Wednesday, April 15, 2009
പൊതുജനം രാജാക്കന്മാര് ..
പൊതുജനം കഴുതകള് എന്ന 'മഹത് വാക്യം' ഒരു ദിവസത്തേക്ക് അവധിയില് പോയി, പകരം ‘പൊതുജനം രാജാക്കന്മാര്‘ എന്നു ആവന്ന ഒരു അപൂര്വ ദിനമാണ് നാളെ. അതെ, നാളെ, നാളെയാണ് നമ്മുടെ ദിവസം .. നീലക്കുറിഞ്ഞി മനം നിറയെ പൂക്കും പോലെ, ഹാലീസ് കോമറ്റ് ചിരിച്ചുകൊണ്ട് കടന്നു പോവ്വും പോലെ, വല്ലപ്പോഴും ഒരിക്കല് നമ്മുക്കുണ്ടാവുന്ന ഒരു ഭാഗ്യം - അതെ, നാളെ ആണ് വോട്ടിങ്ങ് ഡേ.
“ഓ .. എന്തിനു വോട്ട് ചേയ്യണം, ഈ നാടു ഒരിക്കലും നന്നാവില്ലാ!!“
ഒരു നാടും നന്നായി അല്ല പിറന്നു വീഴുന്നതു, അതു നന്നാക്കപ്പെടുകയാണ്, ഉത്തരവാദിത്യമുള്ള ജനങ്ങളാല്, ആ ജനങ്ങള് തിരഞ്ഞെടുക്കുന്ന കഴിവുറ്റ നേതാക്കളാല്. അഞ്ചു വര്ഷത്തിലൊരിക്കല് നമ്മുടെ നാടിന്റെ ഭാവി നിശ്ചയിക്കാനൊരു അവസരം നമുക്ക് നമ്മുടെ മഹാന്മാരായ നേതാക്കള് പണ്ട് പട പൊരുതി വാങ്ങിത്തന്നതാണ്. ആ ദിവസം വീട്ടിലിരുന്നു കപ്പലണ്ടി കൊറിച്ചാല്, ഈ രാജ്യം നന്നാവുമെന്നു നിങ്ങള്ക്ക് തോന്നുന്നുണ്ടോ?
ഇല്ലായെങ്കില്, നാളെയാണ് ആ ദിവസം .. പുറത്തിറങ്ങുക, പാര്ട്ടിയോ, മതമോ, സമുദായമോ, കൊടിയുടെ നിറമോ ഒന്നും നോക്കാതെ, സ്ഥാനാര്ഥിയുടെ കഴിവും, വിദ്യാഭ്യാസവും, പ്രകടന പത്രികയും അവയിലെ നയങ്ങളും, രാഷ്ട്രീയ സംശുദ്ധതയും നോക്കി മാത്രം നിങ്ങള് നിങ്ങളുടെ വോട്ട് രേഖപ്പെടുത്തുക. ഓര്ക്കുക, നിങ്ങളാണ് അടുത്ത അഞ്ചു വര്ഷത്തേക്കുള്ള ഇന്ത്യയുടെ ഭരണകര്ത്താക്കളെ തിരഞ്ഞെടുക്കുക. ഭാരിച്ചൊരു ഉത്തരവാദിത്യം ആണതു - ആ അവസരം നന്നായി വിനിയോഗിക്കുക !
“എല്ലാം കള്ളന്മാരാ .. “
അതിനു ആരാണ് ഉത്തരവാദികള്? നമ്മള് തന്നെ. വോട്ടിടാത്ത നമ്മളാണ് ഈ പറയുന്ന കള്ളന്മാരെ ഈ കസേരയില് പിടീച്ചിരുത്തിയതു. നമ്മള് തീരുമാനിച്ചാല് നാടിനെ കട്ടുമുടിക്കുന്ന കള്ളന്മാരെ വീട്ടിലിരുത്താന് ആവും. വിശ്വാസിക്കില്ല?? ഞാന് തരാം തെളിവു!
കേരളത്തിലെ എല്ലാ തിരഞ്ഞെടുപ്പിനും ഉണ്ടാവുന്ന വോട്ടിങ്ങ് ശതമാനം, ഏകദേശം 70% ആണു. ബാക്കി വരുന്ന 30% ചുമ്മാ വീട്ടിലിരുന്നു അവധി ആഘോഷിക്കുന്നു, അവര്ക്ക് ഒന്നുകില് ഈ സിസ്റ്റത്തോടു വെറുപ്പു, അല്ലായെങ്കില് വിശ്വാസമില്ലാ! ഒരു സ്ഥാനാര്ഥി വിജയിക്കുന്നതു വെറും രണ്ടോ മൂന്നോ ശതമാനത്തിനാണെന്നിരിക്കെ, വോട്ട് രേഖപ്പെടുത്താത്ത ആ 30%-ല് 10% എങ്കിലും ആളുകള് കൂടെ വോട്ട് ബുദ്ധിപരമായി രെഖപ്പെടുത്തിയാല് .. നമുക്കു തീരുമാനിക്കാനാവും, ആര് നമ്മളെ ഭരിക്കണമെന്നു!
സൊ, അവസരം പാഴാക്കാതിരിക്കൂ, നാളെ രാവിലെ തന്നെ പ്രതികരിക്കൂ .. അഞ്ച് കൊല്ലത്തിലൊരിക്കല് ഒരു അര മണിക്കൂര് നമ്മുടെ രാജ്യത്തിനായി മാറ്റി വൈക്കൂ ..
Wednesday, April 8, 2009
എന്റെ അടുത്ത സാഹസം .. കാഴ്ച്ചക്കപ്പുറം. !
ഇതിനെ സാഹസമെന്നോ അതിക്രമമെന്നോ, എന്താണ് വിളിക്കേണ്ടതെന്ന് എനിക്ക് തീരെ പിടിയില്ല .. പക്ഷെ ഞാന് മൂന്നും കല്പിച്ചു ചാടിയിറങ്ങുകയാണ് ഈ ഗോദയിലേക്ക് ..
ഞാന് എന്റെ രണ്ടാമത്തെ ബ്ലോഗ് ആരംഭിക്കുകയാണ് , ‘കാഴ്ച്ചക്കപ്പുറം‘ (http://kaazchakkappuram.blogspot.com/) എന്നാണ് ഞാനതിനിട്ടിരിക്കുന്ന പേരു, അതില് ഞാന് ഉദ്ദേശിക്കുന്നതു, ഫോട്ടോഗ്രാഫിയില് തികച്ചും അമച്വര് ആയ എന്റെ കൊറേ പടങ്ങളും, പിന്നെ സിനിമാ പ്രാന്തനെന്ന നിലയില് ഞാന് കാണുന്ന പടങ്ങളുടെ എന്റെ അഭിപ്രായ പ്രകടനങ്ങളും ആണ് .. സിനിമാപ്രേമികളേ, ഫോട്ടോഗ്രാഫറന്മാരേ .. എന്നോടു ക്ഷമിക്കുമല്ലോ, അല്ലെ?
നിങ്ങളുടെ സഹായ സഹകരണങ്ങള് പ്രതീക്ഷിച്ചു കൊണ്ട് തുടരട്ടേ .. ജയ് ക്യാമറാ ..
ഞാന് എന്റെ രണ്ടാമത്തെ ബ്ലോഗ് ആരംഭിക്കുകയാണ് , ‘കാഴ്ച്ചക്കപ്പുറം‘ (http://kaazchakkappuram.blogspot.com/) എന്നാണ് ഞാനതിനിട്ടിരിക്കുന്ന പേരു, അതില് ഞാന് ഉദ്ദേശിക്കുന്നതു, ഫോട്ടോഗ്രാഫിയില് തികച്ചും അമച്വര് ആയ എന്റെ കൊറേ പടങ്ങളും, പിന്നെ സിനിമാ പ്രാന്തനെന്ന നിലയില് ഞാന് കാണുന്ന പടങ്ങളുടെ എന്റെ അഭിപ്രായ പ്രകടനങ്ങളും ആണ് .. സിനിമാപ്രേമികളേ, ഫോട്ടോഗ്രാഫറന്മാരേ .. എന്നോടു ക്ഷമിക്കുമല്ലോ, അല്ലെ?
നിങ്ങളുടെ സഹായ സഹകരണങ്ങള് പ്രതീക്ഷിച്ചു കൊണ്ട് തുടരട്ടേ .. ജയ് ക്യാമറാ ..
Labels:
blog,
cinema,
experiments,
kaazchakkappuram,
movies,
photography
Friday, April 3, 2009
ഫൂളസ്റ്റ് എക്സ്പരിമെന്റ്സ്
ദി ഫൂളസ്റ്റ് ഡേ ഓഫ് ദി ഇയര് ഈസ് വെന് ദി സ്മാര്ട്ടസ്റ്റ് ഓഫ് ദീസ് എക്സ്പരിമെന്റ്സ് ഹാപ്പന് ..
എല്ലാ കൊല്ലവും ഈ ഏപ്രില് ഒന്നിനു ഞാന് വളരെ അധികം പേരെ പറ്റിക്കാറുണ്ട്, അല്ലങ്കില് പറ്റിക്കാന് ശ്രമിക്കാറുണ്ട്, ഇത്തവണ ആ നറുക്കു വീണതു, നിങ്ങള്ക്കാണ് .. ഏറ്റോ ഇല്ലായോ എന്നു വരും നാളുകള് നമ്മളെ കാണിക്കട്ടെ.
അതെ .. അതു ഇപ്പോഴും ഒരു സ്വപ്നം മാത്രം .. സ്വപ്നത്തില് നിന്നും ഇറങ്ങി വരാന് ആ സുന്ദരികള് ഇപ്പോഴും വിസമ്മതിക്കുന്നു .. റിയല് ലൈഫില് ഞാന് ഇപ്പോഴും സിംഗിള് .. സ്റ്റില് എ ലുക്കിങ്ങ്, ബ്ലഡി ബാച്ചിലര് ഐ ആം. :)
ഒരാഴ്ച മുന്പേ വരെ ഓഫീസിനു മുന്നിലൂടെ ഈ വേനല്ക്കാലത്തെ ഉണങ്ങിയ കാറ്റിനെ മദം പിടിപ്പിച്ചുകൊണ്ട് ആ റ്റാറ്റാ ഇന്ഡിക്കോം പെണ്കുട്ടി നടന്നു പോകുമ്പോള് ഞാന് ചിന്തിക്കാറുണ്ടായിരുന്നു, ഇവളായിക്കൂടേ, .. ഇവളുടേതായിക്കൂടെ ആ സ്വപ്നത്തിലെ പെണ്കുട്ടിയുടെ മുഖം എന്നു, പക്ഷെ ഞാന് അതു മനസ്സില് ആലോചിച്ചതു പോലും ദൈവത്തിനു ഇഷ്ടപ്പെട്ടില്ലാന്നു വേണം കരുതാന് .. അവളിപ്പോ നടക്കാറില്ലാ മുന്നിലൂടെ, അവളെ ഇപ്പോള് കാണാറില്ലാ എങ്ങും - എപ്പോഴത്തേം പോലെ എന്റെ ആലോചന തുടങ്ങിയപ്പോഴേ അവളുടെ കല്യാണം കഴിഞ്ഞു കാണും!! ലോകത്തിലേറ്റവും കൂടുതല് കല്യാണം നടത്തിയതിന്റെ ഗിന്നസ് റെക്കോഡ് എനിക്ക് മിക്കവാറും കിട്ടാന് സാധ്യതയുണ്ട് - എനിക്ക് ഒരു പെണ്ണിനെ ആലോചിച്ചാല് വിത്തിന് അ മന്ത്, ആ പെണ്ണിന്റെ മൊതിരമാറ്റം നടക്കും - വേറെ ആരെങ്കിലുമായിട്ട് !
അപ്പോള്, എല്ലാവര്ക്കും എന്റെ ഏപ്രില് ഫൂള് ആശംസകള് .. യ്യെന്ജ്ജോയ്!! ..
Subscribe to:
Posts (Atom)