ടും വാലും തലേം ഒന്നുമില്ല ഇത്തവണ - കാരണം ഇതൊരു റിവ്യൂവോ ആസ്വാദനക്കുറിപ്പോ ഒന്നുമല്ല - ഒരു മുന്നറിയിപ്പ് മാത്രമാണു ഈപേരിലെ സിനിമയെപ്പറ്റി .. ഹെന്റെ കൂട്ടുകാരേ, ഈ സിനിമേടേ പോസ്റ്ററിന്റെ അടുക്കേ കൂടെ പോവല്ലേ .. മുറിയും, അത്രെക്ക് കത്തി/വധം ആണീ പടം.!  ..

ഹെന്റമ്മേ .. ഇങ്ങനുണ്ടോ സിനിമ .. (സിനിമ എന്ന് ഈ പടത്തെ വിളിച്ചാൽ റോബിയെ പോലുള്ള സീരിയസ് സിനിമാസ്വാദകർ എന്നെ വീട്ടിൽ വന്നടിക്കും, അതോണ്ട് ഇനി മുതൽ സാധനം എന്നു ഇതിനെ വിശേഷിപ്പിക്കും ഞാൻ! ) ഈ സാധനത്തിൽ ഒന്നൂല്ല - ചുമ്മാ കൊറേ സ്റ്റാറുകളും, അവരുടെ ഓവറാക്ടിങ്ങും മാത്രം. തമാശ എന്ന പേരിൽ കൊറേ കാട്ടിക്കൂട്ടലുകളും.


ഇങ്ങനെയാണു ഇനീം സാധനം പിടിക്കാൻ പ്ലാനെങ്കിൽ, ഫറാഘാൻ ഇപ്പഴേ പണി നിർത്തുന്നതാവും ബുദ്ധി, അല്ലെങ്കിൽ നാട്ടാർക്ക് ബുദ്ധിമുട്ടാവും. - എന്തായാലും, ഷാറൂഘ് ഈ സാധന ദുരന്തത്തിൽ നിന്നും രക്ഷപ്പെട്ടു, എങ്ങനേയോ!

എന്റെ അഭിപ്രായത്തിൽ - അവോയ്ഡ് അറ്റ് എനി കോസ്റ്റ്.!  അല്ല, കാണുന്നുണ്ടെങ്കിൽ നിങ്ങളുടെ സ്വന്തം റിസ്കിൽ കാണുക. :)  

(ഇനി ഞാനൊന്നു ഉറങ്ങാൻ ശ്രമിക്കട്ടെ .. ഞെട്ടി ഉണരാതിരുന്നാൽ മതിയായിരുന്നു) :(


Friday, March 4, 2011

The Social Network (7/10)


The Social Network/English/2010/Semi Biographical - Thriller/IMDB/ (7/10) 
Rated PG-13 for sexual content, drug and alcohol use and language.

പ്ലോട്ട് : തന്നെ ഡമ്പ് ചേയ്ത  ഗേൾഫ്രണ്ടിനെ ഞെട്ടിക്കാൻ ആയിട്ട് വളരേ ജീനിയസ്സായ, എന്നാൽ ഒരു നേർഡ് ആയ ഒരു കോളേജ് പയ്യൻ തുടങ്ങുന്ന  ഒരു സൈറ്റ്, അതിന്റെ പരിണാമത്തിന്റെ -   അതിന്റെ ഉയർച്ചകളുടെ, അതു വഴി ആ പയ്യനുണ്ടാവുന്ന ശത്രുക്കളുടെ, ഒക്കെ കഥയാണിതു - ഫേസ്ബുക്ക്  എന്ന പേരിൽ നമുക്കൊക്കെ സുപരിചിതമായ സൈറ്റിന്റെ കഥയാണിതു.

കോളേജ് ഡോർമറ്ററിയിൽ നിന്നും തുടങ്ങി, വെറും ആറ് വർഷങ്ങൾ കൊണ്ട് 600 ദശലക്ഷം വരിക്കാർ - 600 ദശലക്ഷം ഡോളർ പ്രതിവർഷ ലാഭം - 15 ബില്ല്യനോളം മതിപ്പ് വില - എന്നിങ്ങനത്തെ സ്ഥിതിയിലേക്ക് ഫേസ്ബുക്ക് എത്തിപ്പെടുന്ന ആ കഥയാണിതു - അതിനു പിന്നണിയിലെ കളികളുടെ, ചതികളുടെ, തെറ്റിദ്ധാരണകളുടെ ഒക്കെ കഥയാണിതു..

വെർഡിക്ട് : കൊള്ളാം - കണ്ട് തുടങ്ങിയിട്ട് ഒരു സെക്കന്റ് നേരം പോലും സിനിമ പോസ് ചേയ്യാതെ ഇരുന്നു കണ്ടൂ ഞാൻ - അത്രെക്ക് രസകരമായി ചേയ്തിരിക്കുന്നു ഈ സിനിമ. നോൺ ലീനിയർ  കഥപറച്ചിലും,  പാസ്റ്റ്-പ്രസന്റ് കഥയുടെ പോക്കുകളും ഒക്കെ ഈ സിനിമയെ കൂടുതൽ രസകരമാക്കിയിട്ടുണ്ട്. .. ഒരു കഥാപാത്രത്തിന്റേയും സൈഡ് പിടിക്കാതെ കഥപറയാൻ കഴിഞ്ഞിരിക്കുന്നു ഈ സിനിമയുടെ ക്രിയേറ്റേഴ്സിനു എന്നതു തന്നെയാണു ഏറ്റവും അഭിനന്ദനീയം.

നടന്മാരുടെ- കഥാ‍പാത്രങ്ങളുടെ സെലക്ഷൻ കിടിലൻ - ശരിക്കും ഒരു ബുജി ലുക്കുള്ള നായകൻ - അവന്റെ സംസാരം. അവന്റെ വായിൽ നിന്നും വരുന്ന കാര്യങ്ങൾ - ആ ഡയലോഗുകൾ എഴുതിയ പുലി ആരാണെങ്കിലും എന്റെ വഹാ ഒരു സലാം അങ്ങേർക്ക് - അത്രെക്ക് കിടിലൻ! :)  ആദ്യായിട്ട് ജസ്റ്റിൻ ടിമ്പർലേ-യെ എനിക്ക് ഒരു സിനിമയിൽ ഇഷ്ടായി - നാപ്പ്സ്റ്റർ കണ്ടുപിടിച്ചവനായിട്ട് അവൻ ഈ സിനിമയിൽ കലക്കീട്ടുണ്ട്!. :)

വാൽക്കഷ്ണം :  ഈ സിനിമ ഒരു പിടി അക്കാദമി അവാർഡുകൾ നേടി ഈ വർഷം. അർഹതപ്പെട്ടതു തന്നെ.

പക്ഷെ, നായകൻ ചേയ്തതു ശരിയായില്ല എന്നു തന്നാ എന്റെ അഭിപ്രായം - മറ്റവനെ അങ്ങനെ ചുരുട്ടിക്കൂട്ടി വേസ്റ്റ് ബാസ്ക്കറ്റിൽ ഇടേണ്ടായിരുന്നു.. ഒന്നുമില്ലെങ്കിലും ....  :(


Wednesday, March 2, 2011

അർജ്ജുനൻ സാക്ഷി - Arjunan Saakshi (6.5/10)


Arjunan Saakshi/Malayalam/2011/Action - Suspense Thriller/M3DB/ (6.5/10) 


പ്ലോട്ട് : കൊച്ചീ നഗരത്തെ പിടിച്ച് കുലുക്കിയ സംഭവമായിരുന്നു കളക്ടർ ഫിറോസ് മൂപ്പന്റെ കൊലപാതകം. ആ സംഭവം നേരിൽ കണ്ടു എന്ന അവകാശവാദവുമായി അർജ്ജുനൻ (ഈ പേരിന്റെ സ്പെല്ലിങ്ങ് സിനിമയിൽ ഉടനീളം തെറ്റിച്ചാണു കാട്ടുന്നതു - അർജ്ജുനനു രണ്ട് ‘ജ’ ഇല്ലേ, അതോ സിനിമയിൽ കാട്ടുന്നതു പോലെ ഒരു ജ - അർജുനൻ - ഒള്ളോ?)  എന്ന വ്യക്തിയുടെ ഒരു കത്ത് മാതൃഭൂമി പത്രത്തിനു ലഭിക്കുന്നു, അതു അവർ പ്രതികരണങ്ങൾ പംക്തിയിൽ പ്രസിദ്ധീകരിക്കുന്നു, ‘അതി ശക്തരായ‘ വില്ലന്മാർ വാലിൽ തീ പിടിച്ച് ഓടുന്നു, ലേഖികക്ക് വധഭീഷണി, ആക്രമണം, .. അതിനിടയിലേക്ക് അബദ്ധവശാൽ കടന്നു വരുന്ന നായകൻ - പൃഥ്വിരാജ് - എല്ലാവരും ലവൻ അർജ്ജുനൻ ആണെന്നു തെറ്റിദ്ധരിക്കുന്നു .. ശേഷം ... ചിന്ത്യം.

വെർഡിക്ട് :  സിനിമ - കൊള്ളാം. ആദ്യ പകുതിയിൽ സിനിമ ഉഗ്രനായി മുന്നേറി, പക്ഷെ പകുതികഴിഞ്ഞതോടെ എങ്ങനേം തീർത്താൽ മതി എന്നു സംവിധായകനു തോന്നിയെന്നാണു എനിക്ക് തോന്നിയത്. ക്രാഷ് ലാന്റ് ചേയ്യിച്ച് തീർത്തു സിനിമ.! രഞ്ജിത്ത് ശങ്കറിൽ നിന്നും ഇതിലും ഒക്കെ മികച്ച ഒരു ക്ലൈമാക്സ് ആയിരുന്നു ഞാൻ പ്രതീക്ഷിച്ചത് - ചിലപ്പോൾ പാസ്സഞ്ചർ നൽകിയ അമിത-പ്രതീക്ഷകൾ ആവാം രസംകൊല്ലിയായത്!.

ആദ്യ പകുതിയിൽ എന്തും ചേയ്യാൻ കഴിവുണ്ടെന്നു കാട്ടുന്ന - സെൽഫോൺ ടാപ്പ് ചേയ്യുന്നതു മുതൽ കളക്ടറെ തട്ടിക്കളയുക വരെയുള്ള കാര്യങ്ങൾ പുല്ലാണെന്നു വ്യക്തമാക്കുന്ന - വില്ലന്മാർ രണ്ടാം പകുതിയിൽ ചുമ്മാ പഞ്ചപാവങ്ങളെപ്പോലെ പേടിച്ച് വിറച്ച് ‘സാധാരണക്കാരനായ’ നായകന്റെ പിന്നാലെ യാചിച്ച് നടക്കുന്നു! - കളക്ടറെ വരെ പോയിന്റെ ബ്ലാങ്കിൽ നിന്നും ഷൂട്ട് ചേയ്തു കൊല്ലാൻ മാത്രം കെല്‍പ്പുള്ള വില്ലന്മാർ ഒരു പയ്യനെ തട്ടാൻ വിഷമിക്കുന്നു - അവിശ്വസനീയം എന്നു പറയേണ്ടിയിരിക്കുന്നു - ഈ കഥാതന്തു!.

എന്നാലും, നായകന്റെ റ്റാറ്റാ സഫാരി കാറിനെ ഇടിച്ച്  തകർക്കാൻ മാരുതി എസ്റ്റീമിനെ വിട്ട ആ വില്ലന്റെ ബുദ്ധിശക്തിയെ എത്ര പ്രശംസിച്ചാലും മതിയാവില്ല!. ;) ഹിമാലയാ-കണിച്ചുകുളങ്ങര കേസിലൂടെ കേരളമാകെ മനസ്സിലാക്കിയ കാര്യമാണു, ഒരു ലോറി കൊണ്ടേ ഇടിപ്പിച്ച് തെറിപ്പിച്ചാലും സഫാരിക്ക് വലുതായിട്ടൊന്നും സംഭവിക്കില്ലാ എന്നു.  അതുമല്ലാ,  എന്തിനാണാവോ നല്ല കിടിലൻ ഫോറിൻ കാറിൽ അതു വരെ സഞ്ചരിച്ചിരുന്ന പൃഥ്വിരാജ് പെട്ടെന്നു സഫാരിയിലേക്ക് മാറിയതു, ആ ഷോട്ടിനു വേണ്ടി മാത്രം?

ആക്ടേഴ്സ് : നാ‍യകൻ പൃഥ്വിരാജ് : കലക്കീട്ടുണ്ട് ഇഷ്ടൻ. ആദ്യ പകുതിയിൽ കമ്പനി പാർട്ടിയിൽ അടിച്ച് കിന്റായിട്ട് നടക്കുന്ന പൃഥ്വിരാജ് അഭിനയത്തിൽ വളരേ അധികം മുന്നേറിയിരിക്കുന്നു എന്നു തെളിയിക്കുന്നു - ഉഗ്രൻ ആയിട്ട് അവതരിപ്പിച്ചിട്ടുണ്ട്, റോയ് എന്ന യൂത്തിനെ, പൃഥ്വിരാജ്. :) ഉഗ്രൻ.

പിന്നെ പൃഥ്വിരാജിന്റെ ഫ്രണ്ടായി സിനിമയി വരുന്ന പയ്യൻസ് - 

ആൻ : എത്സമ്മയിൽ നിന്നും വളരേ മുന്നോട്ട് വന്നിരിക്കുന്നു ആൻ അഗസ്റ്റിൻ. എത്സമ്മയിൽ എടുത്താൽ പൊങ്ങാത്ത റോൾ ആയതിനാൽ ആവണം എനിക്ക് ഈ കുട്ടിയെ അത്രെക്കങ്ങ് പിടീക്കാഞ്ഞത് ആ സിനിമയിൽ - ഇതിൽ : ആപ്റ്റ്.!

പിന്നെ ഉഗ്രനായിട്ടുള്ളതു നമ്മുടെ പഴേയ നൂലുണ്ടയാണു - വിജീഷ്. എന്തോരു ചേഞ്ച്!!!!  ഒരു ജിം ഇൻസ്ട്രക്ടർ ആയ പൃഥ്വിരാജിന്റെ ഫ്രണ്ടായിട്ട് ആണു ഇതിൽ വിജീഷ് - ആ പൊണ്ണത്തടി ഒക്കെ മാറി ആശാൻ കലക്കൻ ബോഡിയും ഒക്കെ വച്ച് ഉഗ്രനാക്കീട്ടുണ്ട് ഈ സിനിമയിൽ. അതു മാത്രമല്ല, ഈ സിനിമയിൽ പൃഥ്വിരാജിനൊപ്പം തിളങ്ങി നിൽക്കാൻ സാധിക്കുന്നും ഉണ്ട് വിജീഷിനു. ! കലക്കി മോനേ, കലക്കി!. :)

വില്ലന്മാർ : വേസ്റ്റ്!

ജഗതി : പെർഫക്ട്.

പിന്നെ എടുത്ത് പറയേണ്ടത് : ക്യാമറ വർക്കാണു - ഉഗ്രൻ എന്നല്ലാതെ വേറോരു വാക്കില്ല. :) പ്രത്യേകിച്ച് കാർ ചേസ് സമയത്തും, ആദ്യ പകുതിയിലും.  സംവിധായകൻ സിനിമയെ സ്റ്റൈലിഷ് ആക്കുന്നതിൽ ശരിക്കും വിജയിച്ചിരിക്കുന്നു, ആർട്ട് ഡിപ്പാർട്ട്മെന്റിനും കൺഗ്രാറ്റ്സ്. :)


ഒറ്റ വാചകത്തിൽ : കണ്ടിരിക്കാവുന്ന, ബോറടിക്കാത്ത, എന്നാൽ വലിയ പ്രതീക്ഷ വേണ്ടാത്ത ഒരു എബൗവ് ആവറേജ് സിനിമ.

വാൽക്കഷ്ണം : സാധാരണക്കാരൻ എന്ന ലേബലിൽ നായകന്റെ സൂപ്പർ ഹീറോ ഇമേജ് വിൽക്കുന്ന ഇത്തരം സിനിമകൾ ഇനിയും ഉണ്ടാവണം ..  എല്ലാ സാധാരണക്കാരിലും ഒരു സൂപ്പർഹീറോ ഒളിഞ്ഞിരിപ്പുണ്ട് എന്നോ മറ്റോ ആണോ സിനിമയുടെ ക്രിയേറ്റേഴ്സ് ഉദ്ദേശിച്ചിരിക്കുന്നതു?

സിനിമ ആദ്യാവസാനം ‘മാതൃഭൂമി’ പത്രത്തിന്റെ പരസ്യമാണു - ഒരോ അഞ്ച് ഷോട്ടുകളിലും ആ പേരു പറയുകയോ കാട്ടുകയോ ചേയ്യുന്നുണ്ട് .. എനിക്കാ പേരു കണ്ട് ബോറടിച്ചു, ശരിക്കും!.അവരാണോ സിനിമയുടെ വട്ടിപ്പലിശാ-ഫിനാൻസിയേഴ്സ്?


Friday, February 25, 2011

Tomorrow, When the War Began (7.5/10)


Tomorrow, When the War Began/English-Australian/2010/Action - Adventure/IMDB/ (7.5/10)  

പ്ലോട്ട് : കാട്ടിലേക്ക് ക്യാമ്പിങ്ങിനു പോവുന്ന ഒരു ചെറു കൂട്ടം - നായികക്കാണു ടീമിന്റെ സാരഥ്യം, പതിനെട്ട് തികയാനായി ഇരിക്കുന്ന പ്രായത്തിൽ ഉള്ളവർ ആണു എല്ലാരും. ‘ഹെൽ’ എന്നറിയപ്പെടുന്ന കാട്ടിലേക്ക് ക്യാമ്പിങ്ങിനു പോയി തിരിച്ച് വരുന്ന അവർ കാണുന്നതു തങ്ങളുടെ വീടുകളും, എന്തിനു അവരുടെ പട്ടണം തന്നെയും ആകെ ജനമൊഴിഞ്ഞാണു - അവരുടെ അച്ഛനമ്മമാരേയും, ബന്ധുക്കളേയും ആരേയും തന്നെ കാണാനില്ല - പതുക്കെ അവർ അറിയുന്നു അവരുടെ പട്ടണം ഏതോ വിദേശ രാജ്യം ആക്രമിച്ച് കീഴടക്കിയിരിക്കുന്നു എന്നു.  ആ വിദേശ അധിനിവേശത്തിനെതിരെ അവർക്കാവുന്ന ചെറിയ ചെറുത്ത്നില്‍പ്പീലൂടെ പ്രതിരോധം തുടങ്ങി വൈക്കുന്ന കഥയാണു ഈ സിനിമ പറയുന്നതു.

ഒരു ബെസ്റ്റ് സെല്ലർ പുസ്തകത്തിന്റെ സിനിമാ പതിപ്പ് ആണീ സിനിമ.

വെർഡിക്ട് : ഉഗ്രൻ - IMDBയിൽ ഒക്കെ ജസ്റ്റ് എബൗവ് ആ‍വറേജ് റേറ്റിങ്ങ് ആണു, ചിലപ്പോൾ പുസ്തകം വായിച്ചവർ ആവാം റേറ്റിങ്ങ് ഇട്ടിരിക്കുന്നതു! - എനിക്ക് വളരേ ഇഷ്ടായി ഈ സിനിമ. ഒരു നല്ല എന്റർടൈനർ തന്നെ ഇതു. (പക്ഷെ ഹോളീവുഡ് സിനിമയുടെ ആ ഒരു പെർഫെക്ഷൻ ഒന്നും എത്തീട്ടില്ലാ എന്നും തോന്നി).


പക്ഷെ, ഡയറക്ടർ ഒരു കഥാപാത്രത്തെക്കൊണ്ട് ഗറില്ലാ അറ്റാക്കിനിടയിൽ ബീഡി കത്തിപ്പിക്കാൻ ശ്രമിക്കുന്നതു, തികച്ചും ബാലിശമായിപ്പോയി!. ശത്രുഭടന്റെ മണമടിച്ചാലുടൻ സ്കൂട്ടാവുന്ന ഒരു കഥാപാത്രം വിമാനം ബോംബിടാൻ വരുമ്പോൾ പട്ടിയെ രക്ഷിക്കാൻ നോക്കുന്നതു അതിലും ചീപ്പായിപ്പോയി - ബാലിശം എന്ന വാക്ക് ആ പൊട്ടത്തരത്തിനു ചേരില്ല!.

അതൊക്കെ പോവട്ടേ, ആക്ഷനിടയിൽ ഈ സിംഹിണികൾ ഗോസിപ്പും പറഞ്ഞിരുന്നു ശത്രുവിന്റെ തോക്കിനിരയാവാൻ പോവുന്നതു - ഈ ഡയറക്ടർക്കും തിരക്കഥാകൃത്തിനും ഒന്നും ഒരു ബോധവും ഇല്ലേ ആവോ!  ഒരു ചെറു ക്ലാസ്ടെസ്റ്റ് മുന്നിൽ ഉണ്ടെങ്കിൽ പോലും ടെൻഷനടിക്കും മനുഷ്യർ ആയാൽ - ഇവർ ഗറില്ലാ ആമ്പുഷിനുഇടയിൽ  കുത്തി ഇരുന്നു പയ്യന്മാരുടെ ഉമ്മ താരതമ്യം ചേയ്യുന്നു... കഷ്ടം!


വെർഡിക്ട് ഒറ്റ വാക്യത്തിൽ : ഇതൊക്കെ ആണെങ്കിലും, സിനിമ കൊള്ളാം, നിങ്ങൾ ധൈര്യമായി കാണൂ, ബോറടിക്കില്ല. 

വാൽക്കഷ്ണം : കുറച്ച് നല്ല നടീനടന്മാരെ കിട്ടും ഈ സിനിമയിലൂടെ ഇംഗ്ലീഷ് സിനിമാലോകത്തിനു - അതിൽ ഒന്നു രണ്ട് പേർ കിടിലൻ സുന്ദരിമാരും ആണു. ! ;) ;)

സിനിമ കണ്ടീട്ട് രണ്ടാം ഭാഗം വരാനുള്ള സാധ്യത ഞാൻ കാണുന്നുണ്ട് - അങ്ങനെയെങ്കിൽ അതിനായി കാത്തിരിക്കാം നമുക്ക്!.


Friday, January 21, 2011

ഹൗ ടു ട്രെയിൻ യുവർ ഡ്രാഗൺ - How to train your Dragon (6.5/10)

 How to train your Dragon/English/2010/Animation-Drama - Adventure/IMDB (6.5/10)

പ്ലോട്ട് : "This is Berk. It's twelve days north of Hopeless and a few degrees south of Freezing to Death. It's located solidly on the Meridian of Misery. My village. In a word? Sturdy, and it's been here for seven generations, but every single building is new. We have fishing, hunting, and a charming view of the sunset. The only problems are the pests. You see, most places have mice or mosquitoes. We have...

... Dragons!  "

ഈ ഡയലോഗ് തന്നെ കഥ പറയുന്നുണ്ട് - ഒരു ദ്വീപ്, അവിടത്തെ ഏറ്റവും വലിയ പ്രശ്നക്കാർ ഡ്രാഗണുകൾ ആണു, രാത്രി വന്നു ആടിനേം കോഴിയേയും ഒക്കെ കട്ടോണ്ട് പോവും, അവറ്റകൾ.. കൂടെ ആളുകളെ റോസ്റ്റ് ചേയ്ത് കൊല്ലുകയും ചേയ്യും ഇവറ്റകൾ. .. ആ ഡ്രാഗൺ- മനുഷ്യൻ സമരം ആണീ സിനിമ. നായകൻ ആ ദ്വീപിലെ രാജാവിന്റെ മകൻ, പേടിത്തൂറി. ഡ്രാഗണുകളെ കൊല്ലാത്തവർ ആണും പെണ്ണൂം കെട്ടവരായി തന്നെ മുദ്രകുത്തപ്പെടുന്ന ഈ ദ്വീപിന്റെ രാജാവിന്റെ മകൻ ഒരു ഡ്രാഗന്റെ കൂട്ടുകാരൻ ആവുന്ന കഥയാണിത്.


വെർഡിക്ട് : സഹല സൈറ്റുകളിലും, സഹല റിവ്യൂകളിലും, ഒക്കെ ഈ സിനിമക്ക് 9 നു അടുക്കേ റേറ്റിങ്ങ് ഉണ്ട്, പക്ഷെ അതു 3ഡി-യിൽ ഈ സിനിമ കണ്ടവർ ഇട്ട റേറ്റിങ്ങ് ആവണം.. സിനിമയിൽ കിടിലൻ ആനിമേഷൻ ആണുള്ളതു, നല്ല ആക്ഷൻ സീക്വൻസുകൾ, നല്ല ഡബ്ബിങ്ങ്, നല്ല സ്ക്രീൻ പ്ലേ, ഡയലോഗുകൾ .. എല്ലാം കിടിലൻ, പക്ഷെ കഥ - അതു പലകുറി കേട്ട് ബോറായ കഥയാണു, ആ ഒരു ഫാക്ടർ കൊണ്ട് മാത്രം ആണു ഞാൻ 6 ഇടുന്നതു, ബാക്കി എല്ലാം ഓക്കെ .. പക്ഷെ ഇടക്ക് ഇച്ചിരി നേരം എനിക്ക് ബോറും അടിച്ചിരുന്നു എന്നു തോന്നുന്നു ..  പക്ഷെ ഒരു കാഴ്ചക്ക് ഒക്കെ ഡബിൾ ഓക്കെ ആണു ഈ സിനിമ.

വെർഡിക്ട് ഒറ്റ വാക്യത്തിൽ  : കണ്ടാൽ ബോറടിക്കില്ല - ഗ്രാഫിക്ക്സ് കണ്ട് വാ പൊളിക്കുകയും ചേയ്യും.

വാൽക്കഷ്ണം : ഒരല്പം കൂടെ നല്ല കഥ കൂടെ സംഘടിപ്പിക്കാമായിരുന്നു ഈ സിനിമയുടെ ക്രിയേറ്റേഴ്സിനു .. എങ്കിൽ പത്തിൽ പത്ത് വാങ്ങാമായിരുന്നു എന്റെടുക്കേന്നു.. യോഗമില്ല! ;)


Wednesday, January 19, 2011

മൈന - Mynaa (8/10)

Mynaa/Tamil/2010/Romance-Drama/Wiki (8/10) 

പ്ലോട്ട് : തമിഴ്നാട്ടിലെ, സഹ്യപർവ്വതത്തോട് ചേർന്നു കിടക്കുന്ന ഒരു പട്ടിക്കാട് ഗ്രാമം. അവിടെ എത്തണമെങ്കിൽ തന്നെ മണിക്കൂറുകൾ വേണ്ടുന്ന ജീപ്പ് സവാരി ആവശ്യം. അവിടെ, കുട്ടികൾ ആയിരുന്നപ്പോൾ മുതൽ കൂട്ടുകാരും, പിന്നെ കാമുകീ-കാമുകന്മാരും ആയിരുന്ന, പരസ്പരം ഒന്നു ചേരുവാനുള്ളവർ എന്നു എല്ലാവരാലും പറഞ്ഞുറപ്പിക്കപ്പെട്ട രണ്ട് പേർ, നമ്മുടെ നായകനും നായികയും. നായികയുടെ കുടുംബത്തെ തൻ‌കാലിൽ നിർത്താൻ വളരേ അധികം സഹായിച്ചിട്ടുള്ള നായകനെ നായികയുടെ അമ്മ പുറംകാലു കൊണ്ട് തട്ടിമാറ്റി വേറേ കല്യാണം ആലോചിച്ച് തുടങ്ങുന്നതോടെ കഥയുടെ ഗതി മാറുന്നു, അമ്മ നായകനെ കള്ളക്കേസിൽ അകത്താക്കുന്നു, നായകൻ ശിക്ഷയുടെ അവസാന ദിവസം - ദീപാവലിയുടെ തലേ ദിനം- എന്തോ കാര്യത്തിനു ജയിൽ ചാടുന്നു.. 

നായകനെ തിരികെ ജയിലിൽ എത്തിക്കാൻ അവന്റെ ഗ്രാമത്തിലേക്ക് വണ്ടി കയറുന്ന ജയിൽ സൂപ്രണ്ടിന്റേയും കോൺസ്റ്റബിളിന്റേയും, ആ യാത്രയുടേയും, ആ ഗ്രാമത്തിൽ എത്തിച്ചേർന്നു കഴിഞ്ഞും, തിരികെ ഉള്ള യാത്രക്കിടയിലും നായകനും, നായികക്കും, പോലീസുകാർക്കും ഉണ്ടാവുന്ന അനുഭവങ്ങളുടേയും കഥയാണു ഈ സിനിമ.

വെർഡിക്ട് : കലക്കൻ ലൊക്കേഷൻ, കലക്കൻ സ്ട്രെയിറ്റ് ഫോർവേർഡ് സ്റ്റോറി ടെല്ലിങ്ങ് ടെക്ക്നിക്ക്, നല്ല അഭിനയം, കാമറാ വർക്ക്, സംവിധാനം. എല്ലാം കലക്കൻ, ഒരു കുറവ് പോലും പറയാനില്ല ശരിക്കും ഈ സിനിമയിൽ.. ഒരു സംഭവത്തിൽ മാത്രം ജുറാസിക്ക് പാർക്കിലെ സീൻ അതേ പടി പകർത്തി എന്നതൊഴിച്ചാൽ വേറേ കട്ടെടുക്കലുകൾ ഒന്നും തന്നെ എനിക്ക് കാണാനുമായില്ല, ഈ സിനിമയിൽ - പക്ഷെ ആ കട്ടെടുക്കൽ ഒഴിവാക്കാമായിരുന്നു.

കാടെന്നാൽ ഇതിലെ കാടാണു കാട് - ദൗത്യം എന്ന മലയാള സിനിമ കഴിഞ്ഞാൽ ഇതിലാവണം ഇത്രേം ഘോരവനം സിനിമയിൽ - വേറൊന്നു ഓർത്തിട്ട് കിട്ടുന്നില്ല എനിക്ക്.  ശിക്കറിൽ ഒക്കെ വനത്തിന്റേയും, അവിടത്തെ അതി-സാഹസിക ഷൂട്ടിന്റെ കഥകൾ ഒക്കെ ഞാൻ വായിച്ചിരുന്നു, അതൊക്കെ ഈ സിനിമയും ആയിട്ട് താരതമ്യം ചേയ്യ്യാനേ പറ്റില്ലാ എന്നു തോന്നുന്നു..


അമലാപോൾ എന്ന മലയാളിക്കുട്ടിയാണിതിലെ നായിക - നമ്മടെ നീലത്താമരയിലെ ഭാര്യക്കുട്ടി ഇവളായിരുന്നുവോ? എന്തായാലും കൊള്ളാട്ടോ .. ;)

നായകനും കൊള്ളാം - കഥാപാത്രമായി ജീവിച്ചു പയ്യൻ ! :)

പ്രഭു സോളമൻ എന്ന സംവിധായകനെ ഞാൻ ഇതിനു മുൻപ് കേട്ടിട്ടില്ല - ഇനി ശ്രദ്ധിക്കേണ്ടിയിരിക്കുന്നു ..


വെർഡിക്ട് ഒറ്റ വാക്കിൽ : മിസ്സ് ആക്കരുതു.ഒരു കാരണവശാലും.

വാൽക്കഷ്ണം :   ഇവർ കേരളത്തിൽ എത്തുന്ന ഒരു സീനുണ്ട്, അവിടെ എല്ലാരും തമിഴ് നല്ല വെള്ളം പോലെ സംസാരിക്കുന്നു - മലയാളം സംസാരിക്കുന്ന ഒരുത്തനാവട്ടെ, എന്തോ സായിപ്പന്മാർ മലയാളം പറയുന്നതു പോലേയും സംസാരിക്കുന്നു .. :) .. പക്ഷെ, ഞാൻ നേരിൽ കണ്ടിട്ടുള്ള സ്ഥലങ്ങൾ സിനിമയിൽ കാണുന്നതു തന്നെ ഒരു സുഖം ആയിരുന്നു.. അതും ഒരു തമിഴ് സിനിമയിൽ ! :)


ഒരു അത്യുഗ്രൻ റോഡ് മൂവി എന്നു തന്നെ പറയാവുന്ന സിനിമയാണിതു. ഇങ്ങനത്തെ പടങ്ങളാണു മലയാളത്തിൽ വരേണ്ടത് .. എന്നാലേ മലയാളത്തിന്റെ ക്ലീഷേ ബേസ്ഡ് സിനിമകളിൽ നിന്നും മോചനം കാണികൾക്കുണ്ടാവൂ ..ട്രാഫിക്ക് ഇത്തരം ഒരു സിനിമയാണെന്നു കേൾക്കുന്നു, കണ്ടില്ലാ ഇതു വരെ, കാണും ഉടൻ. !